هديتى للمرحومة أمى

[ابن الدموع]

(ava22)إهداء لروح المرحومة أمى الغالية

فى عيدك ياست الكل
أبعت لك فى السما مليون عقد فل
و أقولك وحشتينى .
أنا نفسى أموت لجل ما فى وشك أطل
أترمى فى حضنك و أصرخ وأقول للكل
أمى الحبيبه اللى تستحمل الضيقه عشانى
ياناس دى ماما هى أول كلمه نطقها لسانى
حضنها الدافى بس هو اللى بيدينى أمانى
مهما بعدت عنها بلاد لكنها سمعانى
ده حتى وهى فقبرها كلامها بيرن فى ودانى
سامعها تدعيى لربنا يحقق لى كل أمانى
و فى أى ضيقه أمر بيها هى بتملىء كيانى
دى هى اللى تحس بأى حاجه مألمانى
رضاها عنى الحاجه الوحيده اللى نافعانى
من بعدك ما فى حاجه فى الدنيا فايدانى
دا حتى كلمة ماما كل حروفها معانى
يارب عزى كل اللى من موت أمه بيعانى
أنا نفسى أشوفك بس الحياه هى اللى منعانى
فى عيدك النهارده بقدم لك أجمل التهانى
يارب خلى لكل وليد فى الدنيا دى أمه
تخده فى صدرها تدفيه و هى بتضمه
مفيش غنى عنها دى الدنيا من بعدها تغمه

[ابن الدموع]

إنتى مش بس حبيبة دا إنتى ست الحبايب
و الحكاية مش غريبة إن فيكى قلبى دايب
إيدك الطاهره تمر فوق جبينى تطمنينى
كنت بتقول لى دايما إنت كبدى ونن عينى
إنتى اللى تحسى بيا مهما‘كنت بعيد عليكى
كل ليله تسهرى لحد ما أرجع تانى إليكى
حتى أكلك حتى ‘شربك كنت بتسيبيه عشانى
بعد دا كله ياأمى مهما أعمل هفضل أنانى
أنا مش جاى فى عيدك لجل ما أقدم هدية
أنا جاى بس أوفى جزء ليكى من عليه
دا أنا لو هقدم لك سنين عمرى اللى جايه
مش راح أوفى جزء من دينك ياغاليه
أدعى لربى بكل قلبى تفضلى بصحه هنيه
و إنهيها بكلمه حلوه ربنا يخليكى ليه

[marmora2008]

بجد كلامات جميلة جداااااااااااااا وفعلا ربنا يقوى ويعزى اى حد محروم من مامته
كل سنة وكل امهتنا بخير وصحة وطيبة ويارب يخليهوم لينا ومنتحرمش منهم ونفضل نجننهم على طول
ربنا يبارك حياتك ويملاك بسلام يا ابن الدموع

[jesus's girl]

يارب عزى كل اللى من موت أمه بيعانى
أنا نفسى أشوفك بس الحياه هى اللى منعانى
فى عيدك النهارده بقدم لك أجمل التهانى
يارب خلى لكل وليد فى الدنيا دى أمه

بجد موهبة جميييلة جدا وكلمات حساسة وجميلة جدا واكيد كلنا معانا ام النور بحنانها مكفيانا

[nanajesus]

سامعها تدعيى لربنا يحقق لى كل أمانى
بجد كلمات واحساس رااااااائع موووووووووت ربنا يبارك خدمتك يا ابن الدموع ويملا حياتك فرح وسلام بماما العدرا وبابا يسوع الى معطى الفرح الابدى والامان الحقيقى للابد ميرسى جدا للموضوع الرااااائع.

[sasso]

أنا مش جاى فى عيدك لجل ما أقدم هدية
أنا جاى بس أوفى جزء ليكى من عليه
دا أنا لو هقدم لك سنين عمرى اللى جايه
مش راح أوفى جزء من دينك ياغاليه


كلمات رقيقة وجميلة
كل سنة وكل ام فى الدنيا طيبة وبخير
ربنا يعزيك يا ابن الدموع

[المصرى الأصيل]

إهداء لروح المرحومة أمى الغالية
يارب عزى كل اللى من موت أمه بيعانى
أنا نفسى أشوفك بس الحياه هى اللى منعانى
فى عيدك النهارده بقدم لك أجمل التهانى
يارب خلى لكل وليد فى الدنيا دى أمه
تخده فى صدرها تدفيه و هى بتضمه
مفيش غنى عنها دى الدنيا من بعدها تغمه




ربنا يبارك فى موهبتك الجميلة اخى الغالى وكل سنة وكل ام طيبة وبخير واللى ماما مش موجودة فيه ماما العدرا هى امنا كلنا

[MrMr]

جميله اوووووووووووى بجد
كلماتها حلوه اوى
ربنا يباركك