المساعد الشخصي الرقمي

مشاهدة النسخة كاملة : الحقيقة انت ابن مين ؟

ابن الدموع
03-22-2010, 04:55 PM
من زمان عايش فى ضيقه
و جربت مليون طريقه
بس قول يجى من دقيقه
عينيا شافت الحقيقة
و الحقيقة أنى شارد
أصلى عايش من غير موارد
أللى رايح أد اللى وارد
و العيال صحبة تقيلة
همهم عاوزين مصارى
ومين بيهم اللى دارى
كل يوم أشكيله حالى
غيرلى بقه الوظيفه
دى الحكومة مهيألى
كل شىء على أد حالى
بس هي محتجالى
أطول بالى عليها
هيا راح تبنى القصور
و توزعها كا النذور
بس اللى هيجى دوره
هيا بيه تبقى كفيله
و الكفيله مأكلانا
و غموسنا من أسانا
وهى برضه مشربانا
ميه فى غاية النتانه
و النتانه طبع فينا
بس غالب من سنين
لما يجى الدور علينا
نجرى عالرجل اليمين
دا كلام ناس مؤمنين
مؤمنين ما ممؤمنينشى
بص على الرجل اللى تمشى
اصلها ما بتنتقمشى
هيا فاضيا يامؤمنين
هيا بتلم الغلال
لجل تزود تل مال
ويمكن تقتل العيال
و تحلف أنه مال حلال
ده من دم المشفوطين
و المشفوطين دول يبقوا إحنا
بس ياريتنا ما كونا بوحنا
دى الكفيلة راح تجيبنا
من قفانا متعلقين
متعلقين أو منفوخين
ودا كان بيهم مين
بعد دا كل اللى حكيته
لسه فاكرإنت تبقى
إبن مين ؟؟؟؟؟؟
jesus's girl
03-22-2010, 05:22 PM
دى الحكومة مهيألى
كل شىء على أد حالى
بس هي محتجالى
أطول بالى عليها

بجد جميييييييييلة جداااااا ربنا يبارك في موهبتك
nanajesus
03-24-2010, 11:20 PM
بجد ربنا يبارك خدمتك الراااائعة وموهبتك الجميلة دى تحفة مووووت ربنا يبارك خدمتك يا ابن الدموع .
dede love jesus
04-06-2010, 01:02 AM
بجد تحفه ربنا يبارك في موهبتك
المصرى الأصيل
04-06-2010, 01:06 AM
شكرا ابن الدموع ربنا يبارك فى موهبتك بس متنساش لو 12 : 7
(بل شعور رؤوسكم ايضا جميعها محصاة.فلا تخافوا انتم افضل من عصافير كثيرة.)