MrMr
12-06-2008, 01:18 AM
نفسى أقول لك كلمة فـ ودنك .. بس إوعى تقول لحد
نفسى يا ربى تاخدنى فـ حضنك .. أيوه يا ربى نفسى بجد
..
نفسى حقيقى اكون إنسان .. نفسى حقيقى يا رب اتغير
نفسى أرجع زى زمان .. نفسى أرجع طفل صُغير
..
نركب أنا وانت الطيارة .. وتطير بينا على فوق على فوق
أتنطط وانفخ زمارة .. وتجيبلى حاجه حلوه أدوق
..
ألعب ويا ملاك بينَّور .. أجرى وهو عليا يدوَّر
أستخبى ولما يلاقينى .. يزغزغ فيا لحد ما اكركر
..
وتفسحنى جوه السما .. وتتلم علينا العصافير
وتشيلنى على كتفك بقى .. عشان مش هقدر أمشى كتير
..
ولما ييجى الليل تحرسنى .. أصل انا من الضلمة بخاف
و تاخدنى فـ حضنك وتبوسنى .. عمرى تانى ما اكون خواف
..
وتمشينى على سحابة .. والدنيا تمطر نجوم
ولما اتعب بقى يا بابا .. تطبطبنى واروح فـالنننننننننننننننننننوم
نفسى يا ربى تاخدنى فـ حضنك .. أيوه يا ربى نفسى بجد
..
نفسى حقيقى اكون إنسان .. نفسى حقيقى يا رب اتغير
نفسى أرجع زى زمان .. نفسى أرجع طفل صُغير
..
نركب أنا وانت الطيارة .. وتطير بينا على فوق على فوق
أتنطط وانفخ زمارة .. وتجيبلى حاجه حلوه أدوق
..
ألعب ويا ملاك بينَّور .. أجرى وهو عليا يدوَّر
أستخبى ولما يلاقينى .. يزغزغ فيا لحد ما اكركر
..
وتفسحنى جوه السما .. وتتلم علينا العصافير
وتشيلنى على كتفك بقى .. عشان مش هقدر أمشى كتير
..
ولما ييجى الليل تحرسنى .. أصل انا من الضلمة بخاف
و تاخدنى فـ حضنك وتبوسنى .. عمرى تانى ما اكون خواف
..
وتمشينى على سحابة .. والدنيا تمطر نجوم
ولما اتعب بقى يا بابا .. تطبطبنى واروح فـالنننننننننننننننننننوم