كل واحد يبص فى ورقه اللى جنبه

[pinknora]

جايبالكم شوية اسئلة
وكله يجاوب بصراحة
اوكش

1-من انت؟

2-متى اخر مرة ضحكت من قلبك؟ وليه؟

3- اخر مرة بكيت من قلبك؟وليه؟

4-هل حسيت في يوم من الايام بالضعف؟ومتى كان؟

5-من الشخص الي تتمنى ياخذ فرحك علشان ماتشوفة حزين؟

6-اذا كنت متضايق ماهو أول شىء تفكر تعمله ؟

7- ما احلى ذكرى في حياتك ومستحيل تنساها؟

8-آخـــر شخـــص تتـــذكــــره قبـــل ما تنـــــام؟!؟

9- ماذا تعنى لك هذه الكلمات :

البحر :

السما :

الحب:

الصديق:

11- أوحش عيب فيك ؟

12-كم شخص عندك في الماسنجر ؟

13-كم سـاعه تجلس على الكمبيــوتر ؟

14-هل فعلا انت مرتاح في تواجدك في المنتدي و مع الاعضاء ؟

15-عضو يستحق الصداقه؟

16-عضو شفتة و عضو ونفسك تشوفه ؟

17-عضو شخصيته مثل شخصيتك؟

18-عضو تعجبك شخصيته؟

19- عضو له وحشه؟

20ـ هل انت رومنسي ام عصبي؟

21ـ كم نسبة حبك للضحك؟

22ـ اذا صديقك تعزه غير مسار حياتك للأسوء تقدر تسامحه ول لاءا؟

23ـ ماهى الاكله اللي تحبها وتعرف تحضرها ؟

24ـ ممكن نكته حلوة من عندك ؟

25ـ بصراحة هل كل ماتقوله فالمنتدي تفعله ؟

مستنية ردودكم

[pinknora]

ايه يا شباب محدش عايز يرد على الاسئله

[white_heart]

اصل الاسئله صعبه اوى يا نورا
بس هحاول اجاوب عليها

[white_heart]

جايبالكم شوية اسئلة
وكله يجاوب بصراحة
اوكش

1-من انت؟
انا تريزا عياد

2-متى اخر مرة ضحكت من قلبك؟ وليه؟
انا على طول بضحك وليه؟ عادى يعنى مع زمايلى ومن قلبى بجد

3- اخر مرة بكيت من قلبك؟وليه؟
من اسبوعين كده وليه ؟كنت مخنوقه خنقه سوحه

4-هل حسيت في يوم من الايام بالضعف؟ومتى كان؟
اه ,فى فتره كنت فيها بعيده عن ربنا

5-من الشخص الي تتمنى ياخذ فرحك علشان ماتشوفة حزين؟
كتير بس الاكتى امى

6-اذا كنت متضايق ماهو أول شىء تفكر تعمله ؟
احاول اطلع زهئى على صحباتى واحيانا بعيط
7- ما احلى ذكرى في حياتك ومستحيل تنساها؟
avatakla10

8-آخـــر شخـــص تتـــذكــــره قبـــل ما تنـــــام؟!؟
كتييييراصدى كل اللى شوفتهم فى اليوه كله

9- ماذا تعنى لك هذه الكلمات :

البحر :منظر طبيعى روووعه

السما :اجمل حاجه لدرجه انى اتجننت مره واحده قولت مليش دعوه انا انشاء الله هدخل طبيعه

الحب:محدش يقدر يعيش من غيره (الحب من اى نووع)

الصديق:
مقدرش اعيش من غيرهم
11- أوحش عيب فيك ؟
بامانه مشعارفه ايه الحلو والوحش اللى فيا

12-كم شخص عندك في الماسنجر ؟
حوالى 10

13-كم سـاعه تجلس على الكمبيــوتر ؟
على الاكتر 4 ساعات

14-هل فعلا انت مرتاح في تواجدك في المنتدي و مع الاعضاء ؟
بصراحه بصراحه ومحدش يزعل (يعنى )بنسبه 70 فى المائه

15-عضو يستحق الصداقه؟
لولو وجيجى

16-عضو شفتة و عضو ونفسك تشوفه ؟
كتير منهم بيشوى ومايكل , اللى نفسى اشوفها بنت الانبا تكلا

17-عضو شخصيته مثل شخصيتك؟

مشعاررررررررررف
18-عضو تعجبك شخصيته؟
كلكو اساتذه

19- عضو له وحشه؟
avatakla10

20ـ هل انت رومنسي ام عصبي؟

رومانسيه واحيانا عصبيه (مش اوى متخافوووش)
21ـ كم نسبة حبك للضحك؟
98 فى المائه

22ـ اذا صديقك تعزه غير مسار حياتك للأسوء تقدر تسامحه ول لاءا؟
هحاول بنسه 50 فى الميه

23ـ ماهى الاكله اللي تحبها وتعرف تحضرها ؟
محشى ورق عنب والمكرونه بالبشميل ,بس مش بعرف اعمل حاجه غير الشاى

24ـ ممكن نكته حلوة من عندك ؟

ياريت تكون حلوه
فرخه استحمت بشامبو هد اند شولدرز باضت بيضه من غير اشره .
مره اتنين قرع اتخانقو على مشطشسي
25ـ بصراحة هل كل ماتقوله فالمنتدي تفعله ؟
هو انا قلت ايه (مش عارفه ) اصلى بجد عندى زهايمرشسي

مستنية ردودكم
يارب اكون عرفت اجاوب وبامانه من غير غششش[/COLOR]

[pinknora]

ميرسى يا تريزا على رودودك اللى دمها خفيف

والنكت حلوه مووووت

ميرسى يا سكر avatakla

[jesus's girl]

1 - انسان يعيش ويتعايش
2- مش فاكرة اخر مرة ضحكت من قلبي لاني بقالي كتير ببتسم وبس لكن ضحك مفيش
3- اخر مرة بكيت من قلبي العيد اللي فات ... عشان والدي كان توفي ومدنيش العدية بتاعت كل سنة هههههههه
4- الضعف لسه محستش بيه ومش عايزة احس بيه
5- ماما
6- اعيط احلي حاجة احب اعملها لما اكون متضايقة اشوف اي مبرر يخليني اعيط
7- بابا
8- شخص يكون ضايقني
9-البحر : ان الحزن ملوش نهاية
السما : الراحة والهدوء
الحب : القوة
الصاقة : زي العمود اللي بتسندي عليه كل ما تشعري بالضعف
11- اوحش عيب الشك
12-22 وهما الاقارب والاصدقاء ومبكلمهمش
13-الصراحة الدارسة محددة وقتي بس الاجازة ممكن اعد 12 ساعة
14- مرتاحة جدا
15-عضو يستحق الصداقة بنت الانبا تكلا
16-عضو شفته في كتير وعضو نفسي اشوفوا نووووووووووووورا
17-عضو شخصيته مثل شخصيتي ؟؟؟ مش عارفاه دي
18-عضو تعجبني شخصيته فوفا
19-عضو له وحشة افاتكلا عشان مش بيدخل زي الاول علي ما اظن
20-رومانسي
21- مفيش حد مبيحبش الضحك
22-صديقي ده ملوش دعوة عشان انا عندي عقل واعرف كويس الصح من الغلط
23-ما هو الاكل اللي انا بحبه مبعرفش اعمله
23- مرة واحد بيقول لواحد صحبه مالك قاله شبسي في حالي ... قاله ليز ؟؟؟ قالوا بابا كرنشي من البيت
24-والله لو الموضوع ديني ممكن يكون كلامي مبالغ فيه شوية بس انا دايما احب اقول رايي بصراحة

[fofa]

بصراحة اسئلة صعبة جدا

[JESUS LOVE]

شكرا يا توتى يا حبتى انتا النكت كانت جميلة

[pinknora]

ميرسى يا تويتى يا عسل للاجابات العسل دى والنكته اللذيذه
عجبتنى اوى

انا اسفه لوافاه باباكى تعيشى وتفتكرى

كل سنه وانتى طيبه وبألف خير المسيح يحميكى

[pinknora]

ليه بس يا فيبى دى اسئله سهله اوى جربى بس

[pinknora]

ايه يا ميرنا فين مشاركتك مش منوره الموضوع ليه جااااااااوبى avatakla5

[ابن البابا]

[1-من انت؟
غنى عن التعريف

2-متى اخر مرة ضحكت من قلبك؟ وليه؟
بضحك لما بكون مع اصحابى فى المعهد او موقف يضحكنى فى الكنيسه

3- اخر مرة بكيت من قلبك؟وليه؟
لا عادى لما بزعل من حاجه مع نفسى كده

4-هل حسيت في يوم من الايام بالضعف؟ومتى كان؟
سعات لما مشكله مش بكون لاقى ليها حل

5-من الشخص الي تتمنى ياخذ فرحك علشان ماتشوفة حزين؟
ناس كتير مينا ومارينا وكوكو واوجا وكل اصحابى

6-اذا كنت متضايق ماهو أول شىء تفكر تعمله ؟
بحكى مع حد من اصحابى او اعد افكر مع نفسى

7- ما احلى ذكرى في حياتك ومستحيل تنساها؟
فى حاجات كتير مش ممكن انساها حلوه فى حياتى ممكن اقول اولى كليه بنسبالى

8-آخـــر شخـــص تتـــذكــــره قبـــل ما تنـــــام؟!؟
عااادى ده سر بقى سورى

9- ماذا تعنى لك هذه الكلمات :

البحر : بس بحب اعد قدامه واسرح مع نفسى

السما : طبيعه لماش حل وجميله جدا

الحب: محدش مينفعش يعيش من غير حب

الصديق: احلى حاجه بنسبالى

11- أوحش عيب فيك ؟
بكون باااد اوى سعات وبزعل بسرعه اوى

12-كم شخص عندك في الماسنجر ؟
بلالالالاش علشان محدش يتخض ممكن تقولوا من 200 لى 250 واحد

13-كم سـاعه تجلس على الكمبيــوتر ؟
لا متعدوش كتير مش بعد بصراحه

14-هل فعلا انت مرتاح في تواجدك في المنتدي و مع الاعضاء ؟
اكيد
15-عضو يستحق الصداقه؟
اوجا ونورا ومارينا
16-عضو شفتة و عضو ونفسك تشوفه ؟
اللى نفسى اشوفه عادى المنتدى كله
17-عضو شخصيته مثل شخصيتك؟
لا دى معرفش

18-عضو تعجبك شخصيته؟
كلكم حلوين
19- عضو له وحشه؟
مينا
20ـ هل انت رومنسي ام عصبي؟
الاتنين انا لما لتعصب انا مش بعرف نفسى اصلا

21ـ كم نسبة حبك للضحك؟
عادى مش بتفرق معايا لو فى حاجه تضحكنى اضحك

22ـ اذا صديقك تعزه غير مسار حياتك للأسوء تقدر تسامحه ول لاءا؟
عادى انا اقدر اتحكم فى حياتى واعدلها تانى واكيد بحبه لازم اسمحه

23ـ ماهى الاكله اللي تحبها وتعرف تحضرها ؟
لا انا بحب كل حاجه لكا اعمل عادى مليش فى الاكل مع انى سياحه وفناق
هو ده الفشل بعينه

24ـ ممكن نكته حلوة من عندك ؟
مليش اوى فى النكت بس هقول اللى فاكرها
مره واحد صعيد كا اقرع طلعله شعره عملها عيد ميلاد

25ـ بصراحة هل كل ماتقوله فالمنتدي تفعله ؟
انا قولت ايه ومعملتوش
[/color]

[pishoy]

هو الموضوع جميل بس بالنسبه ليا الاسئله صعبه شويه على

ممكن تقولى كده مش مذاكر كويس

[pinknora]

ميرسى يا ارسانى باشا للردطبعا غنى عن التعريف

ميرسى جدا على اختيارك ليا انا ومارينا كعضو يستحق الصداقه دا سرف لينا والله

كل سنه وانت طيب

[pinknora]

حتى انت يا بيشو ليه بس الاسئله ساهله جدا
حتى فى شباب زى العسل جاوبت جرب بس

[pishoy]

احنا عايزين نعرف ردك انتى الاول

ولا انتى بتسالى وبس

عايزين نورا ...... عايزين نورا ......... عايزين نورا

[white_heart]

عاوزين نوراااااا عاوزين نورااااavatakla4

[ابن البابا]

طبعا عايزن نورا

وعايزن الكل يذاكر ويرد لو سمحتم مفيش اسرار

ولا بعد كده نحدد مين اللى نجيبه هنا ويرد على الاسئله
اللى يعجبك بقى

[pinknora]

ايه يا جماعه المظاهرات دى حاضر هرد بس زى ما بيقول ارسانى كلو يرد بردو يا بيشو ويا فيبى ويا ميرنا ويا كل شباب المنتدى وردودى اهه

1-من انت؟
انا نورا

2-متى اخر مرة ضحكت من قلبك؟ وليه؟
ضحكت النهارده كتير علشان النهارده العيد بس من قلبى دى مقدرش افتكرها صلولى اجربها الضحكه من القلب دى

- اخر مرة بكيت من قلبك؟وليه؟
من قريب بس ليه هو دايما مفيش سبب بس هى بتبقى
حاله عياط لمده ساعتين او حاجة بس دى بتبقى من جوه
جوه القلب

4-هل حسيت في يوم من الايام بالضعف؟ومتى كان؟
فى عيد الميلاد اللى فات من قبله بفتره كدة لحد العيد كانت فتره صعبه وكنت حاسه انى مليش فيها حيله ولا قادره اعمل حاجة بس سلمتها لربنا وهو متأخرش

5-من الشخص الي تتمنى ياخذ فرحك علشان ماتشوفة حزين؟
ابتدأ من اهلى لحد اصحابى وزمايلى كلهم مستعده بجد
اديهم كلهم فرحى

6-اذا كنت متضايق ماهو أول شىء تفكر تعمله ؟
لو عارفه اعيط بعيط وبعديها اصلى

7- ما احلى ذكرى في حياتك ومستحيل تنساها؟
مكدبش عليكو معنديش حاجات مميزه ف حياتى كتير افتكرها بس كل يوم ف حياتى بيبقالو ذكرى حلوه او لا بقى

8-آخـــر شخـــص تتـــذكــــره قبـــل ما تنـــــام؟!؟
صدقونى مفيش

9- ماذا تعنى لك هذه الكلمات :
البحر :بحب اسمع صوت امواجه لما بحتاج للهدوء

السما :ممكن جدا تحدد مودى خلال اليوم لو صافيه والشمس طالعه ببقى مبسوطه لو العكس بتضايق

الحب: طبعا احلى حاجة فى الدنيا لو عرفت تستخدمو صح

الصديق:البنى قادم من غير اصحاب زى النجم من غير نور
11- أوحش عيب فيك ؟
متعدوش ممكن نقول العصبيه

12-كم شخص عندك في الماسنجر ؟
47 شخص

13-كم سـاعه تجلس على الكمبيــوتر ؟
حسب الظروف مش بعد

14-هل فعلا انت مرتاح في تواجدك في المنتدي و مع الاعضاء ؟
شووووور

15-عضو يستحق الصداقه؟
اوجا ومارينا وارسانى


16-عضو شفتة و عضو ونفسك تشوفه ؟
عضو شفتو اوجا ومارينا
عضو نفسى اشوفو كل الاعضاء اكييييييييد


17-عضو شخصيته مثل شخصيتك؟
انا لو فى منى اتنين كانت خربت

18-عضو تعجبك شخصيته؟
كلكو ناس جامديين

19- عضو له وحشه؟
اوجااااااا


20ـ هل انت رومنسي ام عصبي؟
عصبى

21ـ كم نسبة حبك للضحك؟
مفيش حد مش بيحب الضحك بس يا سلام لو كان من القلب

22ـ اذا صديقك تعزه غير مسار حياتك للأسوء تقدر تسامحه ول لاءا؟
مش هسمحله اصلا بس لو حصل اكيد هسامحه علشان مش هيكون هو الغلطان هكون انا علشان سمحتلو بكده

23ـ ماهى الاكله اللي تحبها وتعرف تحضرها ؟
كل اللى قلبكو يحبو بس خاصه المكرونه والبيتزا

24ـ ممكن نكته حلوة من عندك ؟
بجد مش فاكره خالص

25ـ بصراحة هل كل ماتقوله فالمنتدي تفعله ؟
انا بقرى مواضيع بتعجبنى بحاول استفاد منها وانفذها فى حياتى وبنزلها فى المنتدى علشان اللى يقراها يستفاد منها برضو فى منها من منتديات تانيه ومنها من كتب فا اللى بقولو بحاول فعلا انفذو


انا جاوبت اهه معندكوش حجه بقى جاوبو انتو كمان

[pinknora]

هااااااااا يا جماعه فين بقيت الاعضاء

[pishoy]

ضحكنا عليكى يانورا

ههههههههههههههه

[ابن البابا]

بما ان مفيش حد عايز يكمل فا الاداره هى اللى هتقول مين اللى عليه الدور
فا هنختاااااااار




بيشوى هو اللى ير علينا لو سمحت يا بيشوى ترد على كل الاسئله

[pinknora]

ربنا يخليك ليا يا ارسانى يا ناصفنى هما دول الاخوات ولا بلاش

يلا يا بيشو اسمع كلام ارسانى

[marina]

طب انا ياجماعة هجاوب
1-من انت؟
انا مارينا شوقى

2-متى اخر مرة ضحكت من قلبك؟ وليه؟
اخر مرة ضحكت من قلبى كانت يوم عيد ميلادى كان يوم لذيذ واتبسط فيه اوى

3- اخر مرة بكيت من قلبك؟وليه؟
اخر مرة بكيت فيها من قلبى كانت من حوالى اسبوع يعنى كانت لمشاكل شخصية شوية

4-هل حسيت في يوم من الايام بالضعف؟ومتى كان؟
الضعف بيجيلى كتير اوى ولاسباب كتير منها مثلا البعد عن ربنا او انى اخسر حد قريبه منه وده كان من قريب مش بعيد

5-من الشخص الي تتمنى ياخذ فرحك علشان ماتشوفة حزين؟
اكيد اهلى وبعدين صحابى بجد انا بحب اصحابى وبتمنى يفرحوا بجد من قلبهم

6-اذا كنت متضايق ماهو أول شىء تفكر تعمله ؟
اول حاجة ممكن افكر فيها لما اكون متضايقة انى اعد لوحدى قى اوضتى واقفل عليا الباب والنور واعد اعيط وسعات برتاح وسعات لا

7- ما احلى ذكرى في حياتك ومستحيل تنساها؟
يوم ماطلعت رحلة دريم بارك مع اصحابى كان احلى يوم فى حياتى ومستحيل انساه

8-آخـــر شخـــص تتـــذكــــره قبـــل ما تنـــــام؟!؟
دايما قبل ما انام افتكر ربنا واشوف هل عملتله انهاردة حاجة زعلته ولا ضايقته واعاتب نفسى جامد

9- ماذا تعنى لك هذه الكلمات
البحر : انا بخاف منه اوى وبحس انى لما بشوفه بكتئب
السماء: بحبها جدا وبتحسسنى بالامل
الحب: ماحدش مايقدرش يحب يعنى تعبر هى اسعد لحظات ممكن اى حد يعيشها
الصديق: بيبقى مش موجود غير قليل اوى بس الى يلاقيه يبقى كسب كنز

11- أوحش عيب فيك ؟
اوحش عيب فيا العصبية وممكن نقول التوهاااااااان

12-كم شخص عندك في الماسنجر ؟
عندى 55

13-كم سـاعه تجلس على الكمبيــوتر ؟
كنت فى الاول بعد كتير اوى بس دلوقتى مش بكتر عن ساعتين تلاتة فى اليوم متهايلى معقول

14-هل فعلا انت مرتاح في تواجدك في المنتدي و مع الاعضاء ؟
اكيد ده احلى منتدى انا ممكن اكون استقريت فيه وحبيت انى اكمل فيه

15-عضو يستحق الصداقه؟
نورا وارسانى اكيد

16-عضو شفتة و عضو ونفسك تشوفه ؟
نورا وارسانى
ونفسى اشوف كل الاعضاء اكيج

17-عضو شخصيته مثل شخصيتك؟
ممكن تكون شخصيتى قريبة شوية من ارسانى

18-عضو تعجبك شخصيته؟
يعنى انا بحب مواضيع سون سون اوى مع انى لسة ماعرفتش شخصيتها من قرب

19- عضو له وحشه؟
نورا بقالى مدة ماشوفتهاش

20ـ هل انت رومنسي ام عصبي؟
انا فيا الاتنين بس تكون ممكن الرومانسية اكتر

21ـ كم نسبة حبك للضحك؟
اكيد بحب الضحك جدا اعتقد مفيش حد بيكرهه بس الى يلاقيه ويلاقيه الضحك الى من القلب

22ـ اذا صديقك تعزه غير مسار حياتك للأسوء تقدر تسامحه ول لاءا؟
ممكن اسامحه بس بعد كده مش هيبقى اكتر من زميل
علشان احنا الاتنين كنا غلط فى تدبير حياتنا وبعدنا نفسنا عن ربنا يبقى لازم كل واحد فينا يفكر فى شخص يغير حياته للاحسن

23ـ ماهى الاكله اللي تحبها وتعرف تحضرها ؟
انا اكتر اكلة بحبها ويمكن مش باكل غيرها هى المكرونة الاندومى

24ـ ممكن نكته حلوة من عندك ؟
امممممممممم نكتة حلوة
بصوا اكتر نكتة ممكن اكون اعرفها ودى واحدة طفلة قالتلى عليها
قالتلى ليه الصعيدى دايما بيكون عنده شنب قولتلها ليه قالتلى علشان الناموسة لما تيجى تدخل تمسح رجليها قبل ما تدخل

25ـ بصراحة هل كل ماتقوله فالمنتدي تفعله ؟
يعنى بحاول على اد مااقدر اعمله والى مش بقدر اعمله بحطه يمكن حد احسن منى يستفاد منها وينفذها

[ابن البابا]

مرسى يا مارينا

بس برضوا عايزن بيشوى

[pinknora]

ميرسى يا مارينا للاجابه والمرور اللى اكيد اسعدنى

بس انا مع ارسانى لازم اخد تارى لازم بيشو يجاوب شس شس شس شس بيشو بيشو

[ابن البابا]

طيب بما ان فى ناس عندها امتحانات يبقى هنوقف شويه لحد ما كل الناس تدخل هنكمل تانى

[T.i.n.a]

1-من انت؟
تيـــــــــــــــــــنا

2-متى اخر مرة ضحكت من قلبك؟ وليه؟
مش فاكرة يا نونتي بصراحة من كتر الحزن الواحد نسي:mad::(

3- اخر مرة بكيت من قلبك؟وليه؟
من كام يوم من اسبوع وعليه اسبوعين كل شويه يعنيييي ههههههههه لييييييييييه المزاكرة خنقتني وكنت مضايقة

4-هل حسيت في يوم من الايام بالضعف؟ومتى كان؟
ااااااااااه طبعاااااااااااا ده طبيعي بس اكتر موقف كان من سنه بالضبط

5-من الشخص الي تتمنى ياخذ فرحك علشان ماتشوفة حزين؟
m&j هما اكتر صحبتين ليا ممكن اديلهم فرحي علشان مستحملش انهم يكونوا زعلانين

6-اذا كنت متضايق ماهو أول شىء تفكر تعمله ؟
اطلب من ربنا يفرجها عليااااا انام واكلم اي حد من اصحابي وافضفضله

7- ما احلى ذكرى في حياتك ومستحيل تنساها؟
ايام المصايف ههههههههه

8-آخـــر شخـــص تتـــذكــــره قبـــل ما تنـــــام؟!؟
بابا يسووووووووووووووووووع ومارجرجس

11- أوحش عيب فيك ؟
السذاجة وعدم التعلم من اخطائي والعصبية

12-كم شخص عندك في الماسنجر ؟
55 في الياهو

13-كم سـاعه تجلس على الكمبيــوتر ؟
مش عارفة ساعات متفرقة

14-هل فعلا انت مرتاح في تواجدك في المنتدي و مع الاعضاء ؟
انا بصراحة لسة جديددة بس حاسة اني هتبسط معاكم وحاسة اني هيبقالي اخوات زي العسل

20ـ هل انت رومنسي ام عصبي؟
انا رومانسية جدااااااااااااااااا
بس عصبية ههههههههههههه بس مش لدرجة الجنون يعني مزيج هههههههه

21ـ كم نسبة حبك للضحك؟
كتيررررررررر جدا هو اللي بينسيني الهم مع انع له سلبياته بس برده احسن من الحزن 90%

22ـ اذا صديقك تعزه غير مسار حياتك للأسوء تقدر تسامحه ول لاءا؟
لوووووووووو بعزه قوي اه اسامحه اكيد مش قصده هحاول التمسله العزر

23ـ ماهى الاكله اللي تحبها وتعرف تحضرها ؟
جيليييييييييييييييييييييي ومعرفش احضره ده تحلية واكله بقى فراخ بانيـــــــــه ههههههههههههبل12ف

25ـ بصراحة هل كل ماتقوله فالمنتدي تفعله ؟
انا ااااااااااااااااااااااه حاليــــــــــــا ههههههههه avatakla10

ميرسي يا نونتي يا حبيبة قلبي موضوع جميل جدا ومعلش انا في اسئلة حزفتها علشان انا لسة جديدة ومش عارفة افيدك فيها يا عسل

[ابن البابا]

شكرا ليكى بس فى اسئلها كلتيها فى النص شكلك كنتى جعانه ولا ايه ههههههههههههههههه

مرسى ليكى كتير
ونورتينا يا تينا

[yoyo2008]

شكرا للكل وانا مش هجاوب الا لما حد يقولى جاوب علشان بقاش بفرض نفسى على حد

[pinknora]

ميرسى تينا حيبتى للاجابات السكر زيك معلش نعدى موضوع الاسئله اللى فوتيها معلش يا ارسانى


ايه يا يوحنا بس الكلام ده طبعا عايزينك تجاوب وتنور الموضوع ومن غير ما حد يطلب منك
دا موضوعك يا باشا avatakla5

[yoyo2008]

شكرا يا نورا وحالا الاجابات وشكرا يا نورا على ذوقك

[yoyo2008]

-من انت؟ يوحنا

2-متى اخر مرة ضحكت من قلبك؟ وليه؟ قليل بكون فى اغلبيتها معا اختى الكبيرة

3- اخر مرة بكيت من قلبك؟وليه؟ بكيت من قلبى من ساعة كان علشان واحد عزيز على زعلنى اوى منه

4-هل حسيت في يوم من الايام بالضعف؟ومتى كان؟اكيد حسيت كتييير اوى بالضعف فى ايام ابتدئى وساعات وانا فى اعدادى

5-من الشخص الي تتمنى ياخذ فرحك علشان ماتشوفة حزين؟ ابى

6-اذا كنت متضايق ماهو أول شىء تفكر تعمله ؟ بشغل اغانى وبنسى نفسى

7- ما احلى ذكرى في حياتك ومستحيل تنساها؟ يوم المهرجان لكما لما انا وزمايلى واصحابنا البنات والولاد وكان يوم زى العسل عمرى ما هنساه

8-آخـــر شخـــص تتـــذكــــره قبـــل ما تنـــــام؟!؟ مش عارف ساعات وساعات

9- ماذا تعنى لك هذه الكلمات :

البحر : بحبه موت ولما اكون مضايق اعد اسرح فيه

السما : ده بئه مش عارفها

الحب: مشاعر رقيقة واحساس جميل

الصديق: معنديش اصدقاء ولو عندى فهو وواحد وكمان عمل حركة مش ولابد لاكن اتصالحنا

11- أوحش عيب فيك ؟ الغضب ( مش بعرف امسك نفسى بدب فى الى اودامى ومش بيهمنى حد )

12-كم شخص عندك في الماسنجر ؟عندى حواى 52 ولاكن الى بكلمهم فى حدود10

13-كم سـاعه تجلس على الكمبيــوتر ؟ فى الدراسة ساعتين او ساعات اكتر ولاكن فى الاجازة متسئلونيش مفتوح طول النهار على الكمبيوتر

14-هل فعلا انت مرتاح في تواجدك في المنتدي و مع الاعضاء ؟ اكيييد انا كنت فى المنتدى زمان بس جت الدراسة فطلعت

15-عضو يستحق الصداقه؟ ارسانى او سونسون

16-عضو شفتة و عضو ونفسك تشوفه ؟ شوفته mero_love دا غير ارسانى انا وهو طول النهار على الشات وال نفسى اشوفه اوجا او سونسون او نورا

17-عضو شخصيته مثل شخصيتك؟ سونسون علشان عصبية زى هههههههه

18-عضو تعجبك شخصيته؟ اوجا
19- عضو له وحشه؟ زمان واحدة صحبتى كانت فى المنتدى بس طلعت علشان برده الامتحانات كان اسمها مارينا

20ـ هل انت رومنسي ام عصبي؟ رومانسى بس العصبية وخدانى

21ـ كم نسبة حبك للضحك؟75%

22ـ اذا صديقك تعزه غير مسار حياتك للأسوء تقدر تسامحه ول لاءا؟سامحته بس لو هو بس لو عمل حاجة تانية انا مش هقدر اسامحه

23ـ ماهى الاكله اللي تحبها وتعرف تحضرها ؟ البيتزا بموووووت فيها وبعملها حلو اوى

24ـ ممكن نكته حلوة من عندك ؟
مرة اتنين ستات عواجيز نفسهم يتجوزوا فراحوا النادي وقالوا اول ولد حيعدي
حنقوله، و لما عدى واحد، واحدة منهم قالتله: تتجوزني يا امور؟ قالها: ده
انا اتجوز كلبة ومتجوزكيش! التانية راحت قايلة: هوهو ودى نكتة تانيية : مرة واحد غبى واقف في الشارع و بيتكلم في المحمول و عمال يزعق و يقول: بس
دوري تاني ، دوري كويس. ام واحد معدي في الشارع جه قال له: في إيه ؟؟؟؟
راح واخد المحمول منه وبيسمع ... لقى .... (الرقم الذي طلبته غير موجود في
الخدمة)!!!! ودى احسن نكت بتعججبنى اوى


25ـ بصراحة هل كل ماتقوله فالمنتدي تفعله ؟ بنسبة 85%

[yoyo2008]

شكرا اوى يا نورا بس الشكر المرة ده بنسبة 100% علشان المضووع زى العسل وجميييييل وخلى بالك المرة ده الشكرا بنسبة 100% مش 85%
هههههههههههههههههههههه

وبرده عايزين بيشوى

وسورى يا جماعة نسيت حاجة
انا نفسى برده اقابل مينا ava takla

ايه يا نورا هو محدش هيلعب تانى فى اللعبة ولا ايه دا اللعبة حلو مووت

[pinknora]

ميرسى جدا يا يوحنا على مشاركتك الجميله اللى عرفتنا عليك اكتر شكلك شخصيه زى السكر
لا شكر على واجب يا باشا دا انا اللى بشكرك لمشاركتك الحلوه

وقولهم ان المضوع حلو بيقولو الاسئله كتير ايه رأيك انت؟؟

وبرضو هنستنى ردود بيشو

[yoyo2008]

لا بالعكس يا نورا الموضوع جميلة وانا قيمته علشان هو يستاهل

[MiShOoo]

(ava10)
1-انا انسان يعجز الكثير عن فهمه كما هو هااا...
2- مش فاكر اخر مرة ضحكت من قلبلى بجد كان امتى لان انا تلقائى دايما ابتسم بس الضحك من قلبى حسب الموقف ساعتها
3-انا مببكيش غير من قلبى بسبب الظروف الموجوده والى احنا عيشنها
4-اه كان فى وقت حسيت فيه بالضعف ولكن بكره اكون ضعيف وكان من قريب ..
5-الشخص ده هو ماما الصراحه.
6-لما اكون مضايق يا اما بقفل على نفسى او برسم حسب...
7- ذكرى طفولتى ولو ان مش فاكر منها الكتير..
8- مش حد معين..
9-معنى الكلمات: (البحر): حياه الانسان فهو شويه مضطرب وشويه هادى وصافى
(السما): حياه الانسان التانيه وموطن الله له المجد
(الصديق): عبارة عن المكان الى ممكن الواحد يرتاح فيه عن طريق كلامه معاه
وحكاوى الصحاب زى ما احنا عارفين..
10-
11- اوحش عيب انى بزعل من اقل حاجة اتاثر بيها...
12- 38 شخص فى الماسنجر.
13-على الكمبيوتر على استعداد اقعد 10ساعات هههه..
14-بصراحه لسه مش اوى عشان انا جديد بس اه ربنا يسهل..
15-العضو هو oja
16-العضو الى شفته هو انتى يا نورا والى نفسى اشوفه انتى برده..
17-شخصيتها قريبه من شخصيتى هى oja برده مع اختلافات بسيطه..
18- dodo1 شويه لغايه الان
19-العضو هما اتنين انتى يا نورا و اوجا
20- انا رومنسى ولكن بعض الوقت عصبى..
21-بحب الضحك كتير بس زى ما قلت انا تلقائى لو فى موقف فعلا يضحكنى..
22----اقدر لان صديقى بس لو كان بجد صديقى من الاول وهو كويس..
23-بحب البازلاء بس اكيد مش بعرف احضرها هههه.(ava9)
24-واحده بتقول لجوزها اترد السواق كان هيموتنى مرتين فى حادثه قالها خلينا نديله فرصه تالته هههه..
25-مش الكتير من الى انا بقوله ول انى لسه جديد بالمنتدى...

[oja]

اوك يا نورا وانا هاجاوب اهوه

1-من انت؟
اوجااااااا

2-متى اخر مرة ضحكت من قلبك؟ وليه؟
كانت النهارده كنت بتكلم مع خالتو وكانت بتضحكني انا بحبها اوي وبحب الكلام معاها

3- اخر مرة بكيت من قلبك؟وليه؟
من 10 ايام تقريبا كان اصعب يوم في حياتي لما حسيت ان اغلي الناس بيضيع مني قدام عيني وبيموت

4-هل حسيت في يوم من الايام بالضعف؟ومتى كان؟
لا مش فاكره

5-من الشخص الي تتمنى ياخذ فرحك علشان ماتشوفة حزين؟
اختي وماما وبابا

6-اذا كنت متضايق ماهو أول شىء تفكر تعمله ؟
اصلي واقعد مع نفسي واهرب بالنوووووووم

7- ما احلى ذكرى في حياتك ومستحيل تنساها؟
سنه اولي في الكليه علشان كنت بعيد واتعرفت علي ناس كتير وصاحبت ناس كتير اوي ولحد دلوقتي صحابي

8-آخـــر شخـــص تتـــذكــــره قبـــل ما تنـــــام؟!؟
مش شخص معين بس دايما بابا وصحابي وشحص معين


9- ماذا تعنى لك هذه الكلمات :

البحر :البحر ده حيره وتوهان بس بحبه وبحب ابص علي منظر الموج وهو عمال يروح ويجي

السما :بحب لونها بيريحلي عنيا

الحب:اجمل حاجه في الدنيا

الصديق:افديه بروحي بس اللي يقدر معني الصداقه

11- أوحش عيب فيك ؟
النرفزه والخلق الضيق زي ما بيقولوا

12-كم شخص عندك في الماسنجر ؟
80

13-كم سـاعه تجلس على الكمبيــوتر ؟
كتييييييير وبالذات في الاجازه

14-هل فعلا انت مرتاح في تواجدك في المنتدي و مع الاعضاء ؟
اه اووووووي

15-عضو يستحق الصداقه؟
ارساني

16-عضو شفتة و عضو ونفسك تشوفه ؟
شوفت نورا وميشو وفوبا ومارينا ونفسي اشوف ارساني ومينا وكلكم

17-عضو شخصيته مثل شخصيتك؟
مش عارفه

18-عضو تعجبك شخصيته؟
مينااااااا

19- عضو له وحشه؟
تيموووو

20ـ هل انت رومنسي ام عصبي؟
رومانسي ممكن

21ـ كم نسبة حبك للضحك؟
لا كتيييييييييير

22ـ اذا صديقك تعزه غير مسار حياتك للأسوء تقدر تسامحه ول لاءا؟
لو غير مصير حياتي يبقي مش صديقي اصلا بس انا بيبقي صعب عليا اوي انسي موقف جرحني

23ـ ماهى الاكله اللي تحبها وتعرف تحضرها ؟
مكرونه بالبشاميل بس مجربتش اعملها لوحدي

24ـ ممكن نكته حلوة من عندك ؟
لا مش بعرف خااااااالص

25ـ بصراحة هل كل ماتقوله فالمنتدي تفعله ؟
اه بجد وبستفيد من المنتدي جدا والمنتدي ده اغلي منتدي عندي ويارب يكبر وينجح واشوفه ااحلي منتدي في الدنيا

[yoyo2008]

يلا يا جماعة ويلا يا بيشوى اكتب

[ابن البابا]

مرسى يا اوجا وميشوا وعايزن الباقى امته بقى الامتحانات تخلص علشان الكل يجاوب

[yoyo2008]

يلا عايزين الباقى

[Mero_love]

انا هجاوب اهه يا جماعة

[yoyo2008]

الاسئلة الى موجودة فى اول صفحة يا ماريت

[pinknora]

ميرسى يا شباب يا سكر ميشو واوجا للرد على الموضوع والاجابات اللى زى السكر

وانت كمان يا ميشو ليك وحشه نورتونى بجد ميرسى (ava22)

هااا يا ماريت فين الاجابات

يلا يا شباب فيييييييييين باقى الاعضاء (ava60)

[pinknora]

ميرسى يا شباب يا سكر ميشو واوجا للرد على الموضوع والاجابات اللى زى السكر

وانت كمان يا ميشو ليك وحشه نورتونى بجد ميرسى (ava22)

هااا يا ماريت فين الاجابات

يلا يا شباب فيييييييييين باقى الاعضاء (ava60)

[temo]

1-من انت؟

أنا اسمى رامز يعنى اهوة أنا حد ممكن تكون فى ناس بتحبوا لكن هو مش بيقدر بس بيبقا غصب عنوا لآن الناس مش بتبقى فاهماة خالص وصعب ان هما يفهموة بقليل .

2-متى اخر مرة ضحكت من قلبك؟ وليه؟

تقريبا من حوالى 6 سنين دة الضحك انما الفرح غير الضحك ممكن افرح بحاجة لكن الى جوة بيغطى أكتر ماعلينااااااااااا بقى .

3- اخر مرة بكيت من قلبك؟وليه؟

كانت من حوالى شهريين ، الوجع من الكدب من اعز الناس واقربهم ليك .

4-هل حسيت في يوم من الايام بالضعف؟ومتى كان؟

للآسف أة حسيت لأول مرة أنى ضعيف فى أنى أفشل ولأول مرة فى تغير حد من وحش لكويس ، كان من قريب .

5-من الشخص الي تتمنى ياخذ فرحك علشان ماتشوفة حزين؟

بابا وأخواتى وكل الى بحبهم ، وحتى الغريب .

6-اذا كنت متضايق ماهو أول شىء تفكر تعمله ؟

بعييييييييييييييييييييييييييييييييييط قووووووووى .

7- ما احلى ذكرى في حياتك ومستحيل تنساها؟

( ماما ) و ( ناناة ) .

8-آخـــر شخـــص تتـــذكــــره قبـــل ما تنـــــام؟!؟

أة لو نمت بحاول انام مقعدش افكر ، وهو كان شخص وخلاص راح لحالوا .

9- ماذا تعنى لك هذه الكلمات :

البحر : خبيث ولئيم زى أكتر شخص وجعنى .

السما : صافية وراقية وخالية من الشوائب زى أكتر شخص حبنى ، وانا الى مديتلوا أيديا بالحزن والآلم .

الحب: حاجة ممكن تكون حلوة بس للآسف كلوا مخدوع فيها ، وأنا كنت اولكم .

الصديق: أكتر حاجة ممكن تكون حلوة فى الدنيا لكن دة كاااااااااااااااان زماااااااااااااااااااااان .

11- أوحش عيب فيك ؟

أكيد العصبية الى لا تطاق .

12-كم شخص عندك في الماسنجر ؟

186

13-كم سـاعه تجلس على الكمبيــوتر ؟

تقريبا ال 24 ساعة ، ماعدا فى وقت الامتحانات .

14-هل فعلا انت مرتاح في تواجدك في المنتدي و مع الاعضاء ؟

أأأأأأأأأأأأأأأأأأأأأأأأأأكيد .

15-عضو يستحق الصداقه؟

مينااااااااااااااااااااااااااااااااا ، Ava takla .

16-عضو شفتة و عضو ونفسك تشوفه ؟

فى اعضاء كتير شفتهم زى ( أرسانى - أوجا - مينا - مارينا ) ، عضو نفسى اشوفوا نورا .

17-عضو شخصيته مثل شخصيتك؟

أأأأأأأأأأأأأأأوجا .

18-عضو تعجبك شخصيته؟

ميناااااااااااااااااااااااااا .

19- عضو له وحشه؟

مش عارف بصراحة اصلى مش بدخل كتير فا مش هاعرف احدد .

20ـ هل انت رومنسي ام عصبي؟

للآسف الأتنين .

21ـ كم نسبة حبك للضحك؟

لا أتعودت انى ماضحكش فا ممكن نقول 15% .

22ـ اذا صديقك تعزه غير مسار حياتك للأسوء تقدر تسامحه ول لاءا؟

أسامح ماسمحش لية بس لو يستاهل وبينى وبينكم مافيش حد يستاهل خالص الآيام دى وكمان أنا اتعدوت اسامح تقدروا تقولوا بقيت عبيط بيضحك عليا بسرعة ما علينا .

23ـ ماهى الاكله اللي تحبها وتعرف تحضرها ؟

المكرونة بالصلصة ، وأنا بعرف أطبخ على فكرة وعادى يعنى .

24ـ ممكن نكته حلوة من عندك ؟

مرة واحد وصاحبة بيحششوا فواحد منهم قال للتانى انا حلمت اننا بقينا فننانين انت فنان تشكيلى وانا فنان اشكيلك

25ـ بصراحة هل كل ماتقوله فالمنتدي تفعله ؟

بصراحة المنتدى من مابعد ماسقط واترفع تانى مادخلتش كتير تقريبا مرة بس فا مالحقتش أقول كمان انا مش بحط مشاركات فى أى حتة تقدروا تقولوا مش ببقى فاضى علشان الخدمة فى التيم وكدة ، بس عجبنى فكرة الموضوع رحت رادد .

بس ليا طلب محتاج صلاواتكم بجد ليا قوى

ميرسى

[ابن البابا]

شكرا ليت يا باشا

وصدقنى انتى وحشتنا كتير اوى

[pinknora]

ميرسى جدا يا رامز لمشاركتك الحلوه بس ليه ردودك كلها يأس وحزن كدة

يابنى ربنا موجود خليك دايما قريب منه دايما يزرع الفرح والسلام فى قلبك


وميرسى جدا لمشاركتك اسعدتنى صدقنى وخاصه انك مش بتدخل كتير

ياريت بلاش تغيب كدة تانى

[oja]

ياااااااااه يا تيمو اخيرا دخلت
نورت المنتدي يا قمر
واحنا مفتقدين مشاركاتك الحلوه معانا في المنتدي
وربنا معاااااااااك

[temo]

ميرسى يا جماعة لردودكم الجميلة

حابب اقول لنورا عادى يا نورا الانسان لما بيتعود على حاجة بتبقى عادى عندوا
فانا الكلام الى بكتبوا دة النورمل بتاعى الطبيعى يعنى فا خلاص دى ارداتوا ولو
هو عايز يغيرها هايغيرها
وكمان دة مش حزن هو ألم أكتر ماتقولى انوا حزن
لآنى اتعلمت حاجة عمرى مازعل على حد مايستهلش
وكمان طلامة جرحنى يبقى فعلا مايستهلش لان مافيش حد بيحب حد ويجرحوا وبأيدية

أقول لأرسانى ميرسى فعلا يا صاحبى لكلامك وانتوا واحشنى اكتر
أقول لحد تانى مايزعلش منى ومايخد على كلامى بس ياريت يبقى فاهمنى ومايزعلش

كمان لو هايزعل انا ممكن اجيبلوا شهادة معاملة الاطفال بتاعتى علشان مايزعلش

هههههههههههههههههههههههههههههههههههههههههههههههههه هههههههههه

ميرسى ليكم يا جماعة وبأزن ربنا أقدر ابقى موجود معاكم كفاية

ربنا يكمل

[pinknora]

ربنا معاك يا رامز وحياتك تكون دايما احلى ومليانه فرح وتكون موجود معانا اكتر

[Mero_love]

1-من انت؟
انا ماريت عاطف
2-متى اخر مرة ضحكت من قلبك؟ وليه؟
في اسبوع الامتحانات ،عشان كنت مع اصحابي
3- اخر مرة بكيت من قلبك؟وليه؟
من حوالي يومين ، كنت مخنوقه اوي
4-هل حسيت في يوم من الايام بالضعف؟ومتى كان؟
اه ، في ايام الابتدائي
5-من الشخص الي تتمنى ياخذ فرحك علشان ماتشوفة حزين؟
بابا وماما واختي
6-اذا كنت متضايق ماهو أول شىء تفكر تعمله ؟
يا اما اصلي او اعيط
7- ما احلى ذكرى في حياتك ومستحيل تنساها؟
بصراحه ذكريات كتيره اوي ومنها ايام الرحلات اللي كنت بطلعها زمان
8-آخـــر شخـــص تتـــذكــــره قبـــل ما تنـــــام؟!؟
بصراحه مش بفكر في حد بس بعاتب نفسي علي كل حاجه عملتها ضايقت اي حد
9- ماذا تعنى لك هذه الكلمات :

البحر :
بالرومانسيه

السما :
بشتقلها كتير اويييييييييييييي

الحب:
ما ينفعش يعيش من غيره اي انسان حب من اي نوع بقي

الصديق:
انا مقدرش اتخيل حياتي من غيره

11- أوحش عيب فيك ؟
العصبيه
12-كم شخص عندك في الماسنجر ؟
45
13-كم سـاعه تجلس على الكمبيــوتر ؟
بصراحه مش بعد انا علي طول عليه
14-هل فعلا انت مرتاح في تواجدك في المنتدي و مع الاعضاء ؟
اه طبعا ده اول منتدي ارتاح فيه اوي كده
15-عضو يستحق الصداقه؟
تريزة وجيرمين
16-عضو شفتة و عضو ونفسك تشوفه ؟
شفته تريزة،جيرمين ، فيبي ، ارساني ، بولا رفقي ، بلاجيه ، وميرنا ،ابانوب
عضو نفسي اشوفه نورا ، اوجا ، سونسون
17-عضو شخصيته مثل شخصيتك؟
تريزة وجيرمين
18-عضو تعجبك شخصيته؟
تريزة
19- عضو له وحشه؟
فيبي
20ـ هل انت رومنسي ام عصبي؟
رومانسيه جدا جدا جدا جدا وعصبيه جدا جدا
21ـ كم نسبة حبك للضحك؟
؛95%
22ـ اذا صديقك تعزه غير مسار حياتك للأسوء تقدر تسامحه ول لاءا؟
هسامحه بنسبه قليله جدا
23ـ ماهى الاكله اللي تحبها وتعرف تحضرها ؟
الشورمه بس بعرف اعمل حاجات تاني كتير يعني
24ـ ممكن نكته حلوة من عندك ؟
واحد غلس نزل الشارع وقف قدام عمود ... وقال له عديني
بلديتنا راح حديقة الحيوان بص للنسر وقاله نفسي اعرف الحكومه بتختم بيك ازاي
بلديتنا جه ينزل من باب العربيه لقي الدنيا بتمطر نزل من الباب التاني
طبيب اسنان اشتري عود قصب لقاه مسوس حشاه ومصه
يارب النكت تعجبكوا يا جماعه وما حدش يتريق عليها (ava50)
25ـ بصراحة هل كل ماتقوله فالمنتدي تفعله ؟
اه تقريبا
انا اسفه يا نورا علي الرد المتاخر (ava39)

[pinknora]

لا يا جميل مش متأخر ولا حاجة نورتينى بردودك الحلوه

[fredyfire]

مرسى ربنا يعوض تعب محبتك

[pinknora]

ميرسى لمرورك بس فين الردود لو سمحت ياريت تكون فعال معانا

[MrMr]

1-من انت؟
مرمر

2-متى اخر مرة ضحكت من قلبك ؟ وليه؟
كتير لما بكون مع اصحابى و اى موقف يحصل

3- اخر مرة بكيت من قلبك ؟ وليه ؟
كتيرررررررررررر مش تعدوا لما بكون مخنوقة و مضايقة

4-هل حسيت في يوم من الايام بالضعف ؟ ومتى كان ؟
مش اوى لما بكون مش عارفة اتصرف

5-من الشخص الي تتمنى ياخذ فرحك علشان ماتشوفة حزين ؟
اهلى و اصحابى و الانسان اللى بحبة

6-اذا كنت متضايق ماهو أول شىء تفكر تعمله ؟
ولو بلاقى حد افضفض معاة بتكلم
بس الاكتر بعيط واعض لوحدى

7- ما احلى ذكرى في حياتك ومستحيل تنساها ؟
لا حاجات كتير مش تتنسى

8-آخـــر شخـــص تتـــذكــــره قبـــل ما تنـــــام ؟!؟
بلاش احراج (ava10)

9- ماذا تعنى لك هذه الكلمات :

البحر : بالراحة و بحب اعد قدامة واتكلم براحتى عشان مش بيقولى لا و بسرح معاه

السما : الهدوء

الحب : الامان والحنان

الصديق : احلى حاجة

11- أوحش عيب فيك ؟
طيبة زيادة و ولما بتعصب مش بسيب حد مش اتعصب علية مهما كان

12-كم شخص عندك في الماسنجر ؟
لا مش كتير 15 او 20

13-كم سـاعه تجلس على الكمبيــوتر ؟
لا كتيرررررررر بنسى نفسى

14-هل فعلا انت مرتاح في تواجدك في المنتدي و مع الاعضاء ؟
اكيد مع احلى اعضاء

15-عضو يستحق الصداقه ؟
لا كتيررررررررررر

16-عضو شفتة و عضو ونفسك تشوفه ؟
شفت كتيررررررر و عايزة اشوف الباقى

17-عضو شخصيته مثل شخصيتك ؟
لا مش عارفة

18-عضو تعجبك شخصيته ؟
كتيرررررررررر عجبونى من خلال ردودهم

19- عضو له وحشه ؟
مش كتير اوى يعنى 5 اشخاص

20ـ هل انت رومنسي ام عصبي ؟
رومانسى بس ساعات بكون عصيبة

21ـ كم نسبة حبك للضحك ؟
لما بيكون حاجة ليها ضحك مش بعرف امسك نفسى

22ـ اذا صديقك تعزه غير مسار حياتك للأسوء تقدر تسامحه ول لاء ا؟
اكيد لما اكون بعزة هسامح بس بعد ما اعرف الاسباب

23ـ ماهى الاكله اللي تحبها وتعرف تحضرها ؟
ورق العنب

24ـ ممكن نكته حلوة من عندك ؟
واحد بيقو ل لزوجتة بتحبينى قد اية قالت لة قد ما انت بتحني قال لها يااااااااااا ة دة انتى قلبك اسو د قوى

25ـ بصراحة هل كل ماتقوله فالمنتدي تفعله ؟
اللى بقولله بنفذة

[ابن البابا]

شكرا وعايزن الباقى
يا ريت يا شباب

[pinknora]

ميرس جدا يا مرمر لمرورك واجابتك اسعدتينا

[the black eagle]

-من انت؟
بولا ابراهيم

2-متى اخر مرة ضحكت من قلبك؟ وليه؟
يوم النتيجة بتاعتى مش عشان المجموع
لا علشان خدناها مشي من سنتريس لاشمون
وكونا كلانا بنهيس تهيييييييييييس كان يوم جامد فعلا

3- اخر مرة بكيت من قلبك؟وليه؟
يوم 16/1/2007 مش هينفع اذكر اسباب سورى

4-هل حسيت في يوم من الايام بالضعف؟ومتى كان؟
اه يوم ما دخلت المنتدى هنا قبل ما السيرفر ينضرب وكان مش منتدى كان...........
وانا مش عارف اعمل حاجة

5-من الشخص الي تتمنى ياخذ فرحك علشان ماتشوفة حزين؟
ابانوب الفى وعادل عزت(اناتيمي)

6-اذا كنت متضايق ماهو أول شىء تفكر تعمله ؟
انزل امشي ولو كان الشارع فاضى هجري بطاقة رهيبة

7- ما احلى ذكرى في حياتك ومستحيل تنساها؟
يوم ما اتعرفت على عادل عزت انتيمى يوم لا ينسي لانه كان يوم اسود من قرن الخروب

8-آخـــر شخـــص تتـــذكــــره قبـــل ما تنـــــام؟!؟
ابانوب الفى وعادل برضوا (دول اناتيمي ا جماعة مستحيل انساهم)

9- ماذا تعنى لك هذه الكلمات :

البحر :

الصفاء

السما :
بسرح فيها لما تكون زرقاء صافيه
الحب:
لسه ماجربتش
الصديق:
الحياة
11- أوحش عيب فيك ؟
لو حطيت واحد فى دماغى مش بيطلع سليم منها

12-كم شخص عندك في الماسنجر ؟
حوالى 57
13-كم سـاعه تجلس على الكمبيــوتر ؟
حوالى عشرة انا مدمن

14-هل فعلا انت مرتاح في تواجدك في المنتدي و مع الاعضاء ؟
اه لسه ماحدش عمل حاجة تغيظ

15-عضو يستحق الصداقه؟
المصرى الاصيل

16-عضو شفتة و عضو ونفسك تشوفه ؟
شفت بنت الانبا تكلا ونفسي اشوف المصري الاصيل

17-عضو شخصيته مثل شخصيتك؟
بشيوى مشرف قسم الكمبيوتر

18-عضو تعجبك شخصيته؟
بنت الانبا تكلا
19- عضو له وحشه؟
سورى ما فيش

20ـ هل انت رومنسي ام عصبي؟
متزن فى الغالب وفى القليل عصبي ونادرا رومانسى

21ـ كم نسبة حبك للضحك؟
100%

22ـ اذا صديقك تعزه غير مسار حياتك للأسوء تقدر تسامحه ول لاءا؟

ميبقاش صحبي لو ودانى لحته غلط انا عارف اصحابى كويس ومش اى حد بمشى معاه يبقى صاحبي
23ـ ماهى الاكله اللي تحبها وتعرف تحضرها ؟
كبده مشوية لا طيعا انا كبيري اسلق بيض


24ـ ممكن نكته حلوة من عندك ؟
اكيد

المدرس ماهي الكلمة التي يستخدمها الثلاميذعادة ؟؟التلميذ : لاأعرف ياأستاذ . الاستاذ : أحسنت


25ـ بصراحة هل كل ماتقوله فالمنتدي تفعله ؟

اكيد انا مش بخاف من حاجة صح

[ابن البابا]

فين البابا يا شباب عايزن الباقى يلالالالالالالالالالالالالالا

[pinknora]

ميرسى يا بولا لمرورك واجاباتك

ربنا يخليلك ابانوب الفى وعادل عزت انتيماتك

ربنا يحافظ عليك

ايه يا جماعه فين الباقى

[ابن البابا]

فين باقى الشباب والاعضاء الجداد محدش بيجاوب لية