pinknora
05-06-2008, 09:51 PM
انا هقولكم معجزة حصلت مع شخص من الشباااب من حبيبى مارجرجس ومعجزة غاية فى الروعة وبسببها اهو
لسه عايش حتى الان" يحكيها علي لسااانه شخصيا "
بدات لما نزلت اسكندرية انا وواحد صاحبى على اساس ان باقى شلتنا هناك بس نزلت لقيت كلوا روح ماعدا تلاتة راحوا دير القديس العظيم مارمينا العجايبى صاحبى اللى معايا قالى تعالى نروح الدير وهناك معارفنا كتير نقعد يوم او اتنين ونرجع تانى
ساعتها للاسف رفضت وربنا ادانى درس جامد
قلتله لا يا حبيبى انا مش جاى اروح اديرة انا عايز اتفسح مش بروح اديرة انا المهم اقنعته اننا ننزل البحر وبعدها نشوف باقى اليوم نقضيه ازاى صاحبى لما سمع كلامى قالى مارمينا هيغرقك
قلتله طب يلا يا عم القديس وقعدت اتريق عليه ما صدقتوش الا لما غرقت
وانا نازل البحر واحد جه يجرى عليا وقالى وراك حفرة وبتعمل دومات ما تبعدش عن الشاطى وتعالى يمينك شوية
قلتله اوكى ومن هنا لهنا سرحت فى المية لغاية ما البحر هاج وجت امواج شديدة ورجعت ورا خالص وكان السحب عالى جدا فى اليوم دا حاولت انى اعوم واخرج نفسى بس كان بدون اى منفعة بالعكس انا دخلت اكتر وصلت لمرحلة بعيدة جدا عن الشاطىء لدرجة ان بتوع الانقاذ قالوا لصاحبى انى مش راجع كدا وصاحبى قعد يصرخ ويعيط على اساس انى ميت ميت
نزلت مرة فى المية انى الاقى ارض تحت مش لاقى حاجة طلعت تانى وصرخت باعلى صوت فيا
يـــــــــــارب يــــــــــــــــــــــــابـــــــــــــــطـــــــ ــــــــل يا سريع الندهه ............ز
ونزلت بعد ما تعبت ويأست انى ممكن اخرج واعيش تانى
فضلت انزل كتير جداااااااا وفترة كبيرة فى الحفرة دى ومش لاقى اى ارض جنبى او تحت
اسمع ان اللى بيموت غريق او محروق بيشوف قصة حياته ودا حصل معايا فعلا
انا افتكرت حاجات كتير اوى كنت ناسيها وافتكرت ناس كتير وافتكرت كل حاجة وشفتها من يوم ما اتولدت لغاية ما جيت البحر ونزلت المية
ساعتها بس سالت نفسى سؤال وكانت اول مرة فى حياتى اساله لنفسى
ازاى هقابل ربنا دى الوقت؟؟؟؟؟؟؟؟؟؟؟؟؟؟
وقلت ساعتها من كل قلبى سامحنى يا يسوع ووقفت مستنى موتى وانا ايدى جنبى ورجلى جنب بعض وبنزل المية من غير اى مقاومة
جت اخر لحظة وهى انى طلعت كل الهوا اللى كان فى جسمى وهشرب مية بقى واموت
بشرب مية على اساس انى اموت لقيت فى هوا داخل صدرى
بفتح عينى لقيت المية واصلة لحد ركبتى والشط فى ضهرى ووشى للبحر
ما فهمتش حصل ايه كل اللى عملته انى خرجت ارتحت شوية على الشط وكل الناس ملمومة حواليا بيطمنوا عليا
حاولت اركز ايه اللى حصلى بردو مش فاهم حاجة
سالت صاحبى انا طلعت ازاى
قالى احنا لقينا شعرك بان فى وسط المية قلنا انك مت وشبعت موت وبعدين راسك كلها بانت وجسمك وايدك جنب بعض ورجلك جنب بعض وبتطلع من المية بضهرك وانت مش بتتحرك كان فى حد بيشدك من المية
فهمت ساعتها ان مارجرجس اللى نديت عليه اتشفعلى عند رب المجد وخلى مارمينا ما يزعلش منى وجم طلعونى من البحر بعد ما كان الموت هى الحاجة الوحيدة اللى قدامى
بركة وشفاعة حبيبى مارجرجس مع كل اخواتى
لسه عايش حتى الان" يحكيها علي لسااانه شخصيا "
بدات لما نزلت اسكندرية انا وواحد صاحبى على اساس ان باقى شلتنا هناك بس نزلت لقيت كلوا روح ماعدا تلاتة راحوا دير القديس العظيم مارمينا العجايبى صاحبى اللى معايا قالى تعالى نروح الدير وهناك معارفنا كتير نقعد يوم او اتنين ونرجع تانى
ساعتها للاسف رفضت وربنا ادانى درس جامد
قلتله لا يا حبيبى انا مش جاى اروح اديرة انا عايز اتفسح مش بروح اديرة انا المهم اقنعته اننا ننزل البحر وبعدها نشوف باقى اليوم نقضيه ازاى صاحبى لما سمع كلامى قالى مارمينا هيغرقك
قلتله طب يلا يا عم القديس وقعدت اتريق عليه ما صدقتوش الا لما غرقت
وانا نازل البحر واحد جه يجرى عليا وقالى وراك حفرة وبتعمل دومات ما تبعدش عن الشاطى وتعالى يمينك شوية
قلتله اوكى ومن هنا لهنا سرحت فى المية لغاية ما البحر هاج وجت امواج شديدة ورجعت ورا خالص وكان السحب عالى جدا فى اليوم دا حاولت انى اعوم واخرج نفسى بس كان بدون اى منفعة بالعكس انا دخلت اكتر وصلت لمرحلة بعيدة جدا عن الشاطىء لدرجة ان بتوع الانقاذ قالوا لصاحبى انى مش راجع كدا وصاحبى قعد يصرخ ويعيط على اساس انى ميت ميت
نزلت مرة فى المية انى الاقى ارض تحت مش لاقى حاجة طلعت تانى وصرخت باعلى صوت فيا
يـــــــــــارب يــــــــــــــــــــــــابـــــــــــــــطـــــــ ــــــــل يا سريع الندهه ............ز
ونزلت بعد ما تعبت ويأست انى ممكن اخرج واعيش تانى
فضلت انزل كتير جداااااااا وفترة كبيرة فى الحفرة دى ومش لاقى اى ارض جنبى او تحت
اسمع ان اللى بيموت غريق او محروق بيشوف قصة حياته ودا حصل معايا فعلا
انا افتكرت حاجات كتير اوى كنت ناسيها وافتكرت ناس كتير وافتكرت كل حاجة وشفتها من يوم ما اتولدت لغاية ما جيت البحر ونزلت المية
ساعتها بس سالت نفسى سؤال وكانت اول مرة فى حياتى اساله لنفسى
ازاى هقابل ربنا دى الوقت؟؟؟؟؟؟؟؟؟؟؟؟؟؟
وقلت ساعتها من كل قلبى سامحنى يا يسوع ووقفت مستنى موتى وانا ايدى جنبى ورجلى جنب بعض وبنزل المية من غير اى مقاومة
جت اخر لحظة وهى انى طلعت كل الهوا اللى كان فى جسمى وهشرب مية بقى واموت
بشرب مية على اساس انى اموت لقيت فى هوا داخل صدرى
بفتح عينى لقيت المية واصلة لحد ركبتى والشط فى ضهرى ووشى للبحر
ما فهمتش حصل ايه كل اللى عملته انى خرجت ارتحت شوية على الشط وكل الناس ملمومة حواليا بيطمنوا عليا
حاولت اركز ايه اللى حصلى بردو مش فاهم حاجة
سالت صاحبى انا طلعت ازاى
قالى احنا لقينا شعرك بان فى وسط المية قلنا انك مت وشبعت موت وبعدين راسك كلها بانت وجسمك وايدك جنب بعض ورجلك جنب بعض وبتطلع من المية بضهرك وانت مش بتتحرك كان فى حد بيشدك من المية
فهمت ساعتها ان مارجرجس اللى نديت عليه اتشفعلى عند رب المجد وخلى مارمينا ما يزعلش منى وجم طلعونى من البحر بعد ما كان الموت هى الحاجة الوحيدة اللى قدامى
بركة وشفاعة حبيبى مارجرجس مع كل اخواتى