lostlove
04-25-2010, 08:56 PM
فاكر لما اتخانقنا واحنا في ثانوي
وانا نزلت وسيبت البيت وقعدت اجري
وانتا نزلت جبتني و للبيت رجعتني
مع اننا لسه متخانقين بس انتا استحملتني
ياما علشاني بتضحي وكل همك فرحي
...................
مهما قلت عنك ، في ذكريات جوايا منك
ايام عيشتها جنبك ، مليانا بطيبه قلبك
مفيش حد زيك ، وكلامي خليه في عقلك
هقولك كل حاجه ، وخلي القناعه في دمك
و اسمعني يا اخويا .....
الدنيا دي مش حلوه ، بس بتدينا فرحه
بنفرح بيها شويه ، و بعدين تلاقيها جارحه
اللي بيصبرنا عليها ، ناس الطيبه فيها
كلنا مش قديها ، بس بنحاول نتأقلم عليها
وانتا مشكلتك ، انك مش بتتكلم
ساكت تملي ، بس جرحك معلم
متحكيلي مالك ، وانا وانتا نتعلم
و افهمني يا اخويا .....
كلنا عايشين بس جوانا حجات بيها متألمين
اوعي الناس تشوفها ، علشان احنا مش مبينين
خليها تملي جواك ، لازم مشاكلك يكونوا مداريين
طيبتك و ثقتك ، دول فيك اوحش حاجتين
انتا طيب مع كل الناس ، والناس بيك فرحانين
بس في مشكله الناس دي في ظهرك تملي متكلمين
هما مش خايفين منك ، بالعكس هما ليك مستغلين
خلي بالك ، وعلي فكره مش كل الناس وحشيين
و ثقتك دي ، بتخليني تملي عليك حزين
يا اخويا متثقش في اي حد ، في ناس بوشيين
وانتا ياما وثقت في ناس ، وطلعوا معاك خاينين
و برده بترجع تسامح علشان انتا مليان حنين
بس احنا لازم نتعلم طول ما أحنا في الدنيا ماشيين
الصفتين دول حلوين ، بس أديهم للناس القريبين
اديهم للناس اللي بتحبك علشان هيكونوا عليك خايفين
في ناس ليك قريبين ، بس هما باللؤم مليانين
نفسي تتعلم ازاي تفهم الناس من كلام العينين
مش لازم نكون صريحين ، و مش معني كده اننا كدابين
بس انا عايز افهمك ازاي تتعامل ، لازم نكون ناصحيين
اللي تحس انه مش بيحبك ، و تلاقي تملي عنيه كدابين
اوعي تبين انك فاهمه ، وسيب عينيه في الوهم متعلقين
عامله نفس المعامله ، بس اوعي تديله في يوم حنين
متخسرش اي حد يا اخويا ، كل الناس في الدنيا نافعين
ومتخدمش اي حد وخلاص ، لازم تكون تملي رزين
اخدم اللي يخصك بكل حاجه ، علشان هيخدمك بعدين
و حتي لو مخدمكش ، هيكون شاكر للجميل طول السنين
في ناس علي قد ما تديها لازم تأخد منها و اكتر حبتين
وفي ناس تديلها و مهما تديلها ، تحس انك مش هتوفي الدين
الناس دي اهلك ، و ابوك و امك و اخواتك الصغيريين
علشان الناس دي مهما هتاخد منك هتديلك اكيد بعدين
وانتا متستناش منهم حاجه ، اهم حاجه هما مرضيين
لو هنتكلم في الشغل ، البنوك في البلد مليانين
ملكش دعوه بالسوق ، انتا مش حمل النصابين
انتا انسان محترم ، والسوق مفيهوش محترمين
انتا بتثق في اي حد ، الناس هيكونوا عليك ضاحكين
وعلشان انتا طيب ، ممكن تنيم عيالك جعانين
اوعي يا اخويا تفتح محل ، نصيحه هتفهمها بعدبن
انتا موظف في مكتب ، و الاوراق قدامك محطوطين
انتا راجل باشا ، والشاي والقوه و الموظفين عليك جايين
اوعي تاخد رشوه هتحس الناس فيك متحكمين
و هكلمك عن البنات ويبقي كده كلمتكم انتو الاتنين
صحابك البنات كتير ، ومعظم الولاد منك غيرانين
بس هما عايزينك انتا علشان انتا انسان امين
واحلي حاجه فيهم ان معظمهم كويسيين
و في بنات عايزين يكونوا بيك متمنظرين
دول متسيبهمش بس بالنسبالك مش مهمين
عارف انك نفسك اكلمك عن الحب و الخاينين
بص يا اخويا الحب دا سلاح ذو حديين
اهم حاجه ان احنا نكون عليه قادريين
مش عيب انك تتجرح بس لازم تقوم بعدين
اوعي تعيب في حبيبك حتي لو جرحك مرتين
افتكرله دايما الخير ، علشان احنا ناس كويسين
نام مظلوم متنامش ظالم ، الظالمين مش مبسوطين
الظالمين دول كفايه عليهم يعيشوا علينا ندمانيين
الظالمين دول كفايه عليهم يبكوا في اليوم علينا مرتين
الظالمين دول كفايه عليهم يعيشوا بعيد عنينا تعبانين
الظلمين دول لو رجعولنا تاني نقولهم احنا اسفين
مترجعلهوش هيظلمك تاني والجرح يبقي جرحيين
وانا مش بعلمك القسوه ، ومتقولش اخويا مش عنده حنين
بس حافظ علي قلبك ، علشان الواحد مش عنده قلبين
نتكلم بقي عن العروسه ، وننزل سوق النساويين
اختارها بنت طيبه ، علشان تبقي انتو الاتنين طيبين
اختارها من نفس مستواك ، علشان مع عيلتنا يكونوا متأقلمين
و ممكن تختارها اقل من مستواك ، مش عيب بس يكونوا كويسين
اختارها حلوه وتخلف منها بنوتيين اجوزهم انا لعيالي الاتنين
خلي بالك دي هتحمل اسمك ، لازم تشرفك قدام اللي قاعدين
دلعها علي قد متقدر ، خليها تحس ان مفيش منك اتنين
لازم تكون مالي عينيها ، وهي تكون ماليا عينيك الاتنين
روح و زور اهلها وايديك مليانين ، احنا ناس مستريحين
ولو امها مش كويسه انا هعرفك ازاي تمشيها علي العجين
خلي بالك من امك اوعي مراتك تزعلها ولو بكلمتين
وهي لو بتحبك بجد هتحب كل اهلك، وهنكون بيها فرحانين
متنساش اننا عيله واحده وفي يوم لازم كلنا نكون متجمعين
خدها بت اصيله كده ، علشان عيالك يطلعوا محترمين
خدها بت مؤمنه بربنا ، علشان عيالك يطلعوا صالحين
انا عارف ان عينيك مش زايغه ، بس اوعي يبقوا زايغين
نفسي اتجوز انا وانتا في يوم واحد و الفرح يبقي فرحيين
لازم نكون كلنا ايد واحده يا اخويا مهما دارت السنين
لازم نفرح ابونا علشان هو حاسس ان عياله ليه ناسيين
انتا الوحيد اللي تقدر تهدي البيت لو كنا غضبانين
متزعلش مني ، هيجي اليوم هخليكم كلكم راسكم رافعين
متنساش تصليلي ، انتا برده احسن مني في حكايت الدين
و مفيهاش حاجه يعني لو كنتوا ليا مستحملين
و تقولش خوف عليك ،انا عارف انكم عليا خايفين
بس الكلمه الحلوه برده بتريح الواحد من حزن السنين
انا كتبت كل دا علشان حاسس ان في ايام مش هنكون فيها قريبين
احب اشوفك انتا واخويا احسن ناس ، واسمع سيرتكم انكم طيبين
ملقيتش حد زيك يا اخويا انتا مليان حنين
............
اخوك الضال
..........
25-4-2010
وانا نزلت وسيبت البيت وقعدت اجري
وانتا نزلت جبتني و للبيت رجعتني
مع اننا لسه متخانقين بس انتا استحملتني
ياما علشاني بتضحي وكل همك فرحي
...................
مهما قلت عنك ، في ذكريات جوايا منك
ايام عيشتها جنبك ، مليانا بطيبه قلبك
مفيش حد زيك ، وكلامي خليه في عقلك
هقولك كل حاجه ، وخلي القناعه في دمك
و اسمعني يا اخويا .....
الدنيا دي مش حلوه ، بس بتدينا فرحه
بنفرح بيها شويه ، و بعدين تلاقيها جارحه
اللي بيصبرنا عليها ، ناس الطيبه فيها
كلنا مش قديها ، بس بنحاول نتأقلم عليها
وانتا مشكلتك ، انك مش بتتكلم
ساكت تملي ، بس جرحك معلم
متحكيلي مالك ، وانا وانتا نتعلم
و افهمني يا اخويا .....
كلنا عايشين بس جوانا حجات بيها متألمين
اوعي الناس تشوفها ، علشان احنا مش مبينين
خليها تملي جواك ، لازم مشاكلك يكونوا مداريين
طيبتك و ثقتك ، دول فيك اوحش حاجتين
انتا طيب مع كل الناس ، والناس بيك فرحانين
بس في مشكله الناس دي في ظهرك تملي متكلمين
هما مش خايفين منك ، بالعكس هما ليك مستغلين
خلي بالك ، وعلي فكره مش كل الناس وحشيين
و ثقتك دي ، بتخليني تملي عليك حزين
يا اخويا متثقش في اي حد ، في ناس بوشيين
وانتا ياما وثقت في ناس ، وطلعوا معاك خاينين
و برده بترجع تسامح علشان انتا مليان حنين
بس احنا لازم نتعلم طول ما أحنا في الدنيا ماشيين
الصفتين دول حلوين ، بس أديهم للناس القريبين
اديهم للناس اللي بتحبك علشان هيكونوا عليك خايفين
في ناس ليك قريبين ، بس هما باللؤم مليانين
نفسي تتعلم ازاي تفهم الناس من كلام العينين
مش لازم نكون صريحين ، و مش معني كده اننا كدابين
بس انا عايز افهمك ازاي تتعامل ، لازم نكون ناصحيين
اللي تحس انه مش بيحبك ، و تلاقي تملي عنيه كدابين
اوعي تبين انك فاهمه ، وسيب عينيه في الوهم متعلقين
عامله نفس المعامله ، بس اوعي تديله في يوم حنين
متخسرش اي حد يا اخويا ، كل الناس في الدنيا نافعين
ومتخدمش اي حد وخلاص ، لازم تكون تملي رزين
اخدم اللي يخصك بكل حاجه ، علشان هيخدمك بعدين
و حتي لو مخدمكش ، هيكون شاكر للجميل طول السنين
في ناس علي قد ما تديها لازم تأخد منها و اكتر حبتين
وفي ناس تديلها و مهما تديلها ، تحس انك مش هتوفي الدين
الناس دي اهلك ، و ابوك و امك و اخواتك الصغيريين
علشان الناس دي مهما هتاخد منك هتديلك اكيد بعدين
وانتا متستناش منهم حاجه ، اهم حاجه هما مرضيين
لو هنتكلم في الشغل ، البنوك في البلد مليانين
ملكش دعوه بالسوق ، انتا مش حمل النصابين
انتا انسان محترم ، والسوق مفيهوش محترمين
انتا بتثق في اي حد ، الناس هيكونوا عليك ضاحكين
وعلشان انتا طيب ، ممكن تنيم عيالك جعانين
اوعي يا اخويا تفتح محل ، نصيحه هتفهمها بعدبن
انتا موظف في مكتب ، و الاوراق قدامك محطوطين
انتا راجل باشا ، والشاي والقوه و الموظفين عليك جايين
اوعي تاخد رشوه هتحس الناس فيك متحكمين
و هكلمك عن البنات ويبقي كده كلمتكم انتو الاتنين
صحابك البنات كتير ، ومعظم الولاد منك غيرانين
بس هما عايزينك انتا علشان انتا انسان امين
واحلي حاجه فيهم ان معظمهم كويسيين
و في بنات عايزين يكونوا بيك متمنظرين
دول متسيبهمش بس بالنسبالك مش مهمين
عارف انك نفسك اكلمك عن الحب و الخاينين
بص يا اخويا الحب دا سلاح ذو حديين
اهم حاجه ان احنا نكون عليه قادريين
مش عيب انك تتجرح بس لازم تقوم بعدين
اوعي تعيب في حبيبك حتي لو جرحك مرتين
افتكرله دايما الخير ، علشان احنا ناس كويسين
نام مظلوم متنامش ظالم ، الظالمين مش مبسوطين
الظالمين دول كفايه عليهم يعيشوا علينا ندمانيين
الظالمين دول كفايه عليهم يبكوا في اليوم علينا مرتين
الظالمين دول كفايه عليهم يعيشوا بعيد عنينا تعبانين
الظلمين دول لو رجعولنا تاني نقولهم احنا اسفين
مترجعلهوش هيظلمك تاني والجرح يبقي جرحيين
وانا مش بعلمك القسوه ، ومتقولش اخويا مش عنده حنين
بس حافظ علي قلبك ، علشان الواحد مش عنده قلبين
نتكلم بقي عن العروسه ، وننزل سوق النساويين
اختارها بنت طيبه ، علشان تبقي انتو الاتنين طيبين
اختارها من نفس مستواك ، علشان مع عيلتنا يكونوا متأقلمين
و ممكن تختارها اقل من مستواك ، مش عيب بس يكونوا كويسين
اختارها حلوه وتخلف منها بنوتيين اجوزهم انا لعيالي الاتنين
خلي بالك دي هتحمل اسمك ، لازم تشرفك قدام اللي قاعدين
دلعها علي قد متقدر ، خليها تحس ان مفيش منك اتنين
لازم تكون مالي عينيها ، وهي تكون ماليا عينيك الاتنين
روح و زور اهلها وايديك مليانين ، احنا ناس مستريحين
ولو امها مش كويسه انا هعرفك ازاي تمشيها علي العجين
خلي بالك من امك اوعي مراتك تزعلها ولو بكلمتين
وهي لو بتحبك بجد هتحب كل اهلك، وهنكون بيها فرحانين
متنساش اننا عيله واحده وفي يوم لازم كلنا نكون متجمعين
خدها بت اصيله كده ، علشان عيالك يطلعوا محترمين
خدها بت مؤمنه بربنا ، علشان عيالك يطلعوا صالحين
انا عارف ان عينيك مش زايغه ، بس اوعي يبقوا زايغين
نفسي اتجوز انا وانتا في يوم واحد و الفرح يبقي فرحيين
لازم نكون كلنا ايد واحده يا اخويا مهما دارت السنين
لازم نفرح ابونا علشان هو حاسس ان عياله ليه ناسيين
انتا الوحيد اللي تقدر تهدي البيت لو كنا غضبانين
متزعلش مني ، هيجي اليوم هخليكم كلكم راسكم رافعين
متنساش تصليلي ، انتا برده احسن مني في حكايت الدين
و مفيهاش حاجه يعني لو كنتوا ليا مستحملين
و تقولش خوف عليك ،انا عارف انكم عليا خايفين
بس الكلمه الحلوه برده بتريح الواحد من حزن السنين
انا كتبت كل دا علشان حاسس ان في ايام مش هنكون فيها قريبين
احب اشوفك انتا واخويا احسن ناس ، واسمع سيرتكم انكم طيبين
ملقيتش حد زيك يا اخويا انتا مليان حنين
............
اخوك الضال
..........
25-4-2010