lostlove
05-24-2010, 02:27 PM
الحب 2
في حب كبير ، بس مش بيدوم كتير
بنحب فيه بضمير ، وبالنسبالنا مصير
حب مبيكونش مرير ، بالعكس دا فيه الخير
حب من غير مقابل ، و بيكون دايما ليك قابل
بتزعله بيصالحك ، بتجرحه بيسامحك ، وقلبه بيرتاحلك
بتخاف بيحميك و بيضلل حواليك ، حب بجد بيكون ليك
لو بكيت بتجرحه و لو ضحكت بتفرحه ، حب نفسي ارجعه
معاه بتحس بالامان و الاطمئنان ، مع انه حب علي قده غلبان
لازم تعرف حاجه ان الحنيه اللي بجد مش بتلاقيها في اي مكان
الحنيه اللي بجد هتلاقيها في انسان ، مش هتحس معاه بالحرمان
هتلاقيها في انسان نفسك تشوفه و ترجع بيك الايام ، ايام زمان
.. الحب ده اسمه الفراق و الاشتياق لأعز و أغلي الاحباب ..
بيفارقوك غصب عنك ، مينفعش تقول ايه الاسباب
اول مبيمشوا بنحس اننا في الدنيا دي بجد اغراب
بنبكي و بننده عليهم ، بس في الاخر بيتقفل الباب
...............
انا مهما كتبتلك ، مش هقدر اقولك انا قد ايه مفتقدك
حبك اللي ادتهولي ، خلاني مش حب حد بعدك
الله يرحمك ، دايما فاكرك ، و يا رب صوتي يوصلك
...
ايام من حياتي جنبك عيشتها
ابتسامتك فين ، بجد مشتاقلها
كان قلبي في حبه ليك ، بيموت من الخوف عليك
كنت فاكر هعيش ليك ، ودلوقتي مش بلاقيك
كنت عايز ارضيك ، و امسح دمعه عينيك
كان نفسي ابكي في حضنك ، واجري عليك
كان نفسي ابوس ايديك ، وادلع عليك
اتوحشت منك كلمه ، الله يحنن عليك
اتوحشتك منك نظره ، صعبان عليك
اتوحشتك كلك ، واللهي مشتاق اليك
قلتلي حجات كتير ، وعلقتني ليه بيك
ومنسيتش منهم حاجه ، فاكر كل لياليك
….
فاكر لما قلتلي نفسي اشوفك متخرج وتيجي بعربيتك تزورني
فاكر لما قولتلي هتحضر فرحي ، و هتيجي في الصباحيه تنقطني
و قولتلي كمان هعاكس مراتك ، وانا قلتلك مش هتقدر يا حبيب قلبي
فاكر لما في الشغل عورت نفسي ، وانتا قطعت جلبيتك و لفيت صابعي
علي فكره انا لسه مداويتش جرحي ، سيبته علشان دايما بيك يفكرني
لسه التعويره باينه في صابعي ، واتمني العلامه دي متتشالش مني
فاكر لما كنا بنولع نار علشان ندفي في عز البرد ، والنار كانت بتلسعني
وكنت تقولي خليك بعيد ، هي لوحدها هتدفيك اصبر عليها يا ابني
اديني صابر ، بس مكنتش اعرف ان الصبر حاجه بتخلص مني
فاكر لما كنت بحب اصطاد في الشمس ، وانتا كنت تملي بتزعقلي
فاكر لما كنت بجيبلك زيارتك ، وتقولي لازم تاخد تمنها مني
فاكر برده في يوم كنت جعان ، وانتا حسيت ولقيتك مره واحده بتأكلني
فاكر لما قولتلي انك تعبت و ووصلت ، وقلتلي لازم تتعب يا ابني
انا بتعب كل يوم دانا بقيت مهموم ، انا كبرت اوي من يوم مسبتني
فاكر برده لما كنت بتشوفني الصبح ، وتقولي وشك منور يا ابني
فاكر لما مكنتش بفطر ، وكنت بتقولي لازم تاكل الشغل هيهدني
حملتني المسئوليه من وانا في الابتدائيه ، حاجه زرعتها فيا
فاكر لما قولتلي اللي يغلط فيك ، سيبه وهيرجع يندم عليك
انا فعلا سيبته ، وحلفت برحمتك وقلتله مش عايز تاني الاقيك
فاكر لما قولتلي متبيعش اللي ليك ، علشان الناس هتضحك عليك
انا اسف انا بعت ، بعت نفسي ، بس انا واللهي ملقتش حد ينصحني
انتا اللي علمتتني اعمل الواجب مع الناس ، طلعتني راجل من الاساس
علمتني مخافش اللي بيخاف بينداس من الناس ، و علمتني الاحساس
من كتر ما اديتني طيبتك ، خلتني اطلع زيك ، خلتني احب كل الناس
بتديني كل حاجه ليه وتمشي وتسيبني ، انا واللهي مش قادر خلاص
انتا اكيد قاعد مع ربنا فوق ، قوله هو ليه مش في كل الناس اخلاص
انا بشتري ناس بعمري و بلاقيها بتبعيني ، هو احنا للدرجه دي رخاص
مش عايز اغير طبيعتي وابقي واحد معندهوش احساس ، و اجرح الناس
مش عايز اتغير ، علشان انتا حبيتني كده وانا صغير ، ادعيلي علي الدنيا اقدر
............
في حاجه عايز اقولهالك ، مش عارف صح ولا غلط بس هكتبهالك
في اليوم اللي انتا موت فيه ، كان يوم الاحد انا مش ناسيه
الناس اللي اتصلت كانوا بيقولوا انك تعبان
بس انا حسيت بيك اول معنيك غمضت
حسيت بيك اول مروحك من ربنا قربت
انا قعدت ابكي ، وكل الناس كان بتزعقلي
بيقولولي انك حي ، بس انا حسيت اني مش هشوفك تاني
مكنتش قادر اقف ، اول مره تكون رجليا مش شيلاني
وانا في الطريق رايحلك ، افتكرت معاك كل ايامي
ودمعي زاد قوي ، اكتر مره صليت فيها ، ومش هصلي تاني
كنت بقول لربنا لو بتحبني اوعي تخليه يفارقني في ايامي
بس انتا فارقتني وبعدك بقيت بعاني ، هو ليه ربنا مسمعش لكلامي
واول موصلت لقيت ناس بتنضف ، وناس رايحه هنا وهناك
مكنتش اعرف انها بتنضف المكان اللي هناخد فيه عزاك
الناس بتبصلي و ساكته ، مره واحده جرينا انا وابويا و اخويا عليك
دخلت بيتك لقيتك علي سريرك ، وكل الناس نايمه تحت رجليك
انا قعدت انده عليك ، بس ابويا قالي سيبه مش هيرد عليك
ابويا زعق فيا ، وقالي جدك مات ، واتأكدت لما مسكت ايديك
اول ممسكتها وسيبتها ، لقيتها وقعت بسرعه جنبيك
كل العيله كانت بتبصلي ، كانوا عارفين انا قد ايه متعلق بيك
كل الناس كانت بتقولي شيد حيلك ، وربنا يعزيك كان بيشكر فيك
كنت كل مبسمع كلمه عنك ، دموعي بتنزل عليك بفتكر كل ماضيك
و في الصبح قالوا لازم ننضف المكان اللي هندفندك فيه
انا اللي نضفتهولك بأيدي ، كان التراب اللي باقي من الناس ماليه
اول مدخلوك فيه ، دخلت معاك و بوست الصندوق اللي كنت فيه
وكلنا وقفنا وخدنا عزاك ، كل العيله كانت واقفه هناك
كل الناس جات وعزيت ، كل الناس اللي كانت حباك
ربنا يساعدنا بعدك ، المكان ملهوش طعم من غير هواك
انا بروح وبسأل عليهم ، و في الحزن والفرح بقف جنبيهم
بس مش كتير زي زمان ، اصلي الناس دلوقتي فيهم اللي مكفيهم
ومتخافش انا مش بتكبر عليهم ، دول ناسي وانا بفخر بيهم
....................
كان نفسي تكون عايش في الوقت دا
كل الناس بتيجي عليا ، مش قادر علي كل دا
....................
الحب دا مش هنلاقيه و مش هيتعوض تاني
الحب دا بجد ، مفيش حد بينتظر حاجه من التاني
متزعلش اي حد بيحيك ، اي حد يقربلك
محدش ضامن عمره ، لازم عليك يرضو
انتا متعرفش يعني ايه انك رايح تزور واحد
تلاقي نفسك رايح تدفنه ، في ثانيه مش بيكون معاك
خلاص مهما هتعمل ، هو مش هنا هو هناك
……….
2007
22-5-2010
في حب كبير ، بس مش بيدوم كتير
بنحب فيه بضمير ، وبالنسبالنا مصير
حب مبيكونش مرير ، بالعكس دا فيه الخير
حب من غير مقابل ، و بيكون دايما ليك قابل
بتزعله بيصالحك ، بتجرحه بيسامحك ، وقلبه بيرتاحلك
بتخاف بيحميك و بيضلل حواليك ، حب بجد بيكون ليك
لو بكيت بتجرحه و لو ضحكت بتفرحه ، حب نفسي ارجعه
معاه بتحس بالامان و الاطمئنان ، مع انه حب علي قده غلبان
لازم تعرف حاجه ان الحنيه اللي بجد مش بتلاقيها في اي مكان
الحنيه اللي بجد هتلاقيها في انسان ، مش هتحس معاه بالحرمان
هتلاقيها في انسان نفسك تشوفه و ترجع بيك الايام ، ايام زمان
.. الحب ده اسمه الفراق و الاشتياق لأعز و أغلي الاحباب ..
بيفارقوك غصب عنك ، مينفعش تقول ايه الاسباب
اول مبيمشوا بنحس اننا في الدنيا دي بجد اغراب
بنبكي و بننده عليهم ، بس في الاخر بيتقفل الباب
...............
انا مهما كتبتلك ، مش هقدر اقولك انا قد ايه مفتقدك
حبك اللي ادتهولي ، خلاني مش حب حد بعدك
الله يرحمك ، دايما فاكرك ، و يا رب صوتي يوصلك
...
ايام من حياتي جنبك عيشتها
ابتسامتك فين ، بجد مشتاقلها
كان قلبي في حبه ليك ، بيموت من الخوف عليك
كنت فاكر هعيش ليك ، ودلوقتي مش بلاقيك
كنت عايز ارضيك ، و امسح دمعه عينيك
كان نفسي ابكي في حضنك ، واجري عليك
كان نفسي ابوس ايديك ، وادلع عليك
اتوحشت منك كلمه ، الله يحنن عليك
اتوحشتك منك نظره ، صعبان عليك
اتوحشتك كلك ، واللهي مشتاق اليك
قلتلي حجات كتير ، وعلقتني ليه بيك
ومنسيتش منهم حاجه ، فاكر كل لياليك
….
فاكر لما قلتلي نفسي اشوفك متخرج وتيجي بعربيتك تزورني
فاكر لما قولتلي هتحضر فرحي ، و هتيجي في الصباحيه تنقطني
و قولتلي كمان هعاكس مراتك ، وانا قلتلك مش هتقدر يا حبيب قلبي
فاكر لما في الشغل عورت نفسي ، وانتا قطعت جلبيتك و لفيت صابعي
علي فكره انا لسه مداويتش جرحي ، سيبته علشان دايما بيك يفكرني
لسه التعويره باينه في صابعي ، واتمني العلامه دي متتشالش مني
فاكر لما كنا بنولع نار علشان ندفي في عز البرد ، والنار كانت بتلسعني
وكنت تقولي خليك بعيد ، هي لوحدها هتدفيك اصبر عليها يا ابني
اديني صابر ، بس مكنتش اعرف ان الصبر حاجه بتخلص مني
فاكر لما كنت بحب اصطاد في الشمس ، وانتا كنت تملي بتزعقلي
فاكر لما كنت بجيبلك زيارتك ، وتقولي لازم تاخد تمنها مني
فاكر برده في يوم كنت جعان ، وانتا حسيت ولقيتك مره واحده بتأكلني
فاكر لما قولتلي انك تعبت و ووصلت ، وقلتلي لازم تتعب يا ابني
انا بتعب كل يوم دانا بقيت مهموم ، انا كبرت اوي من يوم مسبتني
فاكر برده لما كنت بتشوفني الصبح ، وتقولي وشك منور يا ابني
فاكر لما مكنتش بفطر ، وكنت بتقولي لازم تاكل الشغل هيهدني
حملتني المسئوليه من وانا في الابتدائيه ، حاجه زرعتها فيا
فاكر لما قولتلي اللي يغلط فيك ، سيبه وهيرجع يندم عليك
انا فعلا سيبته ، وحلفت برحمتك وقلتله مش عايز تاني الاقيك
فاكر لما قولتلي متبيعش اللي ليك ، علشان الناس هتضحك عليك
انا اسف انا بعت ، بعت نفسي ، بس انا واللهي ملقتش حد ينصحني
انتا اللي علمتتني اعمل الواجب مع الناس ، طلعتني راجل من الاساس
علمتني مخافش اللي بيخاف بينداس من الناس ، و علمتني الاحساس
من كتر ما اديتني طيبتك ، خلتني اطلع زيك ، خلتني احب كل الناس
بتديني كل حاجه ليه وتمشي وتسيبني ، انا واللهي مش قادر خلاص
انتا اكيد قاعد مع ربنا فوق ، قوله هو ليه مش في كل الناس اخلاص
انا بشتري ناس بعمري و بلاقيها بتبعيني ، هو احنا للدرجه دي رخاص
مش عايز اغير طبيعتي وابقي واحد معندهوش احساس ، و اجرح الناس
مش عايز اتغير ، علشان انتا حبيتني كده وانا صغير ، ادعيلي علي الدنيا اقدر
............
في حاجه عايز اقولهالك ، مش عارف صح ولا غلط بس هكتبهالك
في اليوم اللي انتا موت فيه ، كان يوم الاحد انا مش ناسيه
الناس اللي اتصلت كانوا بيقولوا انك تعبان
بس انا حسيت بيك اول معنيك غمضت
حسيت بيك اول مروحك من ربنا قربت
انا قعدت ابكي ، وكل الناس كان بتزعقلي
بيقولولي انك حي ، بس انا حسيت اني مش هشوفك تاني
مكنتش قادر اقف ، اول مره تكون رجليا مش شيلاني
وانا في الطريق رايحلك ، افتكرت معاك كل ايامي
ودمعي زاد قوي ، اكتر مره صليت فيها ، ومش هصلي تاني
كنت بقول لربنا لو بتحبني اوعي تخليه يفارقني في ايامي
بس انتا فارقتني وبعدك بقيت بعاني ، هو ليه ربنا مسمعش لكلامي
واول موصلت لقيت ناس بتنضف ، وناس رايحه هنا وهناك
مكنتش اعرف انها بتنضف المكان اللي هناخد فيه عزاك
الناس بتبصلي و ساكته ، مره واحده جرينا انا وابويا و اخويا عليك
دخلت بيتك لقيتك علي سريرك ، وكل الناس نايمه تحت رجليك
انا قعدت انده عليك ، بس ابويا قالي سيبه مش هيرد عليك
ابويا زعق فيا ، وقالي جدك مات ، واتأكدت لما مسكت ايديك
اول ممسكتها وسيبتها ، لقيتها وقعت بسرعه جنبيك
كل العيله كانت بتبصلي ، كانوا عارفين انا قد ايه متعلق بيك
كل الناس كانت بتقولي شيد حيلك ، وربنا يعزيك كان بيشكر فيك
كنت كل مبسمع كلمه عنك ، دموعي بتنزل عليك بفتكر كل ماضيك
و في الصبح قالوا لازم ننضف المكان اللي هندفندك فيه
انا اللي نضفتهولك بأيدي ، كان التراب اللي باقي من الناس ماليه
اول مدخلوك فيه ، دخلت معاك و بوست الصندوق اللي كنت فيه
وكلنا وقفنا وخدنا عزاك ، كل العيله كانت واقفه هناك
كل الناس جات وعزيت ، كل الناس اللي كانت حباك
ربنا يساعدنا بعدك ، المكان ملهوش طعم من غير هواك
انا بروح وبسأل عليهم ، و في الحزن والفرح بقف جنبيهم
بس مش كتير زي زمان ، اصلي الناس دلوقتي فيهم اللي مكفيهم
ومتخافش انا مش بتكبر عليهم ، دول ناسي وانا بفخر بيهم
....................
كان نفسي تكون عايش في الوقت دا
كل الناس بتيجي عليا ، مش قادر علي كل دا
....................
الحب دا مش هنلاقيه و مش هيتعوض تاني
الحب دا بجد ، مفيش حد بينتظر حاجه من التاني
متزعلش اي حد بيحيك ، اي حد يقربلك
محدش ضامن عمره ، لازم عليك يرضو
انتا متعرفش يعني ايه انك رايح تزور واحد
تلاقي نفسك رايح تدفنه ، في ثانيه مش بيكون معاك
خلاص مهما هتعمل ، هو مش هنا هو هناك
……….
2007
22-5-2010