سامحونى يا اخواتى

[المصرى الأصيل]

بسم الاب والابن والروح القدس اله واحد امين

احبائى كل من فى المنتدى

بعد النزاعات التى تحدث فى المنتدى وتحول هدف المنتدى من مكان نمجد فيه اسم المسيح الى مكان لتصفية الحسابات بين اهل وجيران فانا بكل اسف وقلبى يقطر دما والى ان يفهم بعض أحبائى فى اشمون ان المنتدى هو مكان للخدمة وليس لاى شىء اخر والى ان نفهم انا الخدمة هى لا انا بل المسيح وان الخدمة هى ان انحنى لاقبل اقدام اخى وان الخدمة ان اختفى انا ليتمجد المسيح .
من اجل كل ذلك :
1. اعلن انسحابى من المنتدى واترك الفرصة لاى شخص اخر ان يكون امينا للخدمة وبتمنى له كل التوفيق والمنتدى ملىء بمثل هذه الكفاءات وسوف اتابع اخبار المنتدى عن طريق اقربائى الموجودين معكم فى المنتدى .
2. الغاء الاجتماع الذى كان مقرر عقده غدا فى القاهرة للمشرفين .
3. ارجو عدم الاتصال بى خلال هذه الفترة .
4. ارجو من الجميع ان يتقبل اعتذارى عن اى اساءة تسببت فيها لاى شخص بقصد او بدون قصد او اى اهمال اهملت فيه بقصد اوبدون قصد وارجو من مينا انه يسامحنى ويتقبل اعتذارى .
وبتمنى لكم كل توفيق والمسيح يبعت ليكم خدام حقيقيين لمجد اسمه ويطرد روح الشر والفرقة بينكم
ونصلى ان ربنا يبعت خدام حقيقين يخدموا لمجد اسمه القدوس فقط

المصرى الاصيل

[white_heart]

وانا كمان سامحونى لانى هنسحب من المنتدى لنفس سبب المصرى ومشعارفه اقوول ايه اكتر من كده
لانى كنت فاكرة اننا اتغيرنا وبقينا كلنا هدفنا فى المنتدى هو الخدمة بس يا خسااارة مفيش تقدم
ربنا يحميكوووووو كلكووووووووووووو

[jesus's girl]

لا يا استاذ ثروت احنا عارفين ان المنتدي في اخطاء كتيررررررررررر بس ده مش معناه انك تنسحب وتسيب المنتدي ارجوك يا استاذ ثروت ارجووووووووووووووووووووك متسبناش
- وانتي يا تريزا انت عضوة جميلة ومتميزة يعني مينفعش تسيبي المنتدي بعد ما اتعودنا منك علي مواضيعك المتميزة

[JESUS LOVE]

لالالالالا احنا بادينا نعمل داا ومش فى ياس
وكلنا اخوات دا كدا كفاية

[dodo martha]

يااستاذ ثروت احنا عارفين ان المنتدى فى اخطاء وحضرتك مش مقصر فى خدمتك ولو سبت المنتدى هاتبقى خسارة كبيرة للمنتدى
ارجوك ماتسبش المنتدى ولو سبت المنتدى انا اول من ينسحب من المنتدى ارجوك ماتسبناش

[ابن البابا]

استاذى الغالى استاذ ثروت

انا حليت المشكله نهائى

وانا عدلت الصوره خالص وحليت المشكله خااااالص

بس ارجعلنا من تانى بجد منقدرش ندخل المنتدى وانت مش موجود معانا لان من غيرك معانا بتنقصنا حاجات كتير

انت اللى بتوجنا

علشان خاطر الانبا تكلا شفيع المنتدى

المنتدى محتاجلك ومسنتغناش عنك خاااااااااااالص

[MrMr]

معلش يا استاذ ثروت
انت عارف اولادك لسة صغيرين وبيغلطوا
انت ابونا صحح اخطاءنا وعلمنا
بس مش تسيب المنتدى
و زى ما قال ارسانى
علشان خاطر الانبا تكلا

[dodo martha]

ياستاذ ثروت زى ماقال ارسانى ومرمر ماتسبش المنتدى علشان خاطر الانبا تكلا
المنتدى من غيرك ماينفعش ارجوك ماتسبناش

[fredyfire]

ارجوك يااستاذ ثروت مش بسبب مشكله اختلقها شخص تحرمنا من وجودك معانا

صدقنى القرار ده مش فى صالح المنتدى ككل

ياريت تفكر تانى فى قرارك وانا واثق انك مش هتخجل كل اللى فى المنتدى اللى بيحبوك

[rivooo]

لا تعليييييق بجد يا احبائى انتو اللى دخلتو ابليس بينكو وافترقتو عن بعض الاستاذ ثروت اللى كان المنتدى كله والعضوة تريزا اللى لا تعليق ع موضوعاتها واسلوبها مع الاعضاء كلهم بجد بجد لازم تطردو ابليس اللى فرقكو وترجعو تانى تتجاهدو فى المنتدى

[the black eagle]

اسمحلولى اتدخل يا جماعة وارد على كل واحد

مدرسة الحياة(الاستاذ ثروت): حضرتك عارف قد ايه احنا بنحب حضرتك اكتر وعارف ان المنتدى من غير حضرتك خلاص كده هينتهي لاننا كنا بندخل علشان نستفيد من خبرات حضرتك .وترجع حضرتك بعد ما حببتنا فيك وخلتنا نخش المنتدى علشان نطمن حضرتك عامل ايه وعلى صحتك ونستفيد من مواضيعك ومن حاجة حتى فى ردودك حتى فى توقيعك حتى فى كل حاجة بجد يا استاذ ثروت انا كنت بفرح جدا يوم ما كنت بشوف رد حضرتك على مواضيعي ويم ما حضرتك كنت بتتصل بيا وانا بتصل بحضرتك كانت الفرحة بتبقي مش سيعانى وطبعا حضرتك مش تنسي فرحتى يوم ما شوفت حضرتك فى الكاتدرائية انا بجد ماكنتش عاوز حضرتك تمشي وكنت بستنى تليفون حضرتك ورد حضرتك على مواضيعي وكنت ببقي زعلان لما اعرف انك قابلت فريقنا (الفاشل من غير حضرتك) من غيري وكنت ديما بوصلك سلامى معاهم .بجد يا استاذ ثروت حضرتك لو سبت المنتدى خلاص كده تبقي حضرتك وقعت المنتدى بأيد حضرتك بجد بجد بجد بجد حرااااااااااااااااااااااااام لو حضرتك سبتنا يا (استاذى)
ولو حضرتك نسيت امنيتي افكرك بيها(احنا لو ركزنا شهر واحد فى المنتدى دا هنخليه مرجع لكل المنتديات)


تريزا :علشان خطرى وعلشان خاطر كل اعضاء المنتدى استنى لما نشوف المصري هيعمل ايه واوعدك انه مش هنهون عليه انا عارفه بيحبنا كلنا ومش يرضا يسبنا كده واحنا داخلين على امتحانات نبقي حزانا بجد يا جماعة استنوا شوية بس


تويتي و ميرنا ودودو وامير فريدي فير وارسانى ابن البابا ومرمر وريفو وكل اعضاء المنتدى وكل الناس اتمسكو بالاستاذ اكتر واكتر


وياريت كلنا نعمل توقيعنا زى تويتي يا جماعة حاجة يرجع لينا المنتدى تانى قصدي الاستاذ ثروت

[ابن البابا]

كلنا بنوقله من غيرك بجد المنتدى بقى ملهوش طعم

[the black eagle]

غلط يا ارسانى من غيرك يا استاذنا مافيش منتدى اصلا

[dodo martha]

فعلا انا كمان من راى ان احنا نوقف نشاطات المنتدى لغاية ماالاستاذ ثروت يرجع
وفعلاالمنتدى من غير الاستاذ ثروت ماينفعش

[BeshoY]

بلاش يا استاذ ثروت تسيب المنتدى بجد بجد المنتدى هيقف كلوا وى محدش هيخشوا تانى

[avatakla]

انا هقفل المنتدى بكره الساعه 12 باليل لو مرجعتلناش تانى يا استاذى وابويا واخويا وصاحبى انت مش بتقول عليا ابنك فا الابن ديمن ورا ابوه وانا وراك هسيبك المنتدى سلام يا احلا منتدى

[dodo1]

ودا احلى قرار انا سمعته فى حياتى لو المنتدى الحقيقي مش رجع(الاستاذ ثروت)المنتدى اللى ع النت هيتقفل

صح كده لازم ترجع يا استاذنا كلنا بنحبك وكلنا مع حضرتك وكلنا ورا حضرتك فى حته

[qmahba2007]

ارجع لنا يا مصري يا اصيل ارجع لنا احنا اسفين بالنيابة عن كل الناس وبجد مش هتلاقي اى حاجة تزعلك مننا تانى اوعدك بجد

وبجد يا مينا انا دا احسن خبر سمعته منك ان المنتدى هتقفل لو هو مش رجع لان دا بجد مدرسة لينا

وكلنا مستنين المنتدى قبل الساعة 12 بكرة قصدي الثروة بتعتنا الاستاذ ثروت

[ابن البابا]

http://img230.imageshack.us/img230/7025/asasasxe5.jpg

[بولا رفقى]

بجد احنا اسفين يا استاذ ثروت على اى شغب حصل مننا ليك وكل واحد اعترف بغلطة دة كلة انا السبب فية سامحنى بجد ياريت ترجع لبيتك تانى لان اولادك محتاجينك بجد انا حززززززززززززززززززززززززززززززززززززززززززززززززز زززززززززززززززززززززززززززززززززززززين
جداااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا اااااااااااااااااااااااااا
لفراقئك منتدانا ارجعع يا استاذ ثروت لى اولادك

[jesus's girl]

ما هو لو كل واحد حس بغلطه من الاول مكنش حصل كده المهم ان الغلطان يعرف غلطه .. لكن الاهم اننا مش عارفين نرجع كنز من كنوز المنتدي ... كله بسبب ........ ربنا يسامحه بقي ... ده لو الاستاذ ثروت مرجعش انا عمري ما ها سمحه ابدا ابدا

ياريت الغلطان في الاستاذ ثروت يسبنا بقي حرررررام كفاااااااااية كده احنا شوفنا منه كتير ( انا مش عاوزاه تااااااني ) مينفعش يكون في وسطنا شخص ميعرفش يعني ايه محبة ده مش من اسرتنا

[فرعون مصر]

المصرى الاصيل هو اصل المنتدى بعد مفيش حد هو الاصل ومتزعلش ياستاذ ثروت احنا وراك فى كل حتة
http://heshamishish.jeeran.com/004.jpg

[ابن البابا]

لا تعليق على كلام الفرعون

[pinknora]

ليه يا جماعه طورتوا الموضوع اوى كدة ويوصل لدرجه ان استاذ ثروت يمشى وناس كمان تقرر تمشى وراه

فين الخدمه يا استاذ ثروت انا بصراحه مصدومه من موقف حضرتك لاننا هنا علشان نخدم بعض حضرتك اتخليت عننا

وعن خدمتك لينا علشان مشكله حصلت واتحلت فعلا وكمان فى تفكير فعلى بقفل المنتدى نهائيا مع ان ده قرار مش صح

خالص مع احترامى للكل احنا بدأنا فى المنتدى وبقالنا فيه فتره طويله تقريبا من اول ما اتفتح وعرفنا بعض واخدنا على

بعض ومبسوطين اننا بنخدم وبنفيد بعضنا والاعضاء اللى سنهم لسه صغير ومش متاح ليهم الخدمه اكيد حاسيين انهم

بيخدموا هنا فى المنتدى وكل الحجات الجميله اللى كل واحد بيعملها علشان يسعد الباقيين كل ده كدة ينتهى ومع الاسف

حضرتك تكون السبب بجد كلنا هنكون حزانى جدا على خساره خبره حضرتك ومحبتك وكلامك الجميل اللى بتبسطنا بيه

وبتفيدنا واكيد هنخسر بعض وهنخسر المنتدى اللى بيجمعنا واحنا كل حد فينا من مكان مختلف بس بقى فيه بينا محبه

رغم اى حاجة تحصل احنا مش المفروض نسيب المنتدى ولا نقفله مع احترامى الكامل ومحبتى الشديده لاستاذ ثروت

وطبعا اتمنى من كل قلبى انه يرجع المنتدى تانى لان المسييح قال "جئت لاجمع لا لآفرق" واحنا لازم نتمثل بالمسيح

ودى خدمه واعتقد اننا المفروض نجاهد فى الخدمه مش ناخد مواقف تدمر اللى بنبنيه

انا اسفه للتطويل وبتعتذر لو كلامى ضايق حد

[power light]

بسم الاب والابن والروح القدس
اله واحد امين
اولا:
طبعا الاستاذ ثروت انا بسمع عنه كلام حلو كتير ومتشرفتش انى قابلته قبل كده
ثانبا:
الموضوع خد اكبر من حقه والغلطان لازم يتحاسب
ثالثا:
استفتاء اه اللى مزعلك اوى يا ابانوب الحكاية مش مستهله يعنى الصوتين اللى انا واخدهم صوتى انا واخويا وبامانة كنت ناوى ادى صوتى لامير سامى (فردى) او بيشوى ( ماتريكس) لان امير عامل نشاط اكتر من رائع وخصوصا فى الرياضة وبيشوى استاذ فى الكمبيوتر بس الواحد معتبر الاستفتاء ده حاجة ظريفة كده مش انتخابات رياسة؟؟؟؟؟
رابعا :
انا واثق ان ارسانى نسى يضمك للاستفتاء مش متعمد يعنى وانا عارف ان نشاطك كبير ومن الناس اللى بتشارك كتير بس بالطريقة دى انت بتثبت انك مش كاتبها للاستفادة ............................
خامسا:
احب ان اوجه كلمة للمصرى اوعى تزعل لان الخدمة ياما هتشوف فيها متاعب واكيد حضرتك جربتها كتير ومش لازم تسيب المنتدى لاى واحد بيقول راى خارج الموضوع وانا مستنى منك رسالة تقول انك معانا على طول لاننا بنزعل لما اى حد بيسبنا فمابالك لما يكون المصرى!!!!!!!!
اخيرا:
كل من هدد انه يسيب المنتدى يقف مع نفسه ولازم نطبق قوانين المنتدى عشان هيه مش لعبة وانا مستنى قرار حاسم !!!!!!!

وشكراااااااااااااااااااااا

[the black eagle]

ايه يا استاذ ثروت ش ناوى ترد علينا حتى لو بالموافقة او بالرفض بأن حضرتك تمشي او تستني معانا؟؟ ولا هتسبنا كده؟؟

[ابانوب]

يا جماعة بجد مش عارف اقول اية انا عارف انى غلط جامد وانا مش عارف عملت كدة ازاى وارج من الاستاذ ثروت انو يرجع المنتدى ومعلش يا ارسانى بجد انا مش عارف ازاى انا عملت كدة انا اسف بجد ارجو من الجميع ان يسامحنى لو دخولى فى المنتدى هيجيب مشاكل انا بامانة ممكن اسحب عضويتى وانا اسف

[ابانوب]

اجرجوج يا ستاذى المحترم ثروت ان تعود لنا فى المنتدى لا المنتدى كدة مش هيبقى منتدى من غيرك ارجو من الجميع ان يسمحنى على ما فعلت


ارجعلنا يا استاذ ثروت

[pishoy]

http://img142.imageshack.us/img142/3720/39453889rf1.gif (http://imageshack.us)


ارجوك ارجع انا واثق انك مش هتزعل كل اللى بيحبوك دول

[فرعون مصر]

اباونب انت السبب فى الموضوع دة شعللها شعلل ولعها ولعل

[فرعون مصر]

ياعزيزى ابانوب انت السبب فى الموضوع من الاول بتشعلل الموضوع وتولع الموضوع لية انت استف2ت اية

[dodo martha]

كفاية بقة يااستاذ ثروت وارجع المنتدى وحش من غيرك

[JESUS LOVE]

يا فرعون خلاص كل واحد بيغلط وبيتعلم الصح
بكرة استاذ ثروت يرجع وتبقا سنة مش فى زيها بوجود استاذنا

[فرعون مصر]

اوكى ياميرنا نو برولم im sory
انا مكنش قصدى اديق حدد بس كل واحد يعرف غلطة المصرى واحد بس

[jomana]

انا مش فاهمة حاجة خالص

[jomana]

بس يعنى على قد فهمى ان فى واحد غلط بس مش عارفة مني اذى كان ابانوب ولا ارسانى

[فرعون مصر]

مين مين فى قلبك مين واحد بس من الاتنين يا اما الشيطان يا اما المصرى الاصيل واحد بس مش الاتنين

[jesus's girl]

كفاااااااااااااااااااااااااااااااااااااااااااااااا ااية احنا متشكرين جدا جدا جدا جدا وياريت بقي نشوف المنتدي ومحدش يكتب حاجة تاني

بدل ما تكتب رائيك اكتب احسن موضوع مهم ومفيد لاعضاء المنتدي