lostlove
04-18-2010, 03:03 PM
لو انتا مسيحي هتبكي
يوم انا من زمان مستنيه ، واول مجيه مهدتش ثانيه فيه
صحيت وابويا عيدت عليه، و بوست ايد امي هتعشيني ايه
واخويا بيلبس لبس العيد ، خليه لبكره نفاجئ الناس بيه
واختي صاحيا مبسوطه ، رايحه معانا الكنيسه علشان نصلي
والليل بيجي ، اوعي تتأخر يا ابني الساعه 12 تكون عندي
حاضر يا ابويا مش سامع حاجه ، الناس بترمي صواريخ جنبي
خلي بالك من نفسك وتعالي انتا واخواتك ، سلام يا ابني
ايه يا ابويا ، ســـــــــــــــــــــــــــــلام يا ابني
فين العيال ، فرحانين ، اعملي العشا شويه وجايين
يلا عيد سعيد عليكم وكل سنه وانتو طيبين
ومره واحده بيتغير المشوار، ونسمع صرخه مرار
وناس بتخبط علي الدار، الحق عيالنا مضروبه بالنار
بيجري وهو ملهوف ، وكان بيموت من الخوف
هو انا ابني ماله ، قلبه عليه مخطوف
عمري مشوفت كده ، بس اللي يعيش ياما يشوف
ويبص لابنه يلاقي الدم ، في كل حته فيه
بيحضن فيه ، قوم ياد بكره العيد اللي مستنيه
الابن مش بيرد ، والاب عمال يزعق فيه
بس يا مقدس ، البقيه في حياتك ، الناس بتهدي فيه
وابنه و بنته بيحضنه فيه ، والام بترمي نفسها عليه
وناس تغطي جسمه ، و عربيه اسعاف بتمشي بيه
وفي العيد الصغير بيروح ابنه الصغير ، اللي عايش بيه
ولو انتا مسيحي هتبكي وازاي يعني متبكيش
شايف ام بتصرخ ، قوم يا ابني ، وابنها مفيش
واخ من بعيد بيجري ، ازاي اخويا مش هيعيش
والاب من كتر حزنه ، بيقول رجليا مشيلانيش
كل الببان مقفوله ، حتي ابراج الحمام مكسوره
ودموع بنت بس قموره ، بتبكي وهي مقهوره
و ولاد بتلعب كوره ، وضرب نار بيخلص الفوره
وبتبكي ليه يا امي في العيد ، بتبكي ليه ابنك شهيد
كان نفسي اشوفك جنبي يا ابني ، دا منايا الوحيد
افرحي يا امي ابنك فوق هيعيش سعيد
سلميلي علي اخواتي و صحابي هتوحشوني اكيد
قوم يا ابويا و لم اخواتي في حضنك، ومتزعلش نفسك
ازاي يا ابني وانا اللي فضلي منك ، قميص مليان بدمك
وعمري في يوم متخيلت انك ، تموت متتهناش بفرحك
يا اخويا انتا اللي فيهم ، روح البيت وهديهم
اهدي مين يا اخويا متسبنيش وحيد ليهم
مفيش حاجه بعدك هتهنيهم
..................................
الي شهداء نجع حمادي
...............................
18-4-2010
يوم انا من زمان مستنيه ، واول مجيه مهدتش ثانيه فيه
صحيت وابويا عيدت عليه، و بوست ايد امي هتعشيني ايه
واخويا بيلبس لبس العيد ، خليه لبكره نفاجئ الناس بيه
واختي صاحيا مبسوطه ، رايحه معانا الكنيسه علشان نصلي
والليل بيجي ، اوعي تتأخر يا ابني الساعه 12 تكون عندي
حاضر يا ابويا مش سامع حاجه ، الناس بترمي صواريخ جنبي
خلي بالك من نفسك وتعالي انتا واخواتك ، سلام يا ابني
ايه يا ابويا ، ســـــــــــــــــــــــــــــلام يا ابني
فين العيال ، فرحانين ، اعملي العشا شويه وجايين
يلا عيد سعيد عليكم وكل سنه وانتو طيبين
ومره واحده بيتغير المشوار، ونسمع صرخه مرار
وناس بتخبط علي الدار، الحق عيالنا مضروبه بالنار
بيجري وهو ملهوف ، وكان بيموت من الخوف
هو انا ابني ماله ، قلبه عليه مخطوف
عمري مشوفت كده ، بس اللي يعيش ياما يشوف
ويبص لابنه يلاقي الدم ، في كل حته فيه
بيحضن فيه ، قوم ياد بكره العيد اللي مستنيه
الابن مش بيرد ، والاب عمال يزعق فيه
بس يا مقدس ، البقيه في حياتك ، الناس بتهدي فيه
وابنه و بنته بيحضنه فيه ، والام بترمي نفسها عليه
وناس تغطي جسمه ، و عربيه اسعاف بتمشي بيه
وفي العيد الصغير بيروح ابنه الصغير ، اللي عايش بيه
ولو انتا مسيحي هتبكي وازاي يعني متبكيش
شايف ام بتصرخ ، قوم يا ابني ، وابنها مفيش
واخ من بعيد بيجري ، ازاي اخويا مش هيعيش
والاب من كتر حزنه ، بيقول رجليا مشيلانيش
كل الببان مقفوله ، حتي ابراج الحمام مكسوره
ودموع بنت بس قموره ، بتبكي وهي مقهوره
و ولاد بتلعب كوره ، وضرب نار بيخلص الفوره
وبتبكي ليه يا امي في العيد ، بتبكي ليه ابنك شهيد
كان نفسي اشوفك جنبي يا ابني ، دا منايا الوحيد
افرحي يا امي ابنك فوق هيعيش سعيد
سلميلي علي اخواتي و صحابي هتوحشوني اكيد
قوم يا ابويا و لم اخواتي في حضنك، ومتزعلش نفسك
ازاي يا ابني وانا اللي فضلي منك ، قميص مليان بدمك
وعمري في يوم متخيلت انك ، تموت متتهناش بفرحك
يا اخويا انتا اللي فيهم ، روح البيت وهديهم
اهدي مين يا اخويا متسبنيش وحيد ليهم
مفيش حاجه بعدك هتهنيهم
..................................
الي شهداء نجع حمادي
...............................
18-4-2010