تعالى بسرعه قول رأيك

[sasso]

كنت بتفرج على صور ابن خالتى على الفيس بوك واتفاجئت بصور كتيره لشباب وبنات فى حفلة للفجر وبملابس غريييييبه اوى ولا تليق
وحاولت اتكلم معاه قاللى دول بنات استايل ومش بيعملوا حاجة غلط وعادى جدا انهم يلبسوا كده وكمان يسهروا فى مكان فى خمور ورقص و........حفلة بقى

وفى الاخر طلعت انا رجعية ومش فاهمه اى حاجة

يا ترى انتوا كمان ايه رأيكم وبكل صراحة فى الموضوع ده؟؟؟؟؟؟؟؟؟

*خلاص بقى عادى ان البنات تسهر مع اصحابها الولاد فى اماكن متاح فيها الخمور والرقص وبلبس فعلا لايليق

*خلاص الاهل بقوا مشغولين ومش مهتمين بأولادهم للدرجة دى ؟؟؟؟؟؟؟؟

**فعلا ياريت تشاركونى بأرائكم وخبراتكم لانى فى منتهى الحزن والرعب على ولادى لما يكبروا

[bebotop]

no comment y sasso yalla b2a aho elle 7asal welly by7sal kl youm

[المصرى الأصيل]

اشكرك ساسو على الموضوع اللى فى منتهى الاهمية ومش عاوزك تنزعجى وانتى مش رجعية ولا حاجة وياريت ننتبه للاتى :

الكتاب المقدس بيشدد على دور واهمية البيت فى تربية الاولاد من غير ما نقلل من أهمية دور الكنيسة فهو يخص البيت بالدور الاكبر باعتبار ان الوالدين مسئولين مسئولية كاملة عن اولادهم امام الله وتركيز الكتاب المقدس على اهمية دور البيت فى تربية الاولاد نابع من حقيقة هامة جدا وهى ما يأخده الاولاد فى البيت لا يأخذونه فى اى مكان اخر فالمنزل يعطى جوا طبيعيا لان العيلة عى مجموعة صغيرة من الناس من كل الاعمار بيعيشوا مع بعض وبياكلوا ويشربوا ويناموا ويلعبوا ويسافروا مع بعض كل ده تحت سقف واحد والكتاب المقدس بيوصينا ( هذه الكلمات انا اوصيك بها اليوم على قلبك قصها على اولادك وتكلم بها حين تجلس فى بيتك وحين تمشى فى الطريق وحيت تنام وحين تقوم تث 6 : 7)
فمثلا اننا نعلم ولادنا القيم والاخلاق بدون من نظهر امامهم ان ده سلوك الاب والام او ام مثلا رايحة فرح وتلبس فستان عارى امام ابنتها الصغيرة او اب يشرب سجاير او خمور او بيكذب امام اولاده كمان الجو الاسرى المليان بالحب والتفاهم يخلق شخصية خالية من التعقيد وشخصية ملتزمة

[jina]

لا طبعا انتي مش راجعية انتي صح في اللي بتقوليه و لازم نشوف حل لهذة الماسة هي فعلا ماساة ربنا يستر علي اخواتنا كلهم ربنا يحافظ عليهم

[jesus's girl]

اولا احب اشكرك علي الموضوع الرائع
وطبعا استاذي الغالي اتكلم عن الموضوع بصورة جميلة
فعلا انا لسه كنت امبارح في فرح الملابس بعضها فعلا فعلا لا يليق كابنت مسيحية ونسينا تمام ان الاكليل ده سر مقدس يجب احترامه زيه زي الاعتراف والتناول . لما نكون لابسين لبس غير لائق وواقفين في حضور الروح القدس اكيد مشهد صعب جداااااااا

ياريت بجد نحط بس اولا ان ده سر مقدس ودي صلاة في الكنيسة واكيد كل حاجة هتمشي تمام
وطبعا زي ما استاذي قال التربية والبيت اول حاجة في الموضوع ده

[sasso]

مرسى استاذى الغالى لمرورك الجميل وكمان بيبو وجينه وميرنا
بس ياريت مش نلتزم بس فى لبس السواريهات فى الافراح انا بتكلم كمان على حاجة تانية الحفلة دى مكنتش فى فرح ده بارتى كده وخلاص

بجد ربنا يحافظ على كل الشباب والبنات

[فرفوره]

فعلا بقيت حاجه مؤسفه وكمان اللبس الغير محتشم وتكون حط الصليب في صدرها مش عارفه هو من البيت والتوعيه كمان من الام والاب وطبعا الموضوع التاني الخروج والسهر مع الشله لا طبعا انتى مش رجعيه ولكن هما اللي مزودناه اوي اوي طبعا كل ده لا يليق باولاد وبنا رب المجد

شكرا ساسو موضوع جميل

[the black eagle]

لا طبعا يا ساسو انتى مش رجعية ولا حاجة بالعكس انتى الصح وللاسف ناس كتير هى اللى غلط بس برضو زى ما قال الاستاذ ثروت انها بتبقي راجعه للتربية وفى مبدأ بيقول ان الايناء ينضح بما فيه يعنى مش هيبقوا متربين فى الكنيسة وهيعملو كده ربنا معانا ورجع اولاده ليه يارب

شكرا على الموضوع الجميل دا

[بيبو نبيل]

اشكرك ياابنتى على هذا الموضوع
انتى طبعا مش رجعية 0لكن هناك بنات مسيحيات نعم0ولكن لاسباب كثيرة
منها انشغال الام والاب عنهم اتخذوا بعض صفات العالم من ملابس لا تليق اوالسهر فى اماكن لاتليق
وطبعا البعد عن الكنيسة والصلاة000لان القديس بولس الريول قال=كل الاشياء تحل لى ولكن ليست كل الاشياء توافق0فيجب علينا كاولاد لله ان نقتدى بقديسينا فى كل شىء
الملابس0000الافعال 0000وغير ذلك
الرب يفتع عيونهم ليروا نور الرب ويبتعدوا عن الظلمة
لاتنزعجى ياابنتى

[mrhany]

لايتساوى أبناء النور و أبناء الظلمة
و كل من يفعل ذلك سيندم مثل الأبن الضال

[nanajesus]

انتى مش راجعية ولا حاجة ياساسو دى كلمة بيهربوا بيها من الصح ان الحياة بتتطور واحنا كمان بنتطور بس للاسف هما فاهمين التطور غلط وباصين لية من ناحية اللبس والحفلات وانهم يهربوا من حقيقتهم بكل الاشكال ومن الواقع الى مش عاوزين يعيشوا فية ودة راجع طبعا زى ما بابا قال للبيت والقدوة
متقلقيش ياساسو الرب يحافظ على كل ولادةوينجيهم وبعدين جوى وماثيو اكيد شايفين بابا وماما زى السكر يبقة القدوة والبيت وبابا يسوع معاهم يبقة هيكونوا احسن ناس وتفرحى بيهم
ميرسى جدا ساسو حبيبتى للموضوع الرااااااائع.

[sasso]

شكرا جدا جداااااا لمشاركتكم فى الموضوع وارائكم الجميلة فرفورة -the black eagle-mr hany-استاذ بيبو نبيل
وحبيبتى نانا مرسى اوى على كلامك الجميل ربنا يحافظ عليكى