لعبه كرسى الاعتراف

المشاركة الأصلية كتبت بواسطة oja

لالالالا يا جماعه ازاي يعني محدش يقوم بالواجب مع بيشوووو
اه مصدقتى ياوجا


انت عارف اني ناويالك يا بيشو بس معلش اتأخرت عليك
عارف ومتاكد انى مش هخلص منك

بس يلااااااا نبتدي
يلا

_ اسمك وسنك وعنوانك و محل الميلاد ورقم بطاقتك الشخصيه ؟؟ يعني من الاخر تقولنا مين بيشوي ؟؟؟
اسمى بيشوى من اشمون منوفيه 21 سنه بكاليريوس تجاره

_ ايه رايك في المنتدي ؟؟
هو لسه موصلش للى بتمناه لسه بدرى شويه بس هو احسن من الاول بكتير

_ عرفت المنتدي منين ؟؟
انا مكنتش اعرف ان الكنيسه ليها منتدى وعرفت لما اتضرب اخر مره قررت انى اشترك فيه واحاول اعمل اللى عليا

_ مين في المنتدي مشفتهوش وتتمني انك تشوفه ؟؟
اتمنى اشوف اهل اسكندريه كلهم اللى احتلو المنتدى واتمنى اشوف الاستاذ ثروت بجد هتجنن واقابله بس كل شئ فى ميعاده

_ مين اكتر عضو بتحب موضوعاته ؟؟ ومين اكتر عضو بيضايقك ؟؟
الاستاذ ثروت وجيرمين , هو مفيش حد معين بيضايقنى بس انا بتضايق من اللى بلاقيه داخل يهرج

_ مين الاشخاص اللي بتحبهم في المنتدي ؟؟
كل واحد فى المنتدى ليه معزه عندى وبحبهم كلهم واتمنى انا كمان انهم يكونوا بيحبونى

_ في وجهه نظرك مين يستاهل يبقي المشرف الجاي ؟؟
مدحت وجيرمين

_ ايه اكتر حاجه بتضايقك في المنتدي ؟؟
الهزار , وعدم النشاط ان ممكن الموضوع يتحط باليومين ميتردش عليه

_ ايه اكتر قسم بتحبه وبتحب تدخله ؟؟
الشباب

_ ايه موقفك من الرسايل الخاصه بتاعته المنتدي ؟؟
انا بعتبرها وسيله كويسه ان الاعضاء يقربو من بعض ويعرفو بعض اكتر

_ ايه اكتر رساله جاتلك فرحتك ؟؟ واكتر رساله جاتلك كانت رخمه وزعلتك ؟؟
اى رساله بتجيلى بتفرحنى من قبل ماقراها حتى لو كان اللى جواها ممكن يضايقنى بس نشكر ربنا مفيش رسائيل لحد دلوقتى وصلتنى ضايقتنى

_ ايه رايك في لقب فنان المنتدي ؟؟ انا عن نفسي شايفه انك تستاهله وبجداره كمان ..
انا بحب اللقب ده جداااااااا لانى كنت مشترك فى منتدى قبل ده وكانو بينادونى بالفنان ودا يشرفنى فعلا انى اكون فنان زى مابتقولو

_ ونيجي بقي لبيشوي ....

_ بيشوي بيحب ايه؟؟ وبيكره ايه ؟؟
بحب الهزار جداا وبحب الاطفال موووووووووت وبحب الانسان المخلص
اكره الخيانه جدااااااااااا

_ ايه هي مميزات وعيوب بيشوي ؟؟
مميزاتى ان مبعرفش ازعل من حد عيوبى ممكن اكون عصبى لما بتضايق مبعرفش اتكلم مع حد ولو حد كلمنى ممكن ازعله من طرقتى

_ تتمني ايه نىونفسك يحصل ؟؟
اتمنى الاقى شغل مناسب وربنا يوفقنى فيه

_ ايه اخبار سنه 2008 معاك ؟؟
سنه فيها الحلو والوحش خلصت فيها دراسه وخدت البكاليريوس وخدت تاجيل من الجيش يعنى مبقتش دفعه
بس الوحش فيها انى لسه ملقتش الشغل

_ احلي حاجه حصلتلك في 2008 ؟؟ و اوحش حاجه حصلتلك ؟؟
خلصت فيها دراسه وخدت البكاليريوس وخدت تاجيل من الجيش يعنى مبقتش دفعه
بس الوحش فيها انى لسه ملقتش الشغل

_ ايه معني الحب بالنسبالك ؟؟
اللى بيحب امتلك الدنيا حتى لو كان الطرف التانى بيخدعه كفايه ان عاش اللحظه دى بصدق واتمتع بيها

_ حبيت قبل كده ؟؟ ولا بتحب ؟؟ ولا ايه ؟؟ ومش هاتنازل عن السؤال ده ..
حبيت قبل كده وبلاش احرج اكتر من كده

_ تفتكر ان الحب اقوي من الظروف ولا الظروف هي اللي اقوي من الحب ؟؟
فى حالتى كانت الظروف اقوى

_هو الحب الاولني مينفعش تحب بعديه ؟؟
لا طبعا من نعمة ربنا انه خلنا نحب اكتر من واحد بس هو صعب يتنسى

_ايه رايك في الحب من طرف واحد ؟؟ هو موجود اصلا ؟؟
انسان بيعذب نفسه وفى كتير بيخافو يخسرو الانسان ده بمجرد انهم يصارحوه


_الاعجاب بيتحول ازاي ويبقي حب ؟؟
لا فى فرق بين الاعجاب والحب الاعجاب انى معجب بشئ معين فى انسان وغالبا بتبقى ميزه
اما الحب انى احب الانسان ده بمميزاته وعيوبه

_ التضحيه في الحب ممكن توصل لحد فين في وجهه نظرك ؟؟
لاقصى درجه تتخيليها بس دا لو الحب صادق فعلا

_ ايه الحاجه اللي تشدك وتلفت انتباهك في البنت اللي قدامك ؟؟
حاجات كتير زى ادبها ورقتها وذكائها فى التعامل مع المواقف

_ لو مكنتش لسه لقيت حبيبتك .. ايه هي مواصفات فتاه احلامك وشريكه حياتك ؟؟
مرحه دى اهم حاجه عندى لانى بكره النكد جدا , ذكيه ومخها كبير , رقيقه , مؤدبه, جميله الجمال المعقول , منسقه وشيك فى مظهرها

_ اول حد بتجري عليه وتحكيله كل حاجه ؟؟
حاليا مفيش حد

_ امتي بتحس ان ربنا بعيد عنك ؟؟
عمرى محستها ممكن احس انى بعيد عنه لكن عمره متخلى عنى

_ مين هو شفيعك ؟؟
الانبا بيشوى والقديس ابانوب

_ ايه اكتر ترنيمه بتحبها ؟؟ ومين اكتر مرنم او مرنمه بتحب تسمعله ؟؟
وانت معاى , ماهر فايز وهايدى منتصر

_ ايه اكتر دير او مكان بتحب تزوره ؟؟
دير الانبا بيشوى بحس براحه فظيعه هناك

_ مين اهم شخص بالنسبه ليك ؟؟
كل انسان موجود فى حياتى مهم بالنسبه ليا

_ بتحلم لما بتنام ولا بتنام قتيل ؟؟
لا انا بحلم كمان وانا صاحى ونومى خفيف جدا

_ ايه معني الصداقه بالنسبالك ؟؟
الصداقه بير الاسرار لو مش مبنيه على المصلحه

_ حسيت بالظلم قبل كده ؟؟
المره اللى افتكرها كان فى شغل

_ انت بتقبل النصيحه ولا شخص عنيد وبتنشف دماغك ؟؟
لا انا من النوع اللى بسمع بس تفرق معاى فى الطريقه

_ فتره في حياتك عايز تنساها ومش عايز تفتكرها تاني ؟؟
فى فترات كتير نفسى انساها ونفسى لا لانى اتعلمت منها

_تفضل انك تكون شخص صريح ولا شخص مجامل ؟؟
نفسى اكون صريح لكن للاسف مبعرفش احرج حد

_ مين الشخص اللي بتتمني وجوده جنبك ؟؟
ربنا وهو موجود بالفعل واتمنى انه ميسيبنيش للحظه

_ايه رايك في التدبيسه دي ؟؟
هى تدبيسه زى العسل وانا حبيت اللعبه دى لانه قربتنا من بعض

_ياتري مين اللي هاينور الكرسي بعديك ؟؟
دى مفاجئه بس ممكن ناجلها لبعد الامتحانات


_ نفسك في ايه تتسئله انا مسئلتهوش ؟؟
انتى مخلتيش حاجه يا اوجا


بلاش تدعي عليا بعد الاسئله دي


ده انا حتي مرضتش اكتب ارقام جنب الاسئله علشان متعدهومش ومتعرفش هما كام سؤال

انا كده اخدت بشويه من طاري اللي عندك

علشان انا قولتلك الرحمه حلوه وانت مسمعتش الكلام


استحمل بقي يا بيشووو

كده دى اول عصره من اوجا والحمد لله جاوبنها بس انا بعتذر عن التاخير علشان ظروف النت

تمام يا بيشو وردودك كلها زي العسل

وانا كده ابتديت اعرف بيشو كتير عن الاول

ومستنين باقي الاجابات براحتك خالص بقي

المشاركة الأصلية كتبت بواسطة oja

العصره الاولنيه كانت متينه جدا
جداااا

دي بقي عصره علي خفيف كده

وكله علشانك يا بيشوووو



ايه هوياتك ؟؟
الاركت والكمبيوتر

اسم ولد بتحبه واسم بنت ؟؟
اسم ولد مايكل اسم بنت ماريان

لو بقيت مسئول مهم وشخصيه مهمه تحب تكون انهي شخصيه ؟؟
عمرى مفكرت فى حاجه زى كده بس لو اكيد يبقى ممكن وزير التعليم لان التعليم عايز يتعدل وهو اساس اللى احنا فيه

تفتكر ايه من ايام الطفوله ؟؟
ايام الحضانه كانت اجمل ايام

انت شخص متفتح ومتفاهم ولا سي السيد شويه ؟؟
شويه من دى وشويه من دى

ايه رايك في لبس البنات اليومين دول .. ايه تعليقك عليه ؟؟
هو الحقيقه بقى اوفر اوى بس طبعا مش الكل بقى كده فى بردو بنات لبسها شيك وفى نفس الوقت مش اوفر , تعليقى ارحموا الشباب

لما بتيجي تعترف في حاجه بتخبيها علي اب اعترافك ولا بتقوله كل حاجه مهما ان كانت ؟؟
لا كل حاجه بقلهالوا والا مش هعترف

ايه موقفك من الكوره .. انت اهلاوي ولا زمالكوي ؟؟
انا كنت باللعب كوره بس مش من هواة الفرجه لكن اول ماتش اتفرجت عليه كان الاهلى والزمالك بتاع 6\1 من ساعتها بقيت اهلاوى بس بردو مش كل الماتشات بتفرج عليها المهم بس

ليك في المطبخ والاكل ولا مش بتعرف ؟؟
يعنى على قدى انا كنت قضيت سنه فى السادات كنت قاعد فى مدينه جامعيه يمكن ده اللى خلانى اهتم بالمطبخ شويه

ايه الاكله المفضله .. وايه الاكله اللي بتعرف تعملها لوحدك ؟؟
الملخويه والسمك , من غير تريقه البطاطس دى احسن حاجه بعرف اعملها حتى زمايلى شكرو فيها جدا

هاااااا......

كدا تانى عصره من اوجا عدت على خير

يا بيشوووووووووووووووووووووووووووي انت مقولتيش مين اللي بعديك ؟؟؟
هات بقي حد نفرمه ونعجنه ونطلع منه كل اللي احنا عايزينه ؟؟؟

ياجماعة برضو لسه مش حددنا ان كنا هنوقف اللعب ولا لأ

[align=center]

المشاركة الأصلية كتبت بواسطة oja

حظك بقي ولازم تستحمل
وحظك ان النت خربان عند كله
اما خربان وكل الاسئله دى امال لو سليم يا اوجا كنتى عملتى فيا ايه
بس يلا مفيش رحمه
.........

لو طلبوا منك في المنتدي انك تطرد عضو .. هاتطرد مين ؟؟
اطرد عدو الخير اللى دايما بيكون سبب المشاكل


في حاجه عايزه اعرفها .. هو بولا ابن اختك وانت خاله وكده يعني ولا ليه هو بيقولك يا خالي ؟؟
لا هو مش ابن اختى بس فى صلة قرابه بس هو بيحب يقولى ياخالى حتى اصحابه اتنقلت لهم العدوه

بس علي فكره لو طلعت خال هاتبقي خال صغير اوي بس جامد
ممكن اخليه يقلك ياخالتى عادى فى بيتها


ايه رايك في حب النت ؟؟
لا مش معاه لان غالبا الواحد بيبقى مبهم للى بيكلمه


في رايك ان في حاجه موجوده اسمها حب وارتباط من النت ؟؟
لا طبعا

انت ممكن ترتبط بانسانه عرفتها من النت ؟؟
لا مستحيل

مين الشخص اللي ليه تأثير في حياتك ؟؟
هو ممكن اكون متاثر شويه ببن خالى

ايه هي الحاجه اللي بتنرفزك ؟؟ قولي علشان اعملها ..
لا طبعا مش هقولك

مين العضو اللي انت حاسس انه مجهول بالنسبالك وعايز تعرف عنه كتير ؟؟
مينا


لو معاك فلوس وعايز تجيب لحد هديه .. هاتجيبها لمين وليه ؟؟
هجيب الهديه اللى بيطلع من العلبه حاجه تنط كده
وههديهالك اخلص بحقى من اللى انتى عملاه فيا


ايه الموضوع اللي قريته في المنتدي ومش قادر تنساه ؟؟
اربع شمعات الموضوع ده لسه فكره ومعلق معاى اوى

كده انا خلصت اسالتك يا اوجا لو عندى حاجه تانيه انا مستنيها

انا مش عارف انتى بتجيبى الاسئله دى كلها منين


[/align]

شطوووووور يا بيشو هاجيبلك شيكولاته ومصاصه كمان

بس علي فكره بجد الاسئله دي كلها انا عملتها ليك وكلها من عندي انا

بس في شويه اسئله انا هاغشها منك معلش بس انت لازم تتسئلهم

وكده يبقي انا اخدت بطاري تالت ومتلت


..........
اختار العضو المناسب للقب من وجهة نظرك

شعلة المنتدى
تاج المنتدى
العضو المتميز
العضو صاحب الاخلاق العاليه
العضو صاحب افضل ردود
العضو صاحب الطله البهيه
العضو صاحب المساعده للكل
العضو صاحب افضل توقيع
العضو البسيط..قليل التواجد والتفاعل
العضو صاحب القلم الجريء
العضو الوفي للمنتدى
العضو صاحب التشجيع بالمنتدى
العضو صاحب افضل التصاميم
العضو صاحب افضل المواضيع
العضو المثقف
العضو صاحب العطــــــاء
العضو ثقيل الدم
العضو الجريئ
العضو المرح


اختار لنفسك لقب هتختار ايه ؟؟

هههههههههههههههههه جاااااااااااااااااوب يا بيشووووووووووووي دا انت يا عيني عليك بيتهيئلي مش هنشوفك تاني في الكنيسة وانا هضيف شوية اسئلة صغنين من عندي علشان اقولك كل سنة وانت طيب
1- موقف حصلك من المنتدي من احد الاعضاء ونرفزك جدا ؟؟؟
2- اكتر موقف اتحرجت فيه ؟؟؟
3- موقف مش ممكن تنساه ؟؟
4- موقف كل ما تفتكره تزعل ؟؟
5- موقف كل ما تفتكره تفرح ؟؟؟

ونشوفك بقي في موقف العربياااااااات

حتى انتى ياتويتى دا انا قولت اننا ولاد بلد واحده يعنى هتقفى جنبى مش كفايه عليا اوجا

بلا ولاد بلد بلاع كلام فاضي جااااااااااااااااااااااااااااااااووووووووووووووووو ووووووووووب يا بيشووووووووووووووووو