جيفارا مصر..مينا دانيال

[avatakla]

كلنا مينا دانيال
يعنى كلنا نتمنى نكون زيه ابطال
مينا..قدوتنا فى الكفاح والنضال

سبقنا..واحنا هنكمل من بعده المشوار
مينا مكانش مجرد ثاير من الثوار
مينا ضحا بروحه علشان ينجينا من الاخطار

خرج ينادى بحقوقنا
ويطالب بحماية لبيوتنا وبناتنا وكنايسنا
نادى بعلو صوته..علشان يوصل مطالبنا

كان ماشى ايده فى ايد اخواته
وشجاعته كانت سابقة خطواته
فضل رافع صليبه لآخر لحظة فى حياته

يا جيفارا قلبنا عليك موجوع
وقلوبنا قبل عيونا بتنزف عليك دم مش دموع
وعزانا الوحيد انك مع باقى اخواتك فى حضن يسوع

يا خسارة يا مصر..انتى خسرتى كتير
لما قتلتى اولادك اللى بيحبوكى..فى ماسبيرو وميدان التحرير
اول مرة اشوف ام زيك كدة ماعندهاش لا قلب ولا ضمير

حقك وحق اخواتك مستحيل هيضيع
ومهما الاعلام عتم ومهما كدب المذيع
ربنا هيظهر عدله..وهيعلن مجده للجميع

طوباكم يا شهداء ماسبيرو
هيا فى طريق النور سيرو

من كلمات:شاعرة الشهداء
ناهد فاروق شاروبيم


http://www.ava-takla.com/up/uploads/images/ava-takla-6b2df41f52.jpg


http://www.ava-takla.com/up/uploads/images/ava-takla-13f0cbbf5a.jpg


http://www.ava-takla.com/up/uploads/images/ava-takla-6b2df41f52.jpg