بتحب المنتدى؟؟؟

[المصرى الأصيل]

بسم الأب والأبن والروح القدس الاله الواحد أمين

شوفوا يا أحلى شباب عاوز أسأل حضراتكم سؤال هو المنتدى ده بيمثل لك إيه يعنى هل هو شئ مهم بالنسبة ولو مادخلتش ليوم مثلا تبقى حاسس أن فيه حاجة ناقصاك وانك لما بتبقى فيه بتبقى حاسس انك قاعد في بيتك وفى وسط أسرتك وأخواتك ولا موقع زي أي موقع من اللي أنت بتدخلها و مش فارق معاك دخلت زي ما دخلتش .

لو بجد حاسس أن المنتدى ده بتاعك وبيهمك قول لنا :

أي ملاحظــــــات يعنى :

1. لو أنت شايف أي سلبيات في المنتدى أو فيه حاجة مضايقاك في المنتدى وتتمنى ما تشو فهاش
2. كمان أي إيجابيات انت شايفها في المنتدى وتتمنى إن القائمين على المنتدى يزودوها.

أي اقتراحات يعنى :

1. لو حاجة مش موجودة في المنتدى وتتمنى تلاقيها في المنتدى .
2. لو عندك أي اقتراحاتك لتطوير المنتدى في جميع المجالات .

لو بجد يهمك نجاح المنتدى

لو بجد بتحب الأنبا تكلا

ادخل وشارك وقول رأيك

وتأكد إن رأيك هيكون محل احترام ..محل تقدير .. محل دراسة وتنفيذ .

[pishoy]

مكدبش عليكم انا الاول لما دخلت المنتدى دخلت علشان منتدى كنيستنا مش اكتر

لكن بعد روح الحب اللى ابتدت تظهر فى المنتدى

وبقينا نسال على بعض

ونشارك بعض مشاكلنا

وكل واحد بيحاول يبذل اقصى جهد علشان ننمى المنتدى

انا حسيت فعلا ان ده بقى بيتى

[yoyo2008]

بجد يا ثروت الموضوع ده جميل واجابتى ان انا دخلت على المنتدى الاول علشان كان منتدى بتاع الانبا تكلا الى هو تبع كنيسستنا بس انا اعدت فترة كده مش بخش علشان المشاكل وكده وبعد كده فى واحد وانتا عارفه اوى يا ثروت سال على زحسسنى فعلا ان لما اغيب ممكن حد يسسال على والحد ده هو انتا شكرا على سوال على وانك حسستنى ان المنتدى فعلا بيتنا
لاكن انا يعنى مش بحط فى دماغى سلبياته وكده بس

[JESUS LOVE]

مش عارف يمكن اما دخلت الاول المنتدى مكنتش عارفة حد كان بنزبلى عادى مش هاتفرق ادخل او مش ادخل
اما اما عرفت الناس اللى فية وكدا وطلعت اعرفهم وطلعو بحبهم وزى اخواتى حبيت المنتدى جدا ولما اغيب عنو كن بحسى انا فاضية مضايقة والمواضيع بقيت مهمة وبقا منتدى نشيط كتير عن الاول

[the black eagle]

انا بقي كنت بدخل على المنتدى دا من اول ما طلع خالص من حوالى سنه ونص كده ولا حاجة
وبعدين حصلت عليه مشاكل كتير وفى ناس من اشمون ضربوه

اما بعد ما اترفع و الكنيسة عندنا اعلنت ان المنتدى مالوش اى علاقة بالكنيسة كنت انا وقتها فى الثانوية العامة بس خت قرار على نفسي انا وارسانى اول ما الصيف يجي عليا انى لازم اثبت للكل ان احنا افضل منتدى واخليهم ذى ما رفضوه يطلبوه مننا تانى بعد ما رفضوه

ولما جه عليا الصيف دخلت على المنتدى لقيت شوية اعضاء بس ايه
ما فيش بعد كده بجد اصحاب انا بعشقهم بجد

وما فيش يوم بيعدى عليا غير لما ادخل على المنتدى
لدرجة ان انا ممارستي لهوايتي المفضلة على الانترنت (hacking) تقريبا قلت ودا كان من رابع المستحيلات

اما بالنسبة للسلبيات :

انا شايف حاجتين الاولى بس من حوالى 6 اعضاء هى اللى بتخلينى اتغاظ اوى وابقى ناشف معاهم فى الرد بتاعى وهى انهم يخشو يردو على الموضوع من غير ما يقرأوه او ينزلوه
اما التانيه من المشرفين وهى ان لما واحد بيعرض فكرة بيموت علشان تتفنذ يعنى انا لما عرضت فكرة منتدى العالم فيه ايه كان ناقص ابوس على ايد المنتدى واحد واحد علشان حد يرد عليا

اما الايجابيات :

انا شايف ان عندنا هنا كتير من الايجابيات ذى
ان كل يوم تلاقي مواضيع جديدة
تلاقي كل اسبوع كده ولا حاجة قسم جديد
المشرفين دايما صحيين
ماحدش بيغيب عننا فترات طويلة
احنا اسرة واحد

اما بالنسبة للمقترحات:

انا عندى اقتراح بس لسه مش عارف اظبته
استنو عليا حوالى اسبوع كده ولا حاجة اناقش الفكرة مع اصحابي ونشوف مميزاتها وعيوبها
وانا مش هتأخر عن المنتدى


وبس

[JESUS LOVE]

انا طبعا من ضمن 6 الرخام

[memo]

انا بقى رقم عضويتى 4 يعنى ماشى معاه خطوه خطوه

ميعديش علي يوم الاو لازم افتح المنتدى

حتى لو مشغول فى حاجه تانيه بسيبه مفتوح

فتره شهر 5 و6 كنت مشغول جدا فى المذاكره بعدت عن المنتدى شويه وكنت متغاظ قوى

المهم كنت نفسى اخلص وارجع تانى

**ملاحظتى بسيطه:
1 - مبحبش حكايه (شكرا لمرورك)
2 - محبش الردود اللى باين ان اصحابها لا قروا الموضوع ولا حاجه(زياده المشاركات وخلاص)

**الايجابيات :
تحس ان كل الاعضاء اسره واحده

**مقترحاتى :
يا ريت نشيل احصائيه اخر موضوع او حتى نقللها
لان اى حد بيدخل بيشوف المواضيع منها وبس
انا نفسى كل واحد يدخل قسم معين ويقرا موضيعه

[MrMr]

بجد المنتدى بقى احسن من الاول
وبحس بجد ان انا وسط اخواتى
لما مش يفتح مثلا ولما اضرب قبل كدا اضايقت اووى

السلبيات :
*ان الموضيع القديمة بتتنسى ومحدش بعرفها تانى
*فى الردود اللى بتكون فيها قلة ذوق بجد بضيق منها

الايجابيات :
*المواضيع بقت مفيدة جدا
*فى تفاعل بين الاعضاء اكتر

اقتراح :
*ممكن نعمل فهرس فى كل قسم يكون فية كل المواضيع
علشان المواضيع القديمة مش تتنسى و لو حد بيدور على وضوع يقدر يوصلة بسهولة
يارب يكون اقتراح يعجبكم

[the black eagle]

ايوه كدا الكل بدأ يسخن يلا يا جماعة
يلاااااااااااا.........
لازم نطور من نفسنا

انا بقول ان كلام مارينا صح الصح

وميمو كمان حبيب قلبي

[jesus_4ever]

اكيد طبعا المنتدى بنتعلم منة حاجات وبنعرف منة حاجات محدش كان يعرفها وبتكون فى مواضيع جميلة ومهمة وانا اعتقد ان كان فى ناس مش بتدخل بقت تدخل وتشارك ويارب كدة داايما
شكرااااااااا ليك يا مصرى

[المصرى الأصيل]

شكرا يا شباب منتظرين ارائكم عشان نوصل بمنتدانا انه يكون احلى منتدى وفيه ناس مؤثرين اوى لسه ما قالوش رأيهم

[oja]

انا كنت في المنتدي الاول خالص مع ارساني قبل ما المنتدي يقع وكنت من اول الناس اللي اشتركوا
وكنت مهتمه بيه وكنا عايزينه يكبر وكانت اول مره اشترك في منتدي خالص
وبعدين لما وقع وكل المواضيع اتمسحت مشتركتش تاني غير بعد مده بس برضو ساعتها المنتدي مكنش لسه كبر اوي كده
بس انا دلوقتي اول حاجه بعملها لما بفتح النت اني افتح صفحه المنتدي واشوف ايه اللي بيحصل فيه
انا بس ممكن مادخلش المنتدي لايام لكن بتكون ظروف بس مش اكتر بس مينفعش مادخلش لانه دلوقتي بقي مهم اوي عندي

في حاجات بقي بتضايقني

اولا:لما اي عضو يرد علي الموضوع من غير حتي ما يقراه وساعات بيكون الموضوع محتاج رأيه والرد بيكون منتهي السلبيه
ثانيا: لما يكون موضوع مهم اوي وحلو ومكتوب بطريقه حلوه ومياخدش حقه
يعني بمجرد انه بينزل من الاحصائيات اللي تحت دي وبيبقي مش موجود فيها خلاص محدش بيشوفه تاني

بس ده ميمنعش ان المنتدي فيه حاجات كتير حلوه واعضائه زي العسل والمواضيع والمشركات بتزيد وبقت احلي

الاقتراحات بقي :
انا معاكم ان احنا نزود اقسام تانيه في المنتدي وان يمسكوا الاشراف اعضاء يستهلوا كده
بس انا نفسي الاقسام والموضوعات متبقاش بعيده عن الجانب الروحي
لان المنتدي منتدي روحي وديني ونفسي يفضل كده

اسفـــــــــــــــه جدا جدا اني طولت عليكم

[white_heart]

انا بقى هبدأ بالايجابيات :
فعلا بقى فيه تفاعل اكتر بين الاعضاء
والمواضيع بقت حلوة اوى
وتقريبا كل الاعضاء بتشارك فى المواضيع اللى زى دى اللى عاوزة اراء مش زى زمان محدش كان بيسال

والاعضاء بقوا يركزو يعنى مش واحده تدخل تشكر حد تانى على الموضوع غير صاحبه لالا مش بقى فيه كده



السلبيات بقى :
السلبيات قلت كتير عن الاول
لدرجه انى الاول مش كنت بدخل المنتدى عشان كده دلوقت بقيت لازم ادخله وبصراحه انا مش شايفة اى سلبيات

الاقتراحات :
انا كنت هقول اقتراح مارينا لانه فعلا احنا محتاجييييينة
اسفه لانى طولت عليكم وميرسى ليك يا مصرى ربنا يحمييييك

[Maro]

ميرسى جدا المصرى الاصيل على النقاش ده


لما يكون المنتدى ده الوحيد اللى انا بدخله حتى منتدى كنيستى مش بدخله
ولما اكون بدخله كل يوم لدرجه ان اللى يمنعنى عنه انه مفيش كومبيوتر فى المكان اللى ابقى فيه بعيد عن البيت
ولما ابطل افتح الايميل بتاعى بسبب دخولى المنتدى من كتر حبى ليه(ava44)
اكيد كده عرفت المنتدى ده بيمثل لى ايه دا اكتر من بيت دا المكان الوحيد اللى ممكن افرح وانا فيه(يبقى انت اكيد فى مصر(ava50) )

الايجابيات: (ava10)
دى كتير جدا اهمها انى لما اغيب لفترة الاقى حد يسال عنى زى ما سافرت كده مدة يومين وحضرتك سالت عنى ميرسى جدا ليك
(ava100) وكمان المواضيع الحلوة بتاعه المنتدى ودى مش مجامله لانى لقيتكم بتناقشوا مواضيع كان نفسى حد يكلمنى فيها او حتى ياخد رايى ومواضيع تانيه بعيده عن عقلى مكنتش اعرف انى ممكن افكر فيها
الخلاصه المنتدى فوق الممتاز

السلبيات:
(ava39) انا مقدرش اقول ان فيه سلبيات هنا طول ما كل واحد بيبذل قصارى جهده بس ياريت الرد على الموضوعات يكون بالفاظ متضايقش اللى كتب ولو الكاتب لقى رد مش عاجبه ميردش على حد بطريقه تحرجه(ميردش الاهانه باهانه)

الاقتراحات:
مفيش اقتراحات حاليه لانى مدخلتش كل اقسام المنتدى ومش عايزة اقول حاجه تطلع موجوده وصاحبها يحس باهانه او اهمال بس اوعدكم لما الاقى حاجه اجيبها
ميرسى جدا ليكوا وسورى جدا انا طولت جدا جدا جدا جدا بس دا من حبى للمنتدى ربنا يعوض تعب محبتكم ويرفع المنتدى اكتر واكتر

[yoyo2008]

بجد ثروت نقاش جميل بس معلش انا مقولتش سلبيات لاكن اخواتى المشرفين والناس بقه الكبيرة ديه هتلاقيهم يقولوا كل حاجة

[المصرى الأصيل]

رأيك مهم جدا يا يوحنا لو شايف اى سلبيات لازم تقولها عمرنا ما هنتقدم الا اذا عرفنا سلبياتنا منتطرين كل الاراء

اللى بيحب المنتدى

واللى بيحب الانبا تكلا

لازم يقول رأيه

[avatakla]

اولا احب اشكر المصرى الاصيل على الموضوع الجميل دا


ثانيا بشكر كل الاعضاء الى ردو على الموضوع

ثالثا ارد على اخويا the black eagle

انت كنت بتقول فى الرد بتاعك

ان لما واحد بيعرض فكرة بيموت علشان تتفنذ يعنى انا لما عرضت فكرة منتدى العالم فيه ايه كان ناقص ابوس على ايد المنتدى واحد واحد علشان حد يرد عليا

مفيش حاجه اسمها تبوس على ايد حد احنا هنا علشان نخدم كل عضو فى المنتدى وكل المشرفين بيبزل كل جهدهم علشان خلو المنتدى يكبر بيكم وبنعمة المسيح

ومش هطول عليك فى الكلام انا مستنى اى مقترحات واى اقتراح احنا مستنينه وهنتناقش فيه مع بعض مع كل اعضاء المنتدى اى اقتراح محدش رد عليك فيه

ياريت تبعته على الاميل دا


avatakla_team@yahoo.com

واحنا فى انتظار اى اقتراح من الاعضاء اولاد الانبا تكلا واحنا فى خدمتكم فى اى وقت
]]>

[yoyo2008]

وانا هقول سلبيات والايجبيات انا اولتها
السلبيات : ان دايما اى مشكلة بتحصل المنتدى بيبقى بعديها مهدد انه يتقفل وان كمان فى ناس كتير اودامى بتبقى عايزة توقعه وكمان فى مشرفات بتبقى مش ولا بد يعنى مش بترد حلو وممكن بتبقى زى ما يكون بتتخانق وانا مش هذكر اسماء وكمان عايزين تنظيم شوية فى منتدى الشكاوى علشان نعرف نقول كل حاجة وحشة عندنا وكمان كثرة المواضيع يعنى فى مواضيع مش بتاخد حقها عن طريق ان ممكن فى اليوم ينزل كذا موضوع
شكرا استاذى ثروت

[ابن البابا]

انا بشكر المصرى الاصيل على الموضوع الحلوه ده وانا هرد عليكم

اولا الايجابيات

1- انا شايف ان المنتدى كله بقى مترابط ببعضه وده يرجع للمصرى الاصيل يا جماعه وبجد عمله حيويه للمنتدى انا مش بقول الكلام ده من عندى بجد ده كلام كل اللى بيقابلنى ويقولى كده عليه بامانه

2- فرحان جدا ان الاعضاء اللى كانت بتدخل علشان اعضاء تانيه بقت تدخل وترد على كل المواضيع ومبقاش مجاملات والحمد لله بنهم وخلت الحمد لله

3- نفسى وده هيتحقق انشا الله ان مشكور , مشرى على الموضوع الجميل . كده متبقاش ونشارك ونستقيد من الموضوعات


السلبات
1- لما موضوع يتناقش او حد بيقول مشكله نفهم لب الموضوع مش نفهم على مزجنا يا جماعه الاداره بتبقى شايفه حاجه انتهم عمركم ما هتشفوا ولا هتفهموا بامانه مصلحاه المنتدى فوق كل شى

2- انا مش عندى صحبى ولا مش صحبى ولا فرق بين الاولاد و بنات يا شباب الكل عندى واحد حتى مع اصحابى مصلحه المنتدى فوق كل شى لان عضو قال ما هما اصحابك بتعملهم حساب ومش بتكلمهم وكده ده مش صح يا شباب بجد





وبجد انا حلم حياتى المنتدى ده يبقى كبير اوى وكل يدخل عليه ويبقى معروف ونعمل فيه احلى حاجه ونبقى كلنا اخوات واسره واحده واصحاب

[Mero_love]

اولا ميرسي ليك يا مصري علي الموضوع ده
اولا الايجابيات :
كل الاعضاء بتسال علي بعضها وفي مشاركه جامده في المواضيع ومناقشتها وراي الاعضاء بيتقال علي الموضوع بصراحه والمعامله بين الاعضاء بقت كويسه الحمد لله والاعضاء بيسالوا علي بعض

ثانيا السلبيات :
ان حد يدخل يرد من غير ما يقرا المواضيع ويرد رد غير غير لائق بالموضوع او رد مالهوش علاقه بالموضوع وان حد يحط موضوع والاعضاء يدخلوا يقروه ولو مش علي مزاجهم يطلعوا من غير ما يردوا عليه وخلاص

الاقتراح :
هو نفس اقتراح مارينا بردو

وميرسي ليك يا مصري علي الموضوع ده ربنا يحميك ويحفظك واسفه اني طولت عليكم