كفايه لعب بقى

[memo]

انا ملاحظ ان عدد كبير من الاعضاء بيدخل بس للالعاب بين الاعضاء وانا من رايى ان نقلل منها ونبتدى فى المواضيع اهم ولا ايه رايكم

[jesus's girl]

انا معاك يا ميمو فعلا الالعاب هي اكتر مواضيع مشاهدة ومناقشة مع ان في مواضيع محدش فكر يقراها

[ابن البابا]

صح
وانا معاكم هو اصلا المنتدى دينى روحى ترفيهى بس دينى
اكتر

[Mero_love]

ايوة بجد المشاهدات في الالعاب تعدي ال 500 او ممكن تكن قربت توصل لل 1000 او خلاص وصلت
والمشاركات بردو كدة
ربنا باركك يا ميمو ميرسي ليك كتييييييير

[memo]

فين باقى الاعضاء عايزين نعرف رايهم

[white_heart]

هو مفيش حاجه لما ندخل على الالعاب كتير بس فى نفس الوقت نتابع المواضيع التانيه (ادبى ودينى و...)
بس انا معاكو ومش معاهم
ربنا يبارككم على الموضوع

[بنت الانبا تكلا]

من راي تريزا مش معنى ان الناس بتلعب ان دي حاجة وحشة بس المهم نهتم بالموضوعات الروحية

[ابن البابا]

احنا مش بنقول ان ده حاجه وحشه بس احنا لازم زى ما بنلعب
بردوا نشوف ايه الموضوعات التانيه وكده

[jesus_4ever]

[QUOTE=treza;2555]هو مفيش حاجه لما ندخل على الالعاب كتير بس فى نفس الوقت نتابع المواضيع التانيه (ادبى ودينى و...)
بس انا معاكو ومش معاهم
عندك حق يا توتو ميرسى ليك يا ميمو

[JESUS LOVE]

وانا معاكو هو راى حلو عشان كدةة
المفروض نشوف المواضيع بس لزم نديها حقها والعاب
نديها حقها ولا اة

[بنت البابا]

صح عندكم حق زى مابندخل نلعب نقرا حاجة تفيدنا بردوة او نحط حاجة تفيد غيرنا او نحط رد نشجع بية بعض

يعنى مش تدخل بس تلعب لا العب واقرا حاجة او حط حاجة المهم متمشيش فاضى زى مادخلت زى مااطلعت مستفدتش حاجة

[yoyo2008]

ايه يعنى عضو يخش للاعلاب بس هو مفروض يخش للمنتدى كله
ولا ايه رايكم يا شباب

[pinknora]

طبعا احنا لازم ندخل نفيد ونستفيد ونلعب كمان
اللعب مش حاجة غلط والا مكناش ننزل لعب فى المنتدى

بس خد معاك حاجة تفيدك من المنتدى كلمه او جمله او موعظه تكمل بيها يومك

ربنا يبارك خدمتكو

[بنت البابا]

لا مش يخش للمنتدى كلة يايوحنا

يعنى متدخلش تلعب بس دة المقصود انك تلعب وتستفاد فى نفس الوقت مش اكتر يعنى تلعب وتقرا موضوع تقرا قصة اى حاجة لكن مش تدخل تلعب وتمشى تانى

[بولا رفقى]

مفيش مانع اننا نلعب بس بحدود يعنى ونعطى كل موضوع حقة فى الردود او المشاهدة

[dodo1]

شكرا ليك بجد عندك حق المفروض انا المواضيع كلها تاخد حقها مش اول لما ندخل المنتدى ندخل على العب على طول

[fredyfire]

صح عايزين نهتم بلمواضيع يعنى لو دخلت قسم الافلام الدينى هتلاقيه فاضى
علشان محدش شغال فى المنتدى

[المصرى الأصيل]

شوفوا يا اخواتى ممكن نلعب وبرضه فى نفس الوقت نقرأ كل المواضيع لأن من اهم اسباب ترك بعض الاعضاء لبعض المنتديات ان بيحسوا ان موضوعاتهم مش بتلاقى اهتمام اخواتهم فى المنتدى
عامة كل الاراء جميلة أهم حاجة يا اخواتى اننا نشترك مع بعض سواء فى التسلية او فى الامور الروحية


( فان كان وعظ ما فى المسيح ان كانت تسلية ما للمحبة ان كانت شركة ما فى الروح ان كانت احشاء ورأفة فتمموا فرحى حتى تفتكروا فكرا واحدا ولكم محبة واحدة بنفس واحدة مفتكرين شيئا واحدا )
رسالة بولس الرسول الى اهل فيلبى 2 :2.1

[pishoy]

انا حاسس ان مفيش نشاط فى المنتدى فى اهتمام باللعب على حساب المواضيع

ياريت نهتم شويه ببقيت الاقسام

ياما يتقفل القسم بتاع الالعاب

[kerllos23]

هو الردود صح و100 100 مش كل واحد يدخل المنتدى علشان يلعب ويهزر

[ابانوب]

يعنى كفاية لعب شوية علشان كلو بيخش يلعب وبس ومش بيرد على الموضيع بس مش اكتر

[the black eagle]

بصو يا جماعة فى حكمة بتقول (لولا اخلاف الاذواق لبارت السلع)احنا ممكن نرضى كل الاذواق
بمعنى ان احنا ممكن نقفل منتدى الالعاب بس طول الاسبوع ونفقتح خميس وجمعة او جمعة بس
ونبقى راضينا كل الناس