مش انت اللى مصرى؟؟ جتك القرف

[white_heart]

[SIZE="4"][COLOR="DarkOrchid"]
عشان انت مصرى لازم تعانى

وتفقد كرامتك بكل المعانى

وتحرق فى دمك سنين مش ثوانى

واوعى تصدق كلام الاغانى

بتاع الحضاره وكانى ومانى

ده كله هجايص مايدخل ودانى

عشان انت مصرى العذاب بيناديك

بتبدا فى يومك حاجات بترازيك

فى نومك فى قومك تعكنن عليك

تضايقك ولسه العماص فى عينيك

مافيش ميه تشطف صابونه فى ايديك

وجسمك ملزق وريحتك عاديك

فتلبس وتنزل وفيك اللى فيك

ورايح لشغلك حتحتاج مواصله

ادى المترو واقف وكهربته فاصله

وفى الميكروباص خناقه وحاصله

اوتوبيس فرامله عايزالها وصله

وتوك توك ده تايه ومحتاج لبوصله

بتوصل لشغلك بدم اتحرق

فى زحمه وكتمه وحر وعرق

رئيسك سايبلك كومه ورق

ده غير دمغه ضايعه وملف اتسرق

وفى كام مواطن عامللك قلق

بيشكى تقول له روح اندعق

وعركه وهوجه وشاى اندلق

ومخك خلاص من الصداع اتفلق

هترجع لبيتك ده لو كان فى بيت

هتوصل هتندم ياريتك ماجيت

مراتك بتصرخ خلاص استويت

عيالك بتطلب وهات كيت وكيت

تزعق تهاتى ياناس اتهريت

ولاحد سامعك مهما هاتيت

عشان انت مصرى وده للاسف

فلازم تاسى تعيش تتقرف

وكل الاساسى فى حياتك ترف

فتنسى الكرامه وتنسى الشرف

وتسرق وتنصب او تنحرف

ودمعك بيجرى وجرحك نزف

مش انت اللى مصرى؟؟؟ جتك القرف

هههههههه

[jesus's girl]

وتعد علي الرصيف وتشرب حشيش يجيلك الشويش تقولوا معنديش
حياة حــــــــــــــلــــــــــوة مفيش ومفيش حتي ربع جنيه بقشيش

دي من عندي هدية ليكي يا توتا والصراحة كلمة مصري تتفسر كالاّتي ( م = مش طايق نفسي .... ص = صبرني يارب .... ر = ربنا علي الحكومة .... ي= ياريتك يا ماما ماتجوزتي بابا )

[بولا رفقى]

انا مصرى وابن مصرى
هههههههههههههههههههههه وبحب مصر

[ابن البابا]

مرسى ليكم يا بنات حلوه اوى الموضوع
جامد ههههههههه

[بنت الانبا تكلا]

صدقوني البلد دي احسن من غيرها

[yoyo2008]

يا جماعة حال البلد وحش انما هى فى الاساس حلوة جدا وشوفوا المسيح قال ايه
( من مصر دعوت ابنى ) والموضوع حلو والمشركات جميلة وشكرا ليكى يا تريزا
وياريت يا جماعة الكل يقول وجهة نظره

[ابانوب]

البلد دى احسن من غرها وعلى راى المثل من خرج من دارة اتقل مقدارة

[Mero_love]

عندك حق صدقني يا ابانوب
ميرسي ليكي يا توتو يا قلبي
الموضوع جميل ربنا يخليكي ليا يا قلبي
ربنا يباركك ويحافظ عليكي

[white_heart]

ميرسى لردكم الجميل
تويتى العثل
بولا
ارسانى
سونسون
يويو
ابانوب
لولو
بجد ردودكم زى العسسسسسسل
ربنا يبارككم

[pinknora]

جميل جدا الموضوع يا توتا بس كدة الناس هتنتحر

انا بحب البلد بجد بس لو الناس يبقى عندها ضمير شويه

وشويه تعليم مش تعيلم ومدارس بس ياما ناس متعلمه بس يا خساره عقولهم تعبانه

ربنا يستر علينا

ميرسى يا جميل

[fredyfire]

مرسى على الموضوع الجميل

[jesus_4ever]

شكرا ليكى يا توتو وعندهم حق طبعا محدش يقدر يبعد عن مصر

[free]

تريزا بجد انتى كداا

ميرسى ليكى

[white_heart]

ميرسى ليكووووووو
ربنا يحميكوو