ارحمونا من الردود

[the black eagle]

يا جماعة الردود بتخلى الواحد يجلو خفقان ارحمونا شوية
هو يعنى كل واحد عاوز يزود المشاركات يروح رازع اى رد 90%من ردود المنتدى كلها فورما واحدة
(شكرا على الموضوع) (ميرسى لتعبك) (ربنا يعوض تعب محبتك)
احرحمووووووووووووووووووووووووووووووووووناااااااااا ااااااااااااااا

[pishoy]

عندك حق يابولا

هو الردود مطلوبه ومهمه جدا

بس بلاش الاسطمبه اللى اتحفظت دى

[ابن البابا]

انا مقدرش اعلق علشان لما بنشيل ردود ملهاش لزمه

الاعضاء بتقول فين الردود بتات الموضوع ده راحت فين وكده

شوفوا انتوا عايزن ايه واحنا نعمله

[the black eagle]

فى مثل بيقول(لم يكن فى الامكان افضل مما كان)بمعنى فى حاجات بتتحس فى حاجات انت بتحس انها محطوطه عافية هبلولى
دى شلها واللى يزعل سورى ينتش راسه فى الجدار
وبس

[بنت الانبا تكلا]

على فكرة ساعات بيكون فيه ردود مكررة بس غصب عن الواحد مش بمزاجه بس فعلا بيبان اذا كانا الرد اسطمبه ولا لا

[the black eagle]

انا عندى حل حلو
كل واحد يكت رد يكتب فى الرد ده هو استفاد ايه من الموضوع علشان على الاقل احس ان البيه قرأ الموضوع مش داخل يزود مشاركات والسلام
اللى مش هيكتب هو استافاد ايه يبقى من حق المرف حذف الموضوع
ونعمل تنبيه بكده على المنتدى
وارحمووووووووووووووووووووووونااااااااااااااا

[بولا رفقى]

هو كثرة الردود وذلك لكثرة المواضيع الحلوة والجامدة جداااااااااااااااااا ربنا يباركم

[JESUS LOVE]

تصدق ياد يابولالالالالا انتا اول مرة تقول حاجة نافعة بجد بسس انتا اللى عندخفقان

ومش راضى تروح تكشف

[المصرى الأصيل]

انا معاك اخى the black eagle بس ممكن فى البداية يدخل يقول شكرا لكن بعد ما ياخد خبرة ويبتدى يقرأ بتركيز كل شىء هيتحسن

وانا ارجو رجااااااااء محبة من كل الاعضاء تدخل وتعمل مشاركات ايجابية للمواضيع ولا تكتفى بالمجاملات وتقول موضوع شيق موضوع جميل ميرسى الخخخخ لان المفروض المنتدى لتبادل الاراء والخبرات وكمان ما ننساش حاجة مهمة اوى ان المنتدى زى الكنيسة بالظبط واحنا هنا خدامين عند المسيح

شجع اخواتك على قد ماتقدر

تخيل لو فيه ماتش من غير مشجعين ( مع الفارق فى التشبيه ) هيبقى ليها طعم

من فضلك شارك مشاركة ايجابية

[oja]

اه انا معاكوا ان الردود الكتير دي ونفس الكلام لما بيتكرر مش حلو

بس حتي لما بتكون كلمه شكر صغيره بتفرح اللي كاتب الموضوع بيحس ان الموضوع بتاعه اتقرا

ولو الموضوع حلو لازم نديله حقه علشان اللي كتب يتشجع انه يكتب تاني وتاني

وكمان زي مانت او هو او انا بنحب ان موضوعنا يترد عليه ونشوف التعليقات برضو اي حد بيكتب كده

بس السلبيه في الردود بقي لما يكون في موضوع للمناقشه او موضوع في اجابات علي اسئله او اننا نعرف الاراء وكده

وتلاقي حد بيقولك شكرا وميرسي علي الموضوع ومفيش اي اضافه ولا حتي اي رد ولا تعليق دي بقي السلبيه

وزي ما المصري بيقول ((من فضلك شارك مشاركة ايجابية ))

[bethoven]

لا تعلييييييييييييييييييييييييييييييييييييييييييييييي ييييق
اية رايك في الرد دة

[بولا رفقى]

اوكككككككك يا ميرنا انا واد وخفقان ايزى يا عزيزى

[فرفوره]

كل واحد بيكون كاتب موضوع بيحتاج الناس تدخل وتقراء الموضوع وتقول رايها وبيتشجع لما يكون في كلمه شكر وتشجيع ولو الموضوع محتاج تعليق يقوله او مثل محتاج ردود اوكيه يرد ولكن الموضوع مثلا قصه اوتامل او موضوع روحي او سوال عن شى فبيقراة ويقول شكرا ويشكر اللي كاتب الموضوع وده ابسط شى ده راي وشكرا

[the black eagle]

بصى يا فرفورة ممكن تقولى ان 90% من اللى بيقولو (شكرا)(ميرسي)من غير اى مشاركات تيجابية يعنى ما بيقولش هو استفاد ايه ده بيخش يزود مشاركات مش اكتر