محتاجة من ربنا معجزة

[nevenadauar]

انا متجوزة من 16 سنة ولم يحدث لى ولا مرة حمل وتعبت من العمليات ونفسيتى ادمرت وكل مرة اتعشم انى هايكون فرح بعد الضيق والياس ارجع بوجع وحزن اكتر من الاول وانا كمان تعبت من الادوية وجسمى ما بقاش مستحمل وانا بارجوكو انكو تصلو من اجلى عشان ربنا يتمجد ويعملى معجزة وخصوصا ان زوجى لايوجد لدية اخوات هو وحيد وانا واثقة ان كل الى ها يقرا الكلام دة هايصلى من اجلى وشكرا ليكم

[nanajesus]

بابا يسوع حنين قوى وبيحب كل ولادة ويداة دائما تعمل الخير ولازم تثقى انة بيحبك وهيديكى فى الوقت المناسب والخير ليكى
والمسيح يم د ايدة ويعمل معجزة جميلة زى ما عمل مع ام صموئيل النبى ومعجزاتة الكتييييييييير جداااا
والرب يفرح قلبك يا نفين ياجميلة.

[المصرى الأصيل]

يا رب الجنود، إن نظرت نظرًا إلى مذلة أمَتَك، وذكرتني ولم تنس أمَتَك بل أعطيت أمَتَك زرع بشر، فإني أعطيه للرب كل أيام حياته ( 1صم 1: 11 )
ديه الصلاة اللى حنة ام صموئيل صلتها ووثقت ان رب الجنود هو الوحيد القادر ان يشفيها من حالة العقم اللى ربنا سمح بيها وانه قادر على كل شىء ولا يعثر عليه امر حنة كانت حزينة الروح بسبب هذا الامر فسكبت نفسها امام رب الجنود وكانت تكثر الصلاة امام الرب.
انسكبى امام ربنا وهو قادر على كل شىء وانشاء ربنا يتحقق املك كما تحقق لحنة النبية شوفى الكتاب المقدس بيقول ايه عنها «ثم مضت المرأة في طريقها وأكلت، ولم يكن وجهها بعد مُغيرًا ... وكان في مدار السنة أن حنة حبلت وولدت ابنًا»
ربنا يديكى ويحقق لك املك انتى وزوجك ونحتفل بيكى احتفال كبير هنا فى المنتدى ومش بس كده ده انا هجيب لك العصابة كلها وهنيجى لك عشان ناكل الفطير الصعيدى ماشى؟
ربنا معاكى افرحى بالرب فيعطيكى سؤل قلبك

[sasso]

ربنا يمد ايده ويحققلكم امنيتكم هو قادر على كل شىء ولا يصعب عليه أمر
حنان ورحيم هو الرب
ربنا معاكى

[nana1]

خليكى واثقه فى ربنا حتى لو المده طولت و اطلبي منه بايمان قوى "هلم نتحجاج مع الرب" اقوليله انك ادتنا وعود كتير واحنا كلنا مستنين وعده معاك وعمل ايده القويه فهو يسحق و يعصب ويداه تشفيان و اكيد هيمد ايده ليكم و اطلبى منه اطفال صالحين مثمرين للرب فى الوقت الى ربنا يختاره ليكم مش احنا الى بفكر بشرى ضعيف نحدد الوقت و ربنا اكيد هيتمجد باى شكل فى حياتكم واطلبى منه يعطيكى سلام ورجاء للتجربه و يقويكم عليها ببركه وقوه قيامته و شفاعه القديسه العذراء مريم تعينكم
وطمنينا عليكى ولو محتاجه استفسارات عن دكاتره او اى حاجه احنا هنساعدك
كن مطمئنا جدا جدا و لاتفكر فى الامر كثيرا بل دع الامر لمن بيده الامر

[مارى جرجس صاير عبد الملك]

ربنا دايما مش بينسى اى حد ابدا وخليكى واثقة فى ربنا
وزى ما انتى عارفة ان كل شىء تحت السما وقت
واكيد ربنا هايديكى فى الوقت المناسب وانا هافضل اصليلك

[بيبو نبيل]

الرب قادر اب ينزع الامك ويعطيكى سؤل قلبك
اله السماء يفرح قلبك كما فرح قلب سارة وحنة واليصابات واوفومية وغيرهن من النساء القديسات
تمسكى بالرب فهو القادر ان يفرح قلبك

[mrhany]

الغير مستطاع عند الناس مستطاع عند الله
لتكن أرادتك ياالله
بشفاعة العدرا و البابا كيرلس