كلة للخير لتكن مشيئتك

[بنت البابا]

كله للخير....لتكن مشيئتك

كتير مبنبقاش عارفين ليه ربنا مش بيحقق لينا كل الى احنا عايزينه
ونقوله ليه يارب
القصة البسيطة دى هتعلمنا
ازاى نقول دايما لتكن اردتك ياالهى

كان فى ملاكين بعتهم ربنا علشان يوصلوا رساله معينه لعائلتين عل الارض

العائلة الاولي غنيه
والتانيه فقيرة

والملاكين كان في واحد منهم اول مرة ينزل الارض

فزاروا الاول العائله الغنيه فا استضافوهم في بدروم الفيلا

ولما الملاكين جاعوا ادولهم خبز جاف علشان يكلوه

والصبح قبل مايمشي الملاكين

الملاك الكبير لقي سقف البدروم بايظ فصلحه

وبعد كده راحوا عند العائله الفقيرة
فا استضافوهم في احسن حته في البيت
وكمان وقدمو ليهم احسن اكل

والصبح لما صحيوا لقوا جاموسة الراجل ماتت

فاتعجب الملاك الصغير وقال للملاك الكبير يعني الناس الفقرا اللي استقبلونا احسن استقبال تموت الجاموسه بتاعتهم

والناس الاغنياء صلحتلهم السقف

فرد الملاك الكبير وقاله
انا صلحت السقف للراجل الغني لان تحته كان في سبيكه دهب وانا مكنتش عايزصاحب الفيلا يعرف مكانها لانه غير امين علي عطية الغني

واما الراجل الفقير فماتت جاموسته لان ملاك الموت جه بليل علشان ياخد روح مراته فانا قلتله لا
وخليته يموت الجاموسه
عرفنا ليه ربنا مش بيحقق لينا كل الى بنطلبه منه
لان ربنا دايما شايف الى مش شايفة عنينه

وهو بيدبر حياتنا كما يليق للى هو بيشوف فى خير لينا ...يمكن وقتها مش بنفهم ده وبنحسان ربنا مش بيسمعنا لكن مع الوقت بنحس ان كله للخير
ياريت نسلم حياتنا فى ايد ربنا ونقوله لتكن مشيئتك يا رب

منقوووووول

[المصرى الأصيل]

رائعة جدا والمغزى واضح جدا من القصة الرمزية وهى اننا كل واحد فينا لابد أن يسلم قيادة نفسه بالكامل سواءعواطف وأفكار ومستقبل وكل شىء للسيد المسيح، وأنه يكون القائد الوحيد لسفينة حياته. وان الانسان يسلِّم إرادته بإرادته لله، فتتحد إرادة الإنسان بإرادة الله، ويضمن الإنسان سلامة مسيرته.. عشان نعيش الاية الجميلة اللى وردت فى (أع 15:27). "سلمنا فصرنا نحمل "
ربنا يعوضك ويبارك فى خدمتك

[jesus's girl]

قصة جميلة جداااااااا وهدافها جميل اوي وفعلا كله للخير ميرسي يا بنت البابا ربنا يباركك

[fofa]

لتكن ارادتك يارب فى كل شىء لانك انت اللى خالقنا وعمرك ماهتختارلنا حاجة تضرنا لاننا منقوشين على كفك .ميرسى موضوع حلو اوى

[فرفوره]

فعلا القصه جميله ومعناه جميل جدا فعلا لما بنطلب من ربنا ولم تنفذ في الحال نقول ربنا مش معنا ولكن هو بيختار لينا في الوقت المناسب لتكن مشيئتك يارب مش بالكلام ولكن بالفعل
ربنا يعوضك ويبارك فى خدمتك

[بنت الانبا تكلا]

لتكن مشيئتك يا رب

اشكرك بنت البابا على التأكل الرائع وربنا يعوضك ومنتظرين المزيد

[وحيد جرجس]

قصة معبرة و هادفة.الرب يبارك خدمتك:
نشكر اللهة لان كل الاشياء تعمل معا للخير .للذين يحبون الله الذين هم مدعوون حسب قصده "رومية 8 _28"
عندمتا يمنع الله اشيباء نظن انها هامة فالمنع للخير .
مثال على ذلك يوسف ابن يعقوب .جاء إلى اخوته فقلعوه لاقميص الملون اين الخير فى ذلك .و رموه فى الجب اين الخير فى ذلكو بيع الى الاسمعلايين اين الخير فى ذلك ؟
و واتهم ظلما فى بيت رئيس الشرط و رمى فى السجن اين الخير فى ذلك؟
و عندما فسر الحلم للساقى و الخباز و طلب من الساقى ان يذكره امام فرعون نسيه الساقى مدة سنتين .اين الخير فى ذلك؟
لكن بعد ذلك ظهرت الله انها كانت خطة كلها خير ليوسف بل و البشرية كلها فى ذلك الوقت.
فقط علينا ان نسلم الارادة الشخصية للرب و يكون شعار حياتنا لتكن مشيئتك .فنشعر بالراحة و السلام فى كل الظروف.
لاتخف من المستقبل لان الرب يعد لكو الرب يبارك حياتكم
وحيد جرجس