المساعد الشخصي الرقمي

مشاهدة النسخة كاملة : أقوى سلاح فى الوجود


المصرى الأصيل
07-18-2008, 09:13 PM
انا عاوز اتكلم معاكم النهارده عن اهم حاجة ممكن توصلنا الملكوت وياريت تكملوا الموضوع للاخر من غير زهق
مفيش شك ان أهم حاجة ممكن توصلنا هى الصلاة ناس كتير اوى لسه لم تدرك قيمتها ولم تتذوق حلاوتها الصلاة دى ببساطة جاية من كلمة صلة يعنى علاقة ، واحنا حتى فى المثل الشعبى عندنا بنقول :
تعرف فلان ؟ ... أه اعرفه
عاشرته ؟ ... لا معشرتوش
يبقى متعرفوش .!
أهى الصلاة بالظبط نفس الموضوع ...
تعرف ربنا ؟ ... يا سلاااااااام عز المعرفة طبعا دا انا بينى وبين ربنا عمار كبير اوى
طب بتصلى ؟ بتكلمه ؟؟ ... لا مبصليش
يبقى لسه معرفتش حاجه عن ربنا
الصلاه هى الصلة الوحيدة اللى بتربطنا بربنا . واليوم اللى متصليش فيه يبقى قطعت الصله دى .
شوف عاوزك تاخد بالك من حاجة مهمة جدا لازم تفضل دايما حاططها فى دماغك
الشيطان ممكن يسيبك تعمل كل الخير اللى فى الدنيا من غير مايعوقك
يسيبك تساعد ده وتزور ده وتخدم فى مجالات كتير ، ده ممكن هو اللى يساعدك كمان ويسهلك خدماتك عشان فى الأخر يوقعك فى الكبرياء وساعتها يفصلك تماما عن ربنا
لكن انه يسيبك تقف تصلى دى اللى مش ممكن ينولهالك بسهولة ابدا
دى الحاجة الوحيدة اللى لازم يحاربك فيها بكل قوته عشان دى الحاجة الوحيدة اللى بتحرقه وتهزمه
الصلاة هى الحاجة الوحيدة اللى تخليك فى علاقة مع ربنا
الشيطان لو شايفك شغال فى خدمات واعمال صالحة كتير ومش بتصلى . يبقى ولا هيعبرك ولا هيضايقك لأنه كده هو ضمن انك تبعه ومنفصل عن الله خلاص

عايز بقى تعرف ليه الصلاة دى اقوى سلاح فى الوجود ؟؟
تأمل معايا كده فى حاجة بسيطة وجاوبنى ... أزاى جبل المقطم يتنقل من مكانه 3 كم ؟؟
لو جبت كل جرارات وأوناش العالم كله يقدروا يحركوه 1 سم بس ؟؟؟ طبعا مستحيل . لكن الصلاة قدرت مش تحركه 1 سم لكن 3 كم
هل كل دكاتره العالم بكل تخصصاتهم يقدروا يحيوا انسان خلاص مات ؟؟؟ طبعا مستحيل
لكن الصلاة قدرت تقيم الأموات وسير قديسينا مليانة بكده
الأنبا بيصاريون ، وهو انسان عادى زيك وزيى لكنه عرف قيمة الصلاة واختبرها فى حياته وبجمله واحدة منه وقف حركة الكون كله ودوران الكواكب والشمس عشان كان فى الصحراء مع تلاميذه ، والشمس كانت هتغرب عليهم قبل ما يوصلوا مكانهم ولو كانت الشمس غربت كان ممكن يتوهوا فى الصحراء فصلى إلى الله فى جملة واحدة والله وقفل له حركة الكون كله عشان خاطره . شفت عظمة الصلاة اللى بتخليك تفتح السما بكلمة منك !!!
عرفت ليه الصلاة اقوى سلاح فى الوجود ؟؟ عشان ببساطة حطمت كلمة " مستحيل "
عايز بعد كل ده انه يكون فى ايدك السلاح العملاق اللى اسمه الصلاة وتفضل لسه كسلان ومتستخدمهوش ؟؟ تبقى مش زكى ولا حكيم كمان

اذا كنت لسه من الناس اللى هما مجربوش يصلوا قبل كده . لازم تبدأ من النهاردة
والموضوع سهل وبسيط وخده بالتدريج
اكتفى بصلاة أبانا الذى فى السموات اول ما تصحى من نومك وقبل ما تنام ، صدقنى دى مهمة قوى عند ربنا . عارف ليه ؟
لأن انت كنت نايم فى سريرك مرتاح ومتغطى ببطانية . لكن فيه غيرك كان نايم فى المستشفى وفيه غيرك كان بايت فى قسم شرطة طول الليلة دى وفيه غيرك اللى كان بايت فى شقة مشبوهة وبيعمل خطية وفى غيرك اللى كان نايم بيتألم من وجع طول الليل ومقدرش ينام اصلا وبرضه فى غيرك اللى نام ومقمش وفيه غيرك اللى نايم على الرصيف ومش لاقى حتة ينام فيها
يبقى ربنا اللى حفظك من كل الشرور دى ميستاهلش مننا كلمة شكر اول مانصحى
ميستهلش مننا كلمة صباح الخير ياربى يا حبيبى وتصلى على الاقل ابانا الذى فى السموات .
انت كمان هتحس بالبركة طول يومك لما تبدأه بربنا وبالصلاة حتى لو كانت قصيرة
كمان مهم اوى اننا لازم نصلى قبل ما ننام . لأننا لازم نشكره انه كان معانا طول اليوم وحفظنا من شرور كتير ووصلنا فى اخر اليوم لحد سريرنا عشان ننام ،
كمان برضه مهم اننا ننهى يومنا بربنا والكلام معاه زى ما بدأته معاه . لأنه هو البداية والنهاية .
وحتى لو بعد الشر بعد الشر حد فينا نام ومقمش يبقى اخر حاجة طلعت من قلبك وفمك هى صلاة وكلام الله
عشان كده الصلاة قبل النوم مهمة جدا زى الصلاة أول ما نصحى
وطبعا انا بتكلم ان الصلاة الربانية " ابانا الذى " كبداية ليك لو مكنتش لسه لم تبدأ لكن لازم تنموا فى الصلاة طبعا بس اهم حاجة انك تبدأ ، والنمو ده هيكون مع الوقت طبعا إنشاء الله

دلوقتى هى دى فرصتك عشان تبدا تفتح علاقة مع ربنا . علاقة حقيقية حية تتمتع بحلاوة العشرة معاه
+ لانه يقول في وقت مقبول سمعتك و في يوم خلاص اعنتك هوذا الان وقت مقبول هوذا الان يوم خلاص ( 2كو 6 : 2 )
من فضلك متضيعش الفرصة من إيدك لو حاسس دللوقتى انك عندك شعور بأنك عايز تبدأ استغل الشعور ده وقوم دلوقتى وكلم ربنا وقوله
اقبلنى يارب إنى ابدأ معك حياه جديدة الأن هنا على الأرض عشان اقدر اكملها معاك هناك فى الملكوت .

وتذكر يا اخى ويا اختى ان الصلاة هى الصلة اللى بتربط بينك وبين ربنا ، ربنا عاوزك زى مانت اوعى تكزن مشغول عن اخلص حبيب عاوز يكلمك وعمال يدعوك وخلى بالك لو فى يوم مصلتش تنقطع الصلة دى بالذمة ديه تبقى عيشة اللى مافيهاش صلة بربنا

بنت البابا
07-19-2008, 06:21 PM
موضوعك فعلا مهم جداااااااااااااااااا

ياريت الكل يقراااااااااااة

الصلاة هى اقوى سلاح ممكن نحار بية الشيطان " الصوم والصلاة يغلبان الشياطين"الصلاة دى بترعب الشيطان بتخلية مش عارف يعمل اية لانة عارف انها ضعفة الوحيد ومش هيقدر يحارب قوتها

علشان كدة الشيطان بيحاول يبعدنا عن الصلاة بيحاول يبعدنا عن السلاح الوحيد الى نقدر نهزمة بية

واول لما يلاقيك بتصلى وخلاص بقى هتحاربة بصلاتك يبتدى هو كمان يحاربك باسلحتة لكن طبعا احنا اسلاحتنا اقوى

علشان كدة الى يلاقى نفسة مفيش مشاكل فى حياتة وميش متاعب ومفكر نفسة انة كويس يعرف على طول ان الشيطان مش بيحاربة علشان عارف انة اصلا مش مع ربنا هيحاربة لية ماهو كدة كدة بعيد

لكن الانسان الى مع ربنا دايما دايما تلاقية فى حروب مع الشيطان ومعاندات واضطهاد وتلاقى الشيطان مش عاوز يفرحة باى حاجة بيعملها علشان يخلية يأس ويفقد الــــــــصلاة ويبقى ضعيف

لكن طبعا احنا فى حياتنا بنعيش الجهاااااااد ولازم نقع ولازم نقوم ونقع ونقوم هو دة الجهاد مفهوش يأس

كان فى مرة واحد بيسال البابا شنودة وبيقولة انا علطوا بعد مابقوم من الخطية بقع تانى راح البابا قالة متقولش بعد مابتقوم بتوقع قول

كل مابقع بقوووووووم
شكراااااا على موضوعك الحلو وسورى انى كنت طولت فى الرد وبقى موضوع ههههههههههه

المصرى الأصيل
07-19-2008, 06:50 PM
أشكرك يا اختى بنت البابا على مرورك اللى اسعدنى جدا وتعليقك اللى اكثر من رائع وختامه بخفة دم وقفشة ظريفة من قفشات سيدنا قداسة البابا ربنا يحافظ عليك

ناني
07-23-2008, 01:41 AM
ميرسي جدا يا المصري الاصيل موضوعك بجد كلنا في احتياج ليه مش بس اللي مش بيصلي لكن حتي اللي بيصلي محتاج يقراه عشان مايكسلش عن الصلاه في اي يوم مهما كان السبب وعايزه اقول حتي لو الواحد ماحسش بتعزيه اثناء الصلاه او حس انه تعبان برضه يقف يصلي ومع الوقت بالتدريج هايحس ببركه وقوه الصلاه
ميرسي ليك وربنا يباركك

medhat atef
07-23-2008, 04:02 AM
ميرسي جدااااااا ( المصري الاصيل ) علي الموضوع و لبنت البابا و ناني الي مسبوش حاجة نعلق عليها

شكرا ليكم

صلوا لاجلي

oja
07-23-2008, 06:59 AM
ميرسي ليك يا مصري بجد موضوع جميل ومهم جدا
فعلا الصلاه دي اهم حاجه بتنمي العشره مع ربنا فعلا هي كلمه بتحطم المستحيل

المصرى الأصيل
07-26-2008, 03:58 PM
شكرا نانى ومدحت واوجا على مروركم وتعليقاتكم الجميلة ربنا يحافظ عليكم

Mero_love
07-31-2008, 02:43 PM
ميرسي ليك يا مصري بجد انا مش عارفه اقولك ايه بجد بجد مواضيعك كللهااااااااا رائعععععععععععععععععععععععععععععه جدااااااااااااااااا بجد وبالذات الموضوع ده
مهم جداااااااااااااااا طريقه فظيعه بصراحه انا مش عارفه اقول ايه تاني بعد اللي بنت البابا وناني قالوا اللي كنت هقوله بجد موضوعك رائعععع
ميرسي ليك كتير ربنا يباركك

المصرى الأصيل
08-01-2008, 01:33 AM
اشكرك جدا يا اختى على مرورك وكلماتك المشجعة ربنا يحافظ عليك

Solid rock
08-01-2008, 05:28 AM
الموضوع جميل جدا يا قبطي(مصري) يا أصيل وبجد مهم لخلاص كل أنسان مننا
والجميل برضه التعليقات والردود اللي قدرت أهمية الموضوع ده
لكن ينقصنا حاجه واحده بس ويبقي أسمه الموضوع الكامل
وهو : (التنفيذ)

المصرى الأصيل
08-01-2008, 11:13 PM
لكن ينقصنا حاجه واحده بس ويبقي أسمه الموضوع الكامل وهو : (التنفيذ)

شكرا اخى اندراوس على مرورك واقتراحك اللى فى محله ربنا يحافظ عليك ومنتظرين مواضيعك يلا شد حيلك معانا

MrMr
08-17-2008, 03:28 PM
ميرسى ليك يا مصرى
موضوع مهم اوووى
الصلاة اقوى حاجة ومن خلالها نقدر نكلم ربنا

المصرى الأصيل
08-17-2008, 07:11 PM
شكرا مرمر على مرورك وربنا يحافظ عليك

بولا رفقى
08-17-2008, 09:48 PM
شكرا يا مصرى جداااااااااااااااااااااااا

المصرى الأصيل
08-18-2008, 02:12 AM
شكرا بولا على مرورك المسيح يحافظ عليك

هابي
08-28-2008, 03:55 AM
شكرا اخي المصري علي موضوعك
ان الصلاة لها جانب انساني هو الدعاء
وجانب الهي وهو الاستجابه
هكذا قال الرب صانعها الرب مصورها ليثبتها يهوة اسمه ادعني فأجيبك واخبرك بعظائم وعوائص لم تعرفها
تقبل مروري اخي المصري
الرب يبارك حياتك ويعوض تعب محبتك
صلي لاجل ضعفي

المصرى الأصيل
08-29-2008, 11:31 AM
مرورك اسعدنى جدا المسيح يحافظ عليك

jesus_4ever
08-29-2008, 02:30 PM
مش عارفة اقول اية بعد اللى اتقال بصراحة تعليق روووووعة شكراااا ليك يا مصرى ربنا يحميك

المصرى الأصيل
08-29-2008, 03:42 PM
شكرا ليك يا جيرمين على مرورك الجميل المسيح يحافظ عليك

bethoven
08-30-2008, 04:50 PM
مشكور .................................................. ....................................... مشكور
مشكور مشكور .................................................. .........................مشكور مشكور
مشكور مشكور مشكور .................................................. ......... مشكور مشكور مشكور
مشكور مشكور مشكور مشكور ............................................ مشكور مشكور مشكور مشكور
مشكور مشكور مشكور مشكور مشكور.............................. مشكور مشكور مشكور مشكور مشكور
مشكور مشكور مشكور مشكور مشكور مشكور ...............مشكور مشكور مشكور مشكور مشكور مشكور
مشكور مشكور مشكور مشكور مشكور مشكور مشكور مشكور مشكور مشكور مشكور مشكور مشكور مشكور
مشكور مشكور .كور مشكور مشكور مشكور ............... مشكور مشكور مشكور مشكور مشكور مشكور
مشكور مشكور مشكور مشكور مشكور .............................مشكور مشكور مشكور مشكور مشكور
مشكور مشكور مشكور مشكور........................................ .... مشكور مشكور مشكور مشكور
مشكور مشكور مشكور .................................................. .........مشكور مشكورمشكور
مشكور مشكور .................................................. ....................... مشكور مشكور
مشكور .................................................. ....................................... مشكو