سؤال وعاوزة اجابة منك انت ؟؟؟

[jesus's girl]

يا ريت كل واحد يقرأ الموضوع يقول وجهة نظره بكل صدق وجديه
يا ترى احنا كشباب وشابات مسيحيين
وندعى باسم المسيح
وندعى ايضا اولاد الله
هل تصرفاتنا تظهرنا كأولاد لله
ام تظهرنا كأولاد للعالم
فى لبسنا فى تعاملاتنا مع الاخرين
فى شغلنا بنرضى ربنا ولا
هل نشهد للمسيح فعلا بكل تصرفاتنا ومظهرنا
ام نحن صوره سيئه يراها الناس
وازاى نصلح كل عيوبنا ونكون فعلا صوره للمسيح يراها الناس ويقولوا فعلا ده مسيحى لانه كل تصرفاته بترضى ربنا
ياريت اعرف رأى كل واحد منكم
صلوا من اجل ضعفى

[yoyo2008]

ماشى انا قرات الكلام بس هل انتوا يابنات بتعملوا الى يمثل ربنا بلبسكم
ياريت اجابة

[medhat atef]

جميل جداااااااااا طرح النوع ده من الاسئلة يا تويتي و علي قكرة يا يوحنا اكيد فعلا زي ما انت بتقول في بنات بتلبس وحش بس هل مقياس اولاد ربنا هو اللبس بس ؟

طب ما محدش بيبص لولد مثلا علي انه لابس لبس خليع او لبس محترم . فهل كل ولد لابس عدل بيمثل صورة حلوة لاولاد ربنا ؟

اكيد اللبس مش مقياس

وفعلا يا تويتي صورة اولاد ربنا بقت مش كويسة



عارف اني طولت جداااااااااااااااا بس حبيت اوضح نقطة


شكرااااااااااااا يا تويتي




ربنا يباركك

[jesus's girl]

ميرسي لمرورك يا يوحنا بس معلش بلاش نقول بنات وولاد احنا بنتكلم عن ولاد ربنا عموما

مدحت كلامك بجد جميل ومرورك جميل بس فعلا اللبس مش كل حاجة


انا بقي عاوزة نقاااااش ايه الصور الغلط اللي انتوا شايفنها ؟؟؟؟؟؟؟؟ وازاي نعالجها ؟؟؟؟؟؟؟؟

[little angel]

انا عايزة اقول بس يا جماعة ان مش بس اللبس اللي بيسبب مشكلة سوااااء بنت او ولد..لا

انا عايزة اوضح بس ان الشبااب دلوقتي بداو يلجاءو للسجااااير ...دي بقي اصبحت حاجة منتشرة اووي يا تويتي .... وكمان الحواار علي النت (الشاات) وانا بتكلم بصفة عامة يا بنت يا ولد دي برده مشكلة

بس دي فكرتي ووجهة نظري .......بس عايزة اقولك موضوووع هاايل للمناقشة ..وياريت نلاااقي حل للسجااير والشات واللي بيحصل فيه بالنسبة للبنت او للولد وكده...ميرسي ليكي جداا وربنا يبارك تعبك

[jesus's girl]

ميرسي لمرورك يا توتا وانتي فعلا قولتي حاجتين فعلا مش بيبنوا اننا ولاد للمسيح اولهم السجاير اللي اساسا ملهاش لازمة خالص واللي بتخلينا نفرط في جسدنا اللي ربنا مديهولنا اللي المفروض يبقي جسد يتعب ويشقي ويجاهد علشان يوصل للفردوس وطبعا مفيش جسد بيشرب سجاير ممكن يوصل

اما بالنسبة للشات فاعتقد عيب اوي لو في ولد مسيحي من ضمن اللي بيضحكوا علي البنات علي الشات وعيب جدااا البنت اللي بتأمن لاي ولد وبص نلاقيها قال ايه نازلة تقابلوه وتتعرف عليه ده اكبر خطررررررررر


منتظرة باقي الاعضاء يتناقشوا معانا

[sinfulboy]

كل الاشياء تحل لى ولكن ليست كل الاشياء توافق
بالنسبة لموضوع اللبس من وجهه نظرى انه فى نوع من اللبس بيسبب عسره للاخرين وده انتشر كتير دلوقتى لكن ميمنعش ان فى ملابس تانية بتتناسب مع كل واحد احسن من كده وبرضو على الموضة .. اما موضوع السجاير انا من المدخنين وبحاول بقدر الامكان انى اتخلص منها ودى خطية وانا مقنع بكده وخطية مركبه كمان على صحتى وعلى فلوسى وكل ده لكن ده برضو ميمنعش ان علاقى بربنا سيئة للدرجة اللى قلتوا عليها انتو حسستونى انى هدخل النار وانا بحاول وربنا يدينى قوة ويساعدنى
وربنا بيقول من منكم بلا خطية . سورى على الكلام الكتير وده علشان الموضوع جامد .. ميرسى ليكم

[jesus's girl]

انت فهمت كلامي غلط يا سنفولي بوي اانا مقولتش ان المدخنيني هيدخلوا النار اناا قولت ان كده هما بيتعبوا جسدهم اللي المفروض يحاولوا يحافظوا عليه عشان يقدروا يجاهدوا حتي انت قولت انها مضرة علي صحتك


شكرا لمرورك ومنتظرين باقي الاعضاء للمشاركة

[sinfulboy]

شكراااا للتوضيح !!!؟؟

[jesus's girl]

العفوووووووووو

يلا يا شباب انا عاوزة باقي الاعضاء يشاركوا معانا وعاوزة اعرف ان خل تصرفتنا تدل اننا ولاد للمسيح ولا لاء وايه هي التصرفات دي وازاي نقضي عليها ؟؟؟؟؟؟؟؟؟؟؟؟؟؟

[بيبو نبيل]

الموضوع جميل الرب يعوض تعب محبتك
اكيد ولاد ربنا لهم شكل مميز بالرغم ان بعض البنات بتلبس ملابس لا تليق
وبعض الشباب يدخنون0000لكن كل هذه الاشياء قشور خفيفة سرعان ما تزول ويظهر اولاد ربنا00000حتى لو اخطانا بسرعة الهنا بيرشدنا للصواب وبنرجع000000

[mrhany]

أنظروا الى نهاية سيرتهم و تمثلوا بايمانهم