ابنك بيموت [الأرشيف] - منتديات الانبا تكلا هيمانوت

elebn-eldal

03-31-2010, 07:34 PM

يا رب انا زعلان ,يا رب انا تعبان
يا رب انا حيران , يا رب انا سرحان
يا رب انا بردان , فينك يا ينبوع الحنان

لينا فتره متكلمناش , وانا سيبتك ومشيت خجلان
هو انتا صحيح نسيتني , ولا انا غلطان

اه انا عايش بس انا دلوقتي مش انسان
انا بقيت واحد تاني مش انا ابنك بتاع زمان

هما بيجرحوا وانا عامل غفلان
سايبهم يكملوا بس جراحي فيا بدأت تبان

ساكت ليه متتكلم , قلهم دا ابني العنيد
عارفني بتألم , وسيبني ماشي وحيد

مش قادر اوصفلك اللي بشوفه
لو شفته هصعب اكيد عليك
خليني ساكت احسنن
حاسس اني هونت عليك

مستيك متيجي دا انا بموت كل يوم
خلصني من لهيبي , ابنك عايش مظلوم

اشواك في قلبي , اشواك يا ابويا في ابنك
مهما عملت فيك , برده انا بحمل اسمك

بصرخ و ببكي وتعبت مش شايف الطريق
ابنك بيموت و قالك خلصني , فكله القيود

حالتي يا ابويا بقت صعبه , صعبه اوي
اللي بعتك علشانهم , بعوني , جرحوني جرح قوي

زمان كنت رافع راسي وانا معاك
ولما بعتك صدفتي عايش في هلاك

مهما الابن بيتعب ابوه , ابوه برده بتفضل عينه عليه

29-3-2010

بنت سيدنا

03-31-2010, 09:07 PM