نجم بصحيح

[pinknora]

وسط كون مليان نجوم و ناس كتير ..... عايش وحيد
و فــ وحدتي فين بسمتي....عمري ما كنت فـ يوم سعيد
طول عمري حاسس إني نجم .. مش مهم .. مش مفيد
مع إني بحلم كل يوم .. إني أكون ...مخلوق فريد

كان نفسي أكون شمس تشرق .. تعلن بداية يوم جديد
أو حتى أكون قمر ينوَر .. يقلب ظلام الليل لعيد
كان نفسي ... بس ده كان بعيد
أصلي ... أصلي نجم من العبيد
نوري ضعيف .. بلمع خفيف .. و مش بزيد
يبقى عمري فـ يوم ما هكبر
عمري فيوم ما هبقى سيد

أنا قلت هو ده القدّر ... و من القدّر مفيش مفر
و حبست نفسي فـ وحدتي .. حالي مابقاش فيه شئ يسر
شئ مستحيل يوم ينكسر ... و مسيري هنسى بزمن يمر

بس انكسر
بس انكسر باللي قدّر على القدّر
رب الجنود ليه السجود بمهمة كلفني و أمر
إني أكون مرشد و عون .. لشيوخ مجوس ناويين سفر
كلفني أكون أول رسول يعلن نبأ ..يعلن خبر
ميلاد يسوع .. و أئيد شموع فرح السلام اللي انتشر
عالأرض .. و مسرة و فرح ليكم يا كل بني البشر
ما أمرش شمس أو قمر

ما أمرش شمس أو قمر
جه عند نجم من العبيد .. قوّاه بقى نجم بصحيح
و فـ سماه إداه مكان
و أنت كمان

ممكن تكون أضعف كسيح
أو حتى جاهل مش فصيح
ممكن تكون عمرك فـ يوم ما سمعت ولا كلمة مديح
مـالناس .. مكسور و جريح
و العمر .. عدّى مش مريح
بس المهمة اللي عليك .. رغم أي حاجة فيك
تعلن و تشهد للمسيح
تشهد بعملك .. أو بصمتك .. مش شرط يكون بكلام فصيح
ثق إنه قادر ينصرك .. على أي ضعف هيرفعك
نورك ضعيف .. هيشددك .. و بنور سماوي هيشملك
و ساعتها بس ممكن تكون صحيح فريد
و ساعتها بس ممكن تكون .... نجم بصحيح

م
ن
ق
و
ل

[dodo martha]

بجد مش عارفة اقولك اية بس فوق الروعة يانورااااااا
ربنا يباركك

[pinknora]

ميرسى دودو نورتى يا سكر

[little angel]

أنا قلت هو ده القدّر ... و من القدّر مفيش مفر
و حبست نفسي فـ وحدتي .. حالي مابقاش فيه شئ يسر

بجد بجد بجد موضوووووع هاااااايل واكتر من رااااائع واصلا مواضيعك الجميلة دي مش جديدة عليكي
ربنا يبارك تعب محبتك ومجهودك

[the black eagle]

رب الجنود ليه السجود بمهمة كلفني و أمر
إني أكون مرشد و عون .. لشيوخ مجوس ناويين سفر

بجد يا نورا مافيش اهم من كده مهمة ولا احلى من كده نجومية موضوع تحفة بجد

[oja]

جمييييييل اوي يانورا بجد كلمات تحفه
ميرسي ليكي يا قمر

[pinknora]

ميرسى جدا جدا توتا , بولا , اوجا للمرور الجميل ربنا يفرح قلوبكوا