المساعد الشخصي الرقمي

مشاهدة النسخة كاملة : الطفل الفافي و الطفل البيئة.

medhat atef
03-20-2009, 01:52 AM
الطفل الفافي)و (الهاى لايف) :

1-الولد من دول يصحى على صوت الكناري اللي في اوضته ....
- سو سو سو سو .... -

2-يدخل الحمام ياخد شاور .... ويغسل شعره بشامبو من ايطاليا .... ويحط جيل بالمرز من فرنسا ويغسل سنانه بمعجون سيجنال تو .....
- بيتفرج على الام بي سي كتيييييييييييير -

3- يطلع من الحمام يلاقي الداده مستنياه بفوطه من حريييييير .... وتلاعبه وتهزر معاه بالانجليزي ....
- الداده معاها دكتوراه من جامعة اسفخص في لندن -

4-يخش على اوضته ... ويفتح الدولاب ويطلع منه هدومه المكويه واللي ريحة اريال باينه فيها .....
- اريال .... نسيم الصباح -

5- يجيب جزمته من الجزامه ... اللي مليانه جزم وكوتشيهات ... وسبوووز .....
- تقولش دخلت محل لطفي أو توكيل تمبرلاند -

6- ينزل يفطر مع مامي ودادي ... والفطار كورن فليكس بطعم الستروبوري او الشوكولات ....
- كورن فيليكس كلووقز .. مش بسكو مصر -

7- يسلم على مامي ويبوسها بعد ماتكون حطتله ديناربوكس بتاعه وفيه .... ساندوتشين تشي****ر و كيس شيبسي و عصير جهينه او ايزي موزوو
- ايزي مووزو !!!! فاكرين الاعلان ده ؟؟؟ -

8- يسلم على دادي اللي يديله البوكيت موني بالدولار ..... مش يعرفو حاجه اسمها جنيه طبعا
- جنيه ؟؟؟؟ دي عملة انكردت من زمااان -

9- يطلع من البيت بعد الداده ماتلبسه الشنطه بتاعة الكتب على ضهره ..
- بنشوف الشنطه دي مع الخواجات في شرم وبس -

10- يركب الباص بتاع السكول .... ويشاور (باي باي) للداده ولمامي ... ويركب مع زمايله ويغنو بالانجليش او الفرينش .....
- فريدرو جاكو .... فريدرو جاكو ... هايللبّووه -

*الطفل البييييئه :

1- دييييييييب .... اخوه رمى عليه طوبه عشان بقاله ساعتين بيصحي فيه ... وهو ولا هنا ...
- طبعا .. مقضيها صرمحه في الشارع للفجر -

2- العيال دي ماتعرفش اختراع اسمه (غسيل الوش بعد ما تقوم من النوم) .... هم شوية خناق مع اخواته ويبقى صحصح على الآآآآآآآخر ....
- بدل تمارين الصباح ... رياضه برضه -

3- طبعا بعد الخناق ده بيبقى جعان ... تلاقيه بيحوم في الشقه ويدوّر في المطبخ على اي حاجه .... انشالله صرصار .. برضه هاياكله من الجوع
- عشان كده ماتلاقيش في بيتهم صراصير -

4- بعد ما يحط في بطنه اي حاجه في رغيف ... يدور على اي حاجه يلبسها .... القميص مرمي تحت السرير ... ويقلع اخوه الصغير البنطلون بتاعه وهو نايم ...
- هدومه كلها مكرمشه ... تقولوش طالعه من بق *** -

5- طب وبعدين .... ساعتين بيدور على الجزمه ... مش عارف رزعها فين ... واخوه الكبير خارج من البيت حافي كمان عشان مايقولش انه خدها ... افتكر اخيرا انه حاطط فرده منهم فوق الدولاب .... والتانيه ... تحت التلاجه !!!!!!
- طبعا ما يعرفش اختراع اسمه الشرابات -

6- دلوقتي معاد حرب كل يوم ..
: ماما ... انا عايز مصروفي
: مصروف ايه ياااااض ... انت مش واخد امبارح .. ولا كل يوم مصروف مصروف
: يعني مافيش اي حاجه ؟؟؟
: في دي ..... دييييب ...
- ضربة بالحله على نافوخه -

7- الباشمهندس الصغير .... مايعرفش فين كتبه ولا كشاكيله اصلا .... عشان كده ... خد اي كتاب موجود في البيت على اي كشكول ....
- مايعرفش يعني ايه قلم .... غير اللي بياخده على قفاااه -

8- هايروح مدرسته ازاي ؟؟؟ طبعا اي ميكروباز او عربيه نقل وقضيها شعبطه ....
- لياااااااااااااااااااااااا
ااااقة





صلوا لاجلي
jesus's girl
03-20-2009, 02:09 AM
- الداده معاها دكتوراه من جامعة اسفخص في لندن


بجد هههههههههههههههههههههههههههههههههه

رووووووووووووووووووووووووووعة بجد يا مدحت
وخصوصا دييييييييب دي فظيعة

ربنا يعوض تعب محبتك
meno
03-20-2009, 05:04 AM
شكرا يا مدحت على الموضوع الجامد ده بجد عجبنى
medhat atef
03-20-2009, 09:31 AM
شكراااااااااااا يا تويتي علي ردك وتعليقك الجميل والحمد لله انها عجبتك

شكراااا يا مينو علي ردك
المصرى الأصيل
03-20-2009, 03:29 PM
http://i245.photobucket.com/albums/gg46/ash_ash_020/thanks/36134.gif



http://i245.photobucket.com/albums/gg46/ash_ash_020/thanks/36134.gif


عسل يا مدحت بجد الله يسامحك فكرتنى بالذى مضى شكرا ليك يا حبيبى المسيح يباركك
little angel
03-20-2009, 06:02 PM
- الداده معاها دكتوراه من جامعة اسفخص في لندن


هههههههههههههههههههههههههههههههههههههههههههههههههه ههههههههههههههههه....مش قادرة بجد يا مدحت ....جاااااااااااااااااااامد مووت بجد.....ميرسي ليك الرب يبارك حياتك
medhat atef
03-20-2009, 07:39 PM
ههههههههههههههههههههههه هو ايه الذي مضي بالظبط يا استاذ ثروت

شكرا علي مرورك الجميل

شكراااااا يا توتا علي مرورك وردك الجميل

صلوا لاجلي
ميكو
03-20-2009, 08:31 PM
ميرسى ليك يا حبى بجد جامد
medhat atef
03-20-2009, 09:12 PM
شكرااااا يا ميكو علي مرورك الجميل

ربنا يباركك
joseph
03-20-2009, 10:44 PM
يارب سلام
شكرا مدحت على الموضوع هو مضحك ومبكى فى نفس الوقت انه للاسف
الشخصيتين دول موجودين بالفعل بينا
ربنا يرحمنا
ربنا يباركك ويبارك خدمتك
صلى من اجلى
medhat atef
03-20-2009, 11:11 PM
شكرااااااا يا جوزيف علي مرورك

ربنا يباركك
حبيب البابا
03-21-2009, 04:43 AM
هههههههههه
موضوع جامد يا مدحت
medhat atef
03-21-2009, 10:39 AM
شكرااااااااااااا جدااااااااااااا يا جوزيف علي مرورك وردك

ربنا يباركك