قالولى انى هاموت

[wwwmickail]

قالو انى هاموت


قلت لهم ومالوا


قالولى سيبك منه... وهنديك كل غالى


قلت لهم اسيبه ازاى دا مات بدالى


ازاى اسيبه واروح للتانى


قالولى دا شوبه ليك انه الفادى


قولت لهم وماله احسن ما يكون التانى


قالولى قصدك ايه دا حبيبنا هو الغالى


قولتهم غالى عليكم انتم سبونى امشى فى حالى


قالولى هو دخول الحمام زى خروجه يا غالى


قالولى لازم تغير لحسن تكون ماضى


ياريت اكون ماضى دا انا كده هكون فى حضن الفادى


أتغاظوا منى واحمرت عيونهم وبدأو يهينو الفادى


قولتهم حرام عليكم دا هو سر بقائى


قالولى خليه ينفعك


قولتلهم أكيد هينفعنى لانى هيجى تانى


وايد واحد أتمدت وأصبح وجهى لون تانى


لون وجه يسوع لما مات علشانك وعلشانى


وفضلت صامد لما مد ايده ونجانى


وسمعت واحد بيقول


ياعم سيبه دا معتش فيه رجا تانى


قلبى فرح وعرفت وقتها ان يسوع مد ايده ونجانى


صدقونى ربى صادق وبيوفى وعوده علشانى


كفايه انه نجانى


وخلانى احمل اسمه فى ظل العالم الفانى


واتعهد انى هكون مسيحى بقلبى وافعالى


وصلوا معايا يا اخوانى ان ما نقع فى تجارب تانى



مهداه لكل مضطهد فى المسيحيه