رسالة من شهيد ماسبيرو لأمه

[avatakla]

رسالة من شهيد ماسبيرو لأمه

http://www.ava-takla.com/up/uploads/images/ava-takla-4066324302.jpg


اربع ايام و انا يا امي في الملكوت
بنام و اصحي و انا في حضن رب الصباؤوت
مش كده يا امي احسن ماكان العمر يفوت
و اخسر حياتي و ابقي تحت رحمه الموت
... ... اناشايف يا امي الرب المتمجد في اللاهوت
... شهداء و قديسين و ملايكه و ام ابن الاله
العدرا قالتلي تعالي يا حبيبي عيش وياه
ده الهك الحي الممجد في سماه
شوفت بعيني يا امي ابويا قاعد ما احلاه
انت اروع جمالا من بني البشر
بيقولي يا حبيبي مين ده اللي قدر
يأذيك او يخلي حياتك في خطر
قولتله يارب انا دلوقتي وياك
بس زعلان علي امي اللي مستنياك
قاعده حزينه و بتعيط علي ابن في سماك
قالي يا حبيبي هي اكيد مش شايفاك
لكن اكيد بقلبها سامعاك و حاساك
اهو يا امي سمعتي الهي بيقولك ايه
انا يا امي عايش مطمن بين ايديه
سيبي حزنك يا امي و اسمعي كلام شفتيه
من أمن بي و لو مات فسيحيا
و مع يسوع يا امي العيشه اجمل و احلي
استني مني يا امي قريب جواب
هاحكيلك عن هنايا و عيشتي بعيد عن الخراب
وحشاني اه يا امي بس انا مع ابن الآب
ده شهادتي يا امي خلت الخاطي تاب
هاسيبك يا امي علشان بيندهلي رب الارباب

http://up.ava-takla.com/uploads/images/ava-takla-e4f973558d.gif
اذكرونا فى صلواتكم فريق عمل منتديات افا تكلا هيمانوت الحبشى

http://up.ava-takla.com/uploads/images/ava-takla-e4f973558d.gif