lostlove
04-09-2010, 04:31 PM
حكايه ولد
زمان كان في ولد ، بس زي القمر
كان عايش مبسوط ، مكنش في خطر
كان بيحب صحابه ، عمره ماتمنالهم ضرر
كان عايش مع اهله ، كان عايش مع بشر
كان بيرسم وبيألف ، موهبته من الصغر
كان بيعشق الليل ، واتعلم منه السهر
كان بيموت في جده ، بس فرقهم القدر
واهو كبر الولد والدنيا جات عليه
هو لسه طيب ، والناس تسيبه ليه
كبر مره واحده ، الناس كبرت فيه
واتحمل المسئوليه بدري، يعني هيعمل ايه
كان بيشتغل من 1 اعدادي ، علشان ابوه يرضيه
كان بيعمل كل حاجه للناس ، والناس جرحت فيه
قال انا همشي واعرف ناس تانيين
اهو يمكن يمكن يكونوا حنينين
سلم علي ابوه و امه واخواته الاتنين
راح و ذاكر و بقي من ضمن المهندسين
عرف واحده حلوة ، قال هتعوضله السنين
بس الهم وراه وراه ، يعني هيسيبه لمين
لابوه الشقيان، ولا لامه التعبانه، ولا لاخواته الغلبانين
عرف صاحب جدع ، ميتقدرش بملايين
والدنيا فضلت تودي وتجيب فيه شمال و يمين
اشتغل عند ناس قرايبه ، وكانو معاه خاينين
كان بيموت من التعب ، وبياخد منهم ملاليم
كبر و هو عنده 17 سنه و هما مش حاسين
فاكرينو عايش حياتو ، ونايميين مستريحين
وهو ماشي و ساكت ، عايز يشوفهم فرحانين
اصلي اهله و صاحبه و حبيبته ، عليه غاليين
وفي مره واحده وقف ، الحمل زاد عليه
ملقيش حد معاه ، حد حتي يحس بيه
هو مش عايز يشيلهم همه ، هو لو كلمه هترضيه
بدأ يضعف ، الدنيا بأت تلعب بيه
فضل يخسر و يخسر ، ملقاش حد يقويه
بيحاول تاني يكسب ، ادعولو ربنا يديه
اتعلم يمشي لوحده ، طريقه و لازم يمشيه
اتعلم يقول الحمدلله ، بقي عنده ثقه فيه
عرف ان المر اللي في حياته هو اللي بيحليه
ودي حكايه ولد كان نفسه يلاقي نفسه
في وسط ناس كانو هما حياتو، كانو هما نفسه
فضل لوحده في الطريق ، وحبايبه جانبه ماشيين
يقول الاه يسمعو صرخو ، لكن عمرهم مكانو حاسيين
كان معاه صاحب تقدر تقول نصه، وحبيبه تقدر تقول الباقي منه
صاحبه سابه ، حبيبه باعه ، ويوم ميجي يشكي، يلائي صدي صوته بيجاوب
راحو فين الاهل و الصحاب و الاحباب
راحو فين الايام و الاحلام و الحنان
ليه فاضل معايا الاحزان
ليه عقلي دايما في الاوهام
ليه قلبي بيقول حرام
دي حكايته اوعو تبقو زيه
اتعود تقول الحمدلله علي اي حاجه انتا فيها
الدنيا مش وحشه اوي ، في ناس كتير اوي بتعاني منيها
بس الناس دي واثقه في حاجه ، ان ربنا عينو عليها
بنعيش و بنشوف ناس ، منهم كتير اللي بيجي علينا
بس احنا طول عمرنا جدعان ، عمرنا مئزينا حد بأدينا
نام مظلوم متنمش ظالم ، كلمه الدنيا علمتنا ليها
رغم اللي انا شفته ، متأكد اني احسن من كتير فيها
اتعود تقول الحمدلله علي اي حاجه انتا فيها
20-9-2010
9-4-2010
زمان كان في ولد ، بس زي القمر
كان عايش مبسوط ، مكنش في خطر
كان بيحب صحابه ، عمره ماتمنالهم ضرر
كان عايش مع اهله ، كان عايش مع بشر
كان بيرسم وبيألف ، موهبته من الصغر
كان بيعشق الليل ، واتعلم منه السهر
كان بيموت في جده ، بس فرقهم القدر
واهو كبر الولد والدنيا جات عليه
هو لسه طيب ، والناس تسيبه ليه
كبر مره واحده ، الناس كبرت فيه
واتحمل المسئوليه بدري، يعني هيعمل ايه
كان بيشتغل من 1 اعدادي ، علشان ابوه يرضيه
كان بيعمل كل حاجه للناس ، والناس جرحت فيه
قال انا همشي واعرف ناس تانيين
اهو يمكن يمكن يكونوا حنينين
سلم علي ابوه و امه واخواته الاتنين
راح و ذاكر و بقي من ضمن المهندسين
عرف واحده حلوة ، قال هتعوضله السنين
بس الهم وراه وراه ، يعني هيسيبه لمين
لابوه الشقيان، ولا لامه التعبانه، ولا لاخواته الغلبانين
عرف صاحب جدع ، ميتقدرش بملايين
والدنيا فضلت تودي وتجيب فيه شمال و يمين
اشتغل عند ناس قرايبه ، وكانو معاه خاينين
كان بيموت من التعب ، وبياخد منهم ملاليم
كبر و هو عنده 17 سنه و هما مش حاسين
فاكرينو عايش حياتو ، ونايميين مستريحين
وهو ماشي و ساكت ، عايز يشوفهم فرحانين
اصلي اهله و صاحبه و حبيبته ، عليه غاليين
وفي مره واحده وقف ، الحمل زاد عليه
ملقيش حد معاه ، حد حتي يحس بيه
هو مش عايز يشيلهم همه ، هو لو كلمه هترضيه
بدأ يضعف ، الدنيا بأت تلعب بيه
فضل يخسر و يخسر ، ملقاش حد يقويه
بيحاول تاني يكسب ، ادعولو ربنا يديه
اتعلم يمشي لوحده ، طريقه و لازم يمشيه
اتعلم يقول الحمدلله ، بقي عنده ثقه فيه
عرف ان المر اللي في حياته هو اللي بيحليه
ودي حكايه ولد كان نفسه يلاقي نفسه
في وسط ناس كانو هما حياتو، كانو هما نفسه
فضل لوحده في الطريق ، وحبايبه جانبه ماشيين
يقول الاه يسمعو صرخو ، لكن عمرهم مكانو حاسيين
كان معاه صاحب تقدر تقول نصه، وحبيبه تقدر تقول الباقي منه
صاحبه سابه ، حبيبه باعه ، ويوم ميجي يشكي، يلائي صدي صوته بيجاوب
راحو فين الاهل و الصحاب و الاحباب
راحو فين الايام و الاحلام و الحنان
ليه فاضل معايا الاحزان
ليه عقلي دايما في الاوهام
ليه قلبي بيقول حرام
دي حكايته اوعو تبقو زيه
اتعود تقول الحمدلله علي اي حاجه انتا فيها
الدنيا مش وحشه اوي ، في ناس كتير اوي بتعاني منيها
بس الناس دي واثقه في حاجه ، ان ربنا عينو عليها
بنعيش و بنشوف ناس ، منهم كتير اللي بيجي علينا
بس احنا طول عمرنا جدعان ، عمرنا مئزينا حد بأدينا
نام مظلوم متنمش ظالم ، كلمه الدنيا علمتنا ليها
رغم اللي انا شفته ، متأكد اني احسن من كتير فيها
اتعود تقول الحمدلله علي اي حاجه انتا فيها
20-9-2010
9-4-2010