lostlove
06-17-2010, 02:39 AM
بحبك يا امي ، متبكيش و متدمعيش
متتئلميش و متزعليش ادعيلي بس و متخافيش
ومتشليش الهم ومتتعبيش انا هقدر اعيش
ربنا بيعمل الصح ، انا هسكت وانتي متتكلميش
محدش عارف الخير فين ، و متقوليش مفيش
اهم حاجه رضاكي عليا ، وصلي تملي ليا
لما تتوحشيني بصي في اي صوره ليا
هتلاقيني بكلملك ، وهتحسي ان عينيكي في عينيا
ولازم تعرفي ان مفيش حد بيختار لنفسه القسيا
بس اللي بيصبرنا عليها ، كلمه منك فيها حنيا
الايام اللي جايه اكيد هتكون احلي من الايام ديا
والعيب مكنش في حد ، العيب يا امي كان فيا
متشليش من حد ، انا اللي اخترت الصعب بأديا
وكلنا بنتولد ضعاف ، وانا شويه و هقف علي رجليا
انا بتعب دلوقتي ، علشان عايزك لقدام تتشرفي بيا
وهخليكي تقعدي وسط الناس ومش هتبطلي كلام عليا
وهتقولي مفيش حد زي ابني ، اكتر واحد شال مسئوليا
وهشوفك بتضحكي ، وهقولك يا رب دايما تفرحي بيا
وانا مش زعلان من حد ، علشان هما برده مني وعليا
وانا دايما بديهم عزرهم ، علشان الناس دي ياما كبرت فيا
مينفعش انكر فضلهم حتي لو زعلوني ، برده ليهم خير عليا
ربنا يديهم الصحه وطولت العمر ، ويفرحوا زيك كده بيا
..............
ومتخافيش لو بتحبيني متخافيش
مفيش حاجه صعبه متتعقديش
كلو بيروح و بيعدي متقلقيش
مفيش حزن اكيد يا امي مفيش
مش عايز اسمع انك مبتفرحيش
...........
الايام هتعدي هوا وهتلقيني بخبط علي الباب
وهدخول وهبوس ايدك وهحضن كل الاحباب
وهبقي فرحه بجد ، فرحه لوقي من بعد بعاد
........
16-6-2010
متتئلميش و متزعليش ادعيلي بس و متخافيش
ومتشليش الهم ومتتعبيش انا هقدر اعيش
ربنا بيعمل الصح ، انا هسكت وانتي متتكلميش
محدش عارف الخير فين ، و متقوليش مفيش
اهم حاجه رضاكي عليا ، وصلي تملي ليا
لما تتوحشيني بصي في اي صوره ليا
هتلاقيني بكلملك ، وهتحسي ان عينيكي في عينيا
ولازم تعرفي ان مفيش حد بيختار لنفسه القسيا
بس اللي بيصبرنا عليها ، كلمه منك فيها حنيا
الايام اللي جايه اكيد هتكون احلي من الايام ديا
والعيب مكنش في حد ، العيب يا امي كان فيا
متشليش من حد ، انا اللي اخترت الصعب بأديا
وكلنا بنتولد ضعاف ، وانا شويه و هقف علي رجليا
انا بتعب دلوقتي ، علشان عايزك لقدام تتشرفي بيا
وهخليكي تقعدي وسط الناس ومش هتبطلي كلام عليا
وهتقولي مفيش حد زي ابني ، اكتر واحد شال مسئوليا
وهشوفك بتضحكي ، وهقولك يا رب دايما تفرحي بيا
وانا مش زعلان من حد ، علشان هما برده مني وعليا
وانا دايما بديهم عزرهم ، علشان الناس دي ياما كبرت فيا
مينفعش انكر فضلهم حتي لو زعلوني ، برده ليهم خير عليا
ربنا يديهم الصحه وطولت العمر ، ويفرحوا زيك كده بيا
..............
ومتخافيش لو بتحبيني متخافيش
مفيش حاجه صعبه متتعقديش
كلو بيروح و بيعدي متقلقيش
مفيش حزن اكيد يا امي مفيش
مش عايز اسمع انك مبتفرحيش
...........
الايام هتعدي هوا وهتلقيني بخبط علي الباب
وهدخول وهبوس ايدك وهحضن كل الاحباب
وهبقي فرحه بجد ، فرحه لوقي من بعد بعاد
........
16-6-2010