هل الناس بتحترمك؟

[pinknora]

سعات الظروف بتجبرنا اننا نشتغل شغل مش بنحبه
ويمكن مش بنحترمه
و فيه ناس بتسالنا
انتا بتشتغل ايه
سعتها بتتزنق والكلمة بتقف في زورك

الي كل مزنوق يريد التحدث بحرية
إقرأ هذه القضية


انا النهارده هتكلم عن قضية يمكن تكون غبيه
انا النهارده هتكلم عن قضية العواطلية


لو بتبص للفلاح باستحقار
فكر
انتا هتاكل منين لو هو مزرعش

لو بتبص للزبال باسحتقار
فكر
في الزبالة اللي انتا هتكون عايش فيها لو هو مش موجود


ولو انتا بتشتغل شغلانه مش بتحترمها اقتنع ان عدم احترامك لشغلك هو اللي مخللي الناس اللي حواليك مش بيحترموك

واسال نفسك
انتا بتحترم اللي بيشتغل شغلانه اقل منك علشان تستني احترام الناس اللي شغلهم اعلي منك

الناس بتهاجر بره علشان تلاقي اللي يحترمها ويحترم شغالها
طيب تسال نفسها الاول
هيه ليه بتتكسف من شغلها اساسا ؟؟؟

اوعي تصدق اللي يقولك ان مفيش شغل
لا
فيه شغل
وكتير كمان
بس الناس بتفتكر انها تقول انا لسه ملقتش شغل مناسب احسن ما تقول انا بشتغل عامل او بواب مثلا


احترم شغلك
علشان الناس تحترمه
واحترم غيرك وشغل غيرك
علشان غيرك يحترمك ويحترم شغلك

حتي لو مكنتش بتحبه
كفايه انك تحترمه


واحسبها براحتك
انهو احسن !!؟
تقعد علي الرصيف
ولا تكون انتا اللي بينضف الرصيف

منقول

[pishoy]

انا معاكى ان الشغل مش عيب

بس فى حاجه انا بعترض عليها يانورا موضوع الشغل مناسب

مش معقول واحد معاه بكاليريوس وكرسات ويجى فى الاخر يشتغل بواب زى مابتقولى

مع احترامى طبعا لشغلة البواب

بس هى فعلا متناسبوش كعقليه وتفكير ومرتب

وفكرى انتى لو واحد معاه بكاليريوس وجه اتقدملك وعرفتى انه شغال بواب

هل هتوافقى بيه

مستنى اجابتك بس بصراحه

[pinknora]

انا مش قصدى يا بيشو ان الواحد بعد كل الدراسه

والتعب يشتغل بواب بس قصدى اننا مش لازم نبص

للناس اللى بتشتغل الشغل ده نظره مش كويسه

علشان اى حد بيشتغل شغله مرموقه مش هيبقى وضعه كويس كدة

من غير البواب اللى بيحرس بيته والزبال اللى بيشيل زبالته

والسواق اللى بيوصله والكهربائى اللى بيصلح الاضاءه

والنقاش اللى بيوضب المكان اللى هنقعد فيه

اظن لو بصينا للناس دى نظره غلط او بأحتقار دى حاجة مش صح

لان من غيرهم هنضطر احنا نعمل كل ده بقى كل حد مهما كان شغله بسيط

بيكمل التانى مفيش حد منفصل عن غيره كلنا حلقه واحده وايه رأيك انت نبقى قاعدين

عواطليه ولا ناخد خطوه حتى لو كانت صغيره علشان توصلنا اللى بعدها

ميرسى لمروك نورتنى

[Maro]

ميرسى جدا يا نورا كلامك حلو جدا
وانا فعلا بتتبعت عندى وظايف كتير جدا للمهندسين والتجاريين وجميع التخصصات وفى كمان شغل فى البلاد العربيه والاوروبيه يعنى الفرص موجوده
ممكن الشاب مثلا يشتغل اى حاجه لحد ما يلاقى الفرصه المناسبه
انا شخصيا افضل ان الشاب يشتغل شغل بسيط ويدور على غيره اللى يناسب مؤهلاته على انه يفضل عاطل
واعتقد ان كل الناس تفضل كده ولا ايه؟
ميرسى مرة تانيه لموضوعك المهم جدا ده وسورى طولت عليكم

[pishoy]

طب ابعتيلنا حاجه يامارو من الوظائف دى

[بنت البابا]

موضوعك حلو يانورا مرسى ليكى

هههههههههه على راى بيشوى يامارو ابعتيلنا اى حاجةةةةةةةةةةةةةةة

[the black eagle]

حب ما تعمل كى تعمل ما تحب

صح؟؟

الموضوع ممتاز

[jesus's girl]

جميل جدا يا نورا بس مش كل الناس بتحتقر شغلها لكن الناس بتتعب ويبقي معاها شهادات وبكالريوس هندسة وعشان فقره بيشتغل زبال هو مش العيب في الشغلانة لكن العيب في ذوات النفوذ ...... ربنا يباركك ومنتظرين المزيد

[pinknora]

ميرسى مارو , بيشو ,بنت البابا ,the black eagle , تويتى للمرور والاراء الجميله

اسعدتونى ونورتوا