المساعد الشخصي الرقمي

مشاهدة النسخة كاملة : عيلــــــــــة تجيب الشلل


MrMr
07-12-2008, 07:12 PM
التليفون يرن...

الطفله:الوووو

المرأه:الو

الطفله:اهلا

المرأه:فين الوالده؟

الطفله:مفيش عندنا واحده والده

المرأه:لا لا مش قصدي كده

الطفله:هوا ايه اللي مش قصدك كده انا بقولك مفيش واحده والده عندنا

المرأه:عمرك كام ياشاطره؟

الطفله:عرفتى منين اني شاطره؟

المرأه:تضحك وتقول باين عليكي دمك خفيف

الطفله:انتي اللى دمك خفيف

المرأه:طيب يالا اديني ماما

الطفله:ليه هيا امك عندنا؟

المرأه:خلاص نادي امك

الطفله:امي معندهاش نادي

المرأه:الله يصبرني ادينى حد كبيييير

الطفله:كبير بالحجم ولا بالطول ولا بالعمر

المرأه:طيب بس اما اشوفك هعملك بطاطا

الطفله:بطاطا مسلوقه ولا مشويه؟

المرأه:زودتيها بقى

الطفله:بصراحه انا قرفانه وزعلانه

المرأه:احسن خليكي تزعلي لحد ماتفجري زي البالونه

الطفله:ايه لون البالونه اللي هنفجر زيها؟

المرأه:تصرخ بأعلى صوتها:فين الوااااالده؟؟؟

فتأخذ الام التليفون من الطفله

وتقول:الوو مين معايا؟

المرأه:حرام عليكي ايه البنت دي طلعتلي قرن في راسي

الام:قرن غزال ولا قرن موز؟

المرأه:زيي انتي دايما بتحبي تهزري دي طلعتلي قرن ثور هههه

الام:ايه حجم الثور؟

تغلق المرأه السماعه وتذهب الى بيت اللي كانت بتكلمهم وترن الجرس....

تركض الطفله نحو الباب وتشد كرسي وتطلع عليه ثم تنظر من العين السحريه

وتقول:مفيش حد دي واحده واقفه ورا الباب

فتقول الام:خليها ترن الجرس زي ماهي عايزه

الطفله:جرس ايه؟ جرس البيت ولا جرس المدرسه؟

الام:لا... جرس البيت

الطفله:جرس بيتنا ده ولا جرس بيتنا الجديد اللي بنبنيه؟

الام:لا جرس بيت الجيران

وبعد ربع ساعه ماتت المرأه بسبب ارتفاع حاد في ضغط الدم والسكر وانفجار بالمراره وتمزق بالمصران الاعور

oja
07-14-2008, 07:27 AM
حلوه يا مرمر

بس دي عيله رخمه اوي

pinknora
07-14-2008, 02:16 PM
ههههههههههههههههههههههه
ليها حق الست تطق وتموت دى حاجة شلل فعلا

ميرسى يا مرمر

MrMr
07-14-2008, 02:49 PM
ميرسى ليكوا اوجا و نورا
لمروركم الجميل

memo
07-14-2008, 03:29 PM
بس دول مش عيله كامله
دول البنت وامها بس
فعلا شلللللللللللللللل
ميرسى ليكى مرمر

MrMr
07-14-2008, 03:35 PM
ميرسى ليك يا ميمو
وكفايا البنت و مامتها

ابن البابا
07-24-2008, 08:58 PM
حلوه اوى يا مرمر دى كفايا انها ماتت بدول بس مش حاجه كمااااااااااان

MrMr
07-24-2008, 11:49 PM
ميرسى لمرورك ارسانى

bethoven
07-25-2008, 01:40 AM
ميرسي يا شاصرة نادي ماما
ههههههههههههههههههههههههه

مسعد خليل
07-25-2008, 03:24 PM
على راى المثل اقلب القدرة على فمها تطلع البنت لامها ودى عيلة تطقق هههههههههههههههههههههههه ههههههههههههههههههههههه هههههههههههههههههههههههههههههه

MrMr
07-26-2008, 11:04 PM
ميرسى لمرورك
ربنا يباركك

Maro
07-30-2008, 05:09 PM
ليه يا مرمر بتعملى فينا كده ؟
ههههههههههههههههههههههه ربنا يعوضك
ويصبر باقى الجيران

MrMr
07-30-2008, 11:07 PM
لا يا مارو مش انا دى البنت ومامتهااااا

ميرسى لمرورك
يا سكررررررررررر
ربنا يباركك