المساعد الشخصي الرقمي

مشاهدة النسخة كاملة : حبي واحد غيري

lostlove
05-12-2010, 07:16 PM
عارف انك بتحبيه
عارف انك عايشه بيه
عارف انك دايبه فيه
بس لازم قلبي تسيبيه

في حجات جوانا تملي تعبانا
الحجات دي مخليه الناس مش فهمانا
الحجات دي مخلياني مش حابب لقانا

بحاول ابعدك مش عايز ليا اقربك
ياما قربت غيرك علشان كده خايف اخسرك
انتي من بعيد حلوة ، مش عايز ادمرك
ومش معني كلامي دا ، اني بكرهك

انا قلبي مجروح ، وجرحي لسه مفتوح
وانتي قلبك صافي ، وبلاقي فيكي وضوح
علشان كده مش عايز اشوف قلبك مدبوح
خليكي بعيد عني ، وكفايه حلاوه الروح
وانا بوعدك غلاوتك عندي مش هتروح

حبي واحد غيري ، انتي مش تستاهليني
اوعي في يوم تحبيني ، انا همي ماليني
متقوليش حبيتك خلاص ، حاولي تكرهيني
الكلام دا صعب عليكي ، بس حاولي تفهميني
الجرح اللي جوايا مش هتستحمليه ، اسمعيني
متعنديش في مشاعرك ، وبطلي تتحديني
انا مش حلو اوي ، دا انا ضعفي علي جبيني
كل مهشوفك بتتجرحي بسببي ، هتعذبيني
متقوليش انا معاك علي الدنيا يا نور عيني
انا كفايه عليا ضحكتك ، هي اللي هتقويني
ولو انتي في وقت غير دا ، كنتي هتستهليني
واخر كلمه هقولهالك من قلبي ، سامحيني
ولازم تعرفي انك اجمل واحده شافتها عيني

شعرك مع وشك مع قفله عينيكي ، بتموتني
ضحكتك مع بشرتك مع لمسه ايديكي ، بتدوبني
جريتك مع فرحتك مع همسه شفتك ، بتجنني
حضنك مع نظرتك مع قوه ضمتك ، بتريحني
كل حاجه فيكي بتفرحني ، ودمعتك بتجرحني

12-5-2010
fofa
05-13-2010, 12:36 AM
أوووووووووووووووووووووف فظيع بجد حلو اوى اوى .تسلم ايدك
lostlove
05-13-2010, 02:46 AM
thx fofa
bs aih oooooooooooooof di
jesus's girl
05-13-2010, 08:45 PM
كل حاجه فيكي بتفرحني ، ودمعتك بتجرحني
جاااامدة كالعادة يعني ربنا يعوض تعب محبتك
lostlove
05-14-2010, 01:46 AM
thxxxx yaaa gamila