اللعب بالمشاعر

[حبيب البابا]

اللعب بالمشاعر


بقت موضة وانتشرت قوى
تلاقى الشاب على علاقة باكتر من فتاة وكل واحدة يقنعها انه بيحبها وميقدرش يستغنا عنها ويكون قال الكلام دا لغيرها كتير.
ومش شرط يكون على علاقة باكتر من فتاة فى وقت واحد لكن كل فترة ليه فتاة ويسمعها نفس الكلام, الكلام الى قالها لغيرها كتير؟
ايه رايكم فى الكلام ده صح ولا انا بتجنا عليهم هو اللعب بالمشاعر سهل كدا
(خلاص المشاعر بقة لعبة ومفيش احترام ليها؟ )
هل فى كمان بنات بتلعب بالمشاعر ولا لا؟
واه اللى ممكن ننصح به البنات " خصوصا اننا مهما قلنا مش بيصدقوا او مش عاوززين يصدقوا ان دا لعب بمشاعرهم؟

عاوز اسمع ارائكم ومشاركتكم..

[jesus's girl]

مش عارفة بجد يا جاكو حقيقي فعلا المشاعر بقيت بالنسبة ليهم امر سهل

بس الموضوع ده بيحصل عشان الشاب بيبقي في امر انه مش قادر يختار ولا يحدد هو عاوز مين بالظبط
وفي نفس الوقت مش قادر يفضل واحدة عن التانية وبيبقي عنده الانانية انه مش عاوز يفقد حد فيهم ...


الموضوع هنا بيبقي انه لازم يبقي عنده قرار نهائي هي دي البنت اللي اختارها بحلوها وعيوبها لانه هو كمان في عيوب ومميزات وفي نفس الوقت لما يجي يقرر يكون فعلا باصص انه هيكمل معاها وان دي اللي هتبقي شريكة حياته مش سايب الموضوع كده وخلاص لانه كده هيبقي من السهل انه يحب غيرها وسهل كده انه يعلب بمشاعرها وبصراحة الاحساس بالمشاعر من اسمي ميزات الحب


واصعب حاجة ان البنت تبقي حاسة ان اللي بتحبه بيحب غيرها ... هنا الولد بينزل في نظرها جدااااااااااااا


موضوع جميل بجد يا جاااااااكو ربنا يباركك

[حبيب البابا]

انا معاكى يا ميرنا دا مش تجنى فى شباب كتير كدا بهدف التسلية وقضاء وقت ممتع وهو مش خسران حاجة
لأن المشكلة ان الشاب بيشوف انه يعرف بنات كتير دا مش يعيب فيه بالعكس يتقال عنه مقطع السمكة وديلها ويتباه قدام اصحابه ان البنات بتحبه.

يا ريت كل الأعضاء تشارك وتقول نحل المشكلة دى ازاى

........
ميرسى لمرورك ميرنا
ربنا يبارك حياتك

[medhat atef]

هو ممكن يكون الشاب يا جاكو اتعلق ببنت معينة وبعد مدة مش طويلة شاف بنت تانية وعجبته اكثر من الاولي بس برده مش عاوز يسيب الاولي. النوع الي انا اتكلمت عنه ده لايمكن يكون حب البنت الاولي بجد وهيغير التانية زي الاولي وكذلك التالتة والرابعه انما لو كان بيحب واحدة بجد لايمكن اي بنت تانية تملا نظره

اسف اني طولت

موضوع جامد بجد يا جاكو

ربنا يباركك

[حبيب البابا]

ميرسى كتـــــــير مدحت لمرورك الجميل
ربنا يبارك حياتك

[حبيب البابا]

هل الأسباب التى تدفع الأولاد بالتسلية بالبنات واللعب بمشاعرهم هى نفس الأسباب التى تدفع البنات للعب بمشاعر الأولاد، أم فى أسباب أخرى؟
ومين اللى بيلعب بمشاعر الأخر أكثر الولد أم البنت؟
تعالو نتناقش مع بعض ونشوف الحلول
................
مستنى مشاركتكم وأرأكم