الخطيه (الي البابا شنودة) [الأرشيف] - منتديات الانبا تكلا هيمانوت

rag3lak

01-31-2009, 02:36 PM

الخطيه

+الخطيه بعدتني لكن توبتي رجعتني, وياتري انتا لسه فاكرني ولا نسيتني في وقت بعدي ياربي

+وتوبتي صدقني غيرتني ,بدلتني,خلتني اجدد ذهني,وانور قلبي,وارفع ايدي وادعي ,ادعي انك تسامحني
زي ما المعموديه جددتني زمان ,زمان ياربي ,في الآيام اللي مكنتش بستخدم فيها عقلي

+وانا هجاهد وهحاول مفيش حاجه اسمها مش قادر, طول ما اسمك منقوش في قلبي ,قلبي خلاص اللي هيرشدني
وانا هفضل اطلب منك تحط ايدك قبل ايدي, اصلي انا ضعيف , ضعيف ياربي

+ومش معني اني توبت يبقي خلاص كسلت, لا دانا مش هكف عن خضوعي امامك وامام عرشك ياربي

+وزي ما الصوم فتره توبه,انا برده همحي الخطيه اللي كانت محبوبه
وهركز بقي وتاني مش هضعف,والشيطان قدامي مش هيقف

+انا عارف انه هيحاربني وبسلاح الفكر هيلاعبني,بس انا مبستسلمش,وهخليه يعرف ان تعبه راح عليه,وعليه ههده

+ولوحتي الحرب مش مكشوفه,انا هخلي رمح قلبي يشوفها
ومش هفكر في الحجج والأعذار,الحجات دي مبقتش في قلبي معروفه

+وانا وبعترفلك,قلبي هيشرحلك كل الاسباب ,وهيقولك كل الاسرار اللي خليته يبعد عنك

وعلي العموم انا جيتلك,وبمسح دموعي في آخر طرف في توبك , وبتمني اسمع صوتك,علشان اعرف اني رضيتك

الي البابا شنودة
12-3-2008