رجاء محبة

[theblackdragon]

بعد اذن حضرات الاعضاء الافاضل
ممكن محدش يدخل يكتبلى ان فيه موضوع من الموضوعات اللى انا كاتبها مكررة من غير ما يكون مشرف او مراقب عشان المشرف او المراقب بيدخل بينقل المضوع لمنتدى المواضيع المحذوفة او المكررة وبعدين بيكتب ان الموضوع مكرر بس لو عضو عادى يكتب انه مكرر و الموضوع فى مكانه يعنى مش ليها لازمة
وبعدين الاعضاء اللى بيدخلوا يردوا ويقولوا ان الموضوع مكرر قليل جدا لما يدخلوا ويردوا على موضوع من موضعاتى بس دخلوا وردوا بسرعة فى الموضوع المكرر ده

وشكرا

[بولا رفقى]

متزعلش خالص لو اى عضو عمل كدة ابعت اللينك بتاع الموضوع لااى مشرف او الاستاذ ثروت وهو يتصرف وياريت ان بعض الاعضاء متكتبش مكرر او مش مكرر علشان دى حاجة ترجع للمشرفين مش للاعضاء وانتا بجد موضوعاتك حلوة بس انتا شايف ان المنتدى قليل الدخول علية بسبب امتحانات نص الترم



وشكرا ليك

[theblackdragon]

لا يابولا لا داعى لذكر اسماء هو رجاء وياريت الاعضاء يلبوه

[JESUS LOVE]

بولا مش بيقولك اذكر اسماء الموضوع اللى بقرر بيروح قسم المحزوفات المكررة
وكلنا مش بنزعل كمان اما تلقى موضوع نتا حد من الاعضاء عملو وانتا عملو خد رابط الموضوع وحطو فى الموضوع المتكررر ولو فية حاجة
قول لى استاذ ثروت او اى حد من الادارة

[theblackdragon]

ماهو انا لو ذكرت اسم الموضوع كانى ذكرت اسم العضو
وانا عادى بالنسبة لى ان الموضوع يتنقل لمنتدى المواضيع المحذوفة او المكررة
بس مش عادى ان اى عضو يدخل يقولى ان الموضوع مكرر والموضوع بيفضل فى مكانه

[the black eagle]

يا مينا عديها

انا كنت ذيك كده الاول وانت عارف انا كنت بتعصب اذاى يوم ما كنت بشوف موضوعى فى المكرر وكنت بعمل شكاوى وحركات عبيطه كده ماكنش ليها لزمة بس معلش كانت فترة وعدت

واديك عرفت مفتاح اى حاجة (كلم الاستاذ ثروت لو ماعرفتش توصله انا فى خدمتك على تليفونات او اى مشرف فى المنتدى فى خدمتك)

وبعدين دا احنا حتى بلاك ذى بعض وولا تزعل نفسك خااااااااااالص وامسحها فى اخوك el black eagle

[theblackdragon]

انا مش بكلم ان موضوعى اتنقل لمنتدى المواضيع المحذوفة او المكررة الموضوع دا عادى بالنسبة لى بس اللى مضايقنى ان اى عضو يدخل ويكتب ان الموضوع مكرر والموضوع بيفضل فى مكانه

[ابن البابا]

يا مينا احنا هنا كلنا تيم واحد
وبنشتغل وبنساعد بعض صدقنى

مفيش داعى للزعل والحاجات بجد خدها بمحبه بجد

[Emilio00o]

اسف على المداخله بس بجد الموضوع مش مستاهل زعل لانى زى ماقال ابن البابا كلنا فريق واحد واهم شىء عندنا اسم المنتدى والخدمه الى بيقدمها فالاداعى للغضب

وفى حاجه تانى لو عضو دخل فى موضوعك وكتب مكرر وكتب لينك الموضوع المكرر برضو هو مش غرضه اهانتك بس هو بيساعد المشرفين والمراقبين لانه شايف انى المنتدى بتاعه وبتاعنا كلنا

واسف على الاطاله وربنا يعوضكم

[pishoy]

يامينا احنا هنا كلنا بنكمل بعض

ياريت متخدش الموضوع بحساسيه اوى كده مش معنى ان حد قال ان المضوع مكرر يبقى بيرخم عليك

هو مجرد انه بيلفت نظر الاداره مش اكتر اى كان العضو اللى كاتب الموضوع

وعايز نصحتى لما يتكرر الموضوع ده معاك ادخل اتاسف ودور على موضوع ميكنش متكرر ونزله

[jesus's girl]

انا لو منك يا مينا اعمل موضوع من كتاااااب من تأليفي ولا اضايق نفسي بالموضوع المكركر

[theblackdragon]

بامانة انا مش زعلان بس دا رجاء محبه و ياريت الا عضاء يلبوه
وياريت الاعضاء يبقوا يساعدوا المشرفين بالرسائل الخاصة
وبالنسبة لتويتى يبقى الحمدلله ان انا مش منك

[white_heart]

اووووووووووووكى يا بلاك دراجون علم وينفذ ولو انا كنت منهم ام سورى بس انا كنت اصده انى اساعد المشرفين وبس مش اكتر وانى احاول اعمل حاجه ف المنتدى بس لغرض انى ارخم لا طبعا

وشكرا انك علمتنى حاجه زى كده انى مقلش ابعت رساله خاصه للمشرف وبس
ربنا يحميك
صليلى كتيييييير

[المصرى الأصيل]

حصل خير يا احبائى واذكر حضراتكم اننا هنا اسرة واحدة وايد واحدة مش ده برضه شعار المنتدى وارجو مستقبلا اللى عنده اى تحفظ على موضوع او رد انه يخاطب الادارة وربنا يبارك فيكم كلكم