انا ومنتدى أفا تكلا ومشاكلك

انا شايفه طالموا انتوا بتحبوا بعض ومتفهمين يبقي تتكلموا سوا وتحلوها مع بعض
كمان اعرفي الكلام اللي اتقال ايه يمكن يكون وصل له غلط وهو ساعتها يبقي عنده حق يزعل
بس حاولي ان اختك وجوزها ميعرفوش حاجه علشان النفوس متبقاش شايله من بعضها
وكمان لو هو بيضايق من كلامك الكتير عنهم حاولي تقللي ده

والاحسن بقي واللي انا شايفاه انك تهتمي بعيلته واهله هو شويه
يعني تسئلي علي مامته واخواته هو يمكن عدم اهتمامك باهله هو اللي مخليه مش عايزك تهتمي باهلك

حاولى تفهمى منة هو لية مضايق من ك لامك معاهم وفهمية ان دى اختك يعنى مينفعش تبعدى عنها ومتكلميهاش وقوليلة هل انت تقدر تبعد عن اخواتك ومتكلمهمش واعرفى اية السسب واتناقشوا فية بالتفاهم وبهدوء

وولو كان زوج اختك اتكلم علية كلام من وراة قوليلة يكلمة ويقولة انت قولت عليا كذا كذا ويواجهة يمكن يكون مظلوم ولو قال فعلا كلام علية هيقدروا يتناقشوا فية ويحلو المشكلة

وكونى حكيمة وهادية لما تتكلمى معاة علشان ميضايقش لان الغضب والعصبية وحشين وبيجيبوا نتيجة عكسية

ويارب اكون قدرت افيدك باى حاجة
وربنا معاكى
وصلى لاجلى

ربنا معاكوا وتحلو مشكلات

هاي بولا اشكرك على ارسال المشكلة ولكن هناك نقطتين فاتوا من حضرتك

1- المشكلة السابقة لم تغلق بعد وبكدة هايكون رد الاعضاء على مشكلتك ولا المشكلة السابقة؟
2- ان المفروض تبعت الرسالة للمصري الاصيل في رسالة خاصة وهو يكتبهالنا هنا ةبكدة الاعضاء تقدر ترد عليك
وشكرا

اوك شكرا لتنبيهك

بســم الاب والابن والروح القدس الاله الواحد امين

من أجل هذا يترك الرجل أباه وأمه ويلتصق بامرأته , ويكون الاثنان جسدا واحدا , فالذي جمعه الله لا يفرقه انسان "

حضرتك بدأتى رسالتك نشكر ربنا بأنكم واخذين بعض عن حب وتفاهم و ما يحب يقبل ما لايحب من من يحب فالحب فعلا يصنع المعجزات ويذيب الصخر كما قال الكتاب المقدس المحبة قوية كالموت مياه كثيرة لا تطفئ المحبة لأنه ببساطة شديدة الله محبة

وعلى الرغم من وجود هذا الحب الا انه قد يتعطل هذا الحب وتتأثر الثقة والصراحة بين الزوجين لعدة أسباب منها :

( 1) ان احد الطرفين يخبى حاجة عن التانى .
( 2) دخول طرف تانى بين الطرفين بحيث يوقع بينهم والميل لتصديقه اكثر من الشريك الأخر وده واضح ان حضرتك بتقولى ان زوجي بيقولي ان زوج اختك اتكلم في حقه من وراءه كلام مش كويس .
( 3 ) عدم الحكمة في بعض التصرفات يعنى عمل اشياء مشكوك في امرها من احدهما او من الاثنين وقد يكون كلامك الكثير عن زوج اختك يثير غيرة زوجك ويثير الشك فى نفسه على الرغم من حبه الشديد ليك ..
( 4 ) ضعف الحياة الروحية للأسرة ( غياب المسيح عن المنزل ).

عليـــــــــك ان :

1. استعمال الصراحة بينكم حتى تتلاشى الافكار الوحشة عشان تتوطد العلاقة والصداقة بينكم .
2. إدرسوا الكتاب المقدس سويا فكلمة الله مسئولة عن تطهير ضمائركم من كل ظن سئ او شر كما انها تقدس بيتك وتحميه من كل اعمال ابليس وبتزيد ايمانك بقدرة الله فى تغيير هذا الواقع وتزيل الهم والنكد اللى بينكم ولا تنسى ان كل شئ يتقدس بكلمة الله والصلاة أكرر كل شئ يتقدس .
3. ادخال المسيح فى المنزل حتى يسود السلام بينكم فهو رئيس السلام ومكمله .
4. وجودمذبح عائلى فى منزلك والصلاة سويا .
5. لابد من وجود اب اعتراف بينكم يكون مرشدا ليكم
6. التناول من الاسرار المقدسة سويا يجعل التفاهم سريعا ويجعل الحلول ممكنة لكل المشاكل ممكنة .
7. عاملى أقارب زوجك وعائلته بإحترام وباهتمام مساوى بنفس اهتمامك باسرتك ده هيحط انطباع عنده ان عيلتك هى عيلته وعيلته هى عيلتك .
8. خدى بالك من شيطان المخدة وده شيطان صغير اوى بس عفريت يعنى لو نمتم انتى وجوزك مختلفين ومتخانقين اول ما تحطى راسك على المخدة يطلع لك من تحت المخدة ويمشى شريط المشاكل اللى بينكم ده حتى ممكن يجيب لك حاجات من ايام الخطوبة عشان كده صفى اول بأول مع زوجك لان تراكم المشاكل بيعمل اثر نفسى وجسدى ورحى (اغضبوا ولا تخطئوا.لا تغرب الشمس على غيظكم ( اف 4 : 26 ) .
9. زوجك هو ابنك البكر لازم يحس انه نمرة 1 فى حياتك ولو تسرب اليه احساس اخر ده هيزعله ويخليه يتلكك لك ويفتعل معك المشاكل على اتفه الاسباب زوجك هو نمرة 1 قبل اختك وزوج اختك ليس معنى ذلك ان تنقطعى عن اهلك لكن اقصد وجود الحكمة .
10. فحكمة المرأة تبنى بيتها وبالحماقة تهدمه بيدها (ام 14 : 1 ) المرأة الحكيمة تقدر تحافظ على بيتها تقدر تصنع سلام فى البيت وشوفى حضرتك ضعى سلام بيتك وهدوءه فى كفة واى شىء اخر فى الكفة التانية فيه امور كتير لازم نمررها بدل ما الامور ديه تمررنا ( تجعل حياتنا مرة ) .
11. اخر حاجة عاوز اقول لحضرتك عليها انكم فى غربة فكونى معين ونظير كما هو قصد الله من خلق المرأة ان تكون معينا نظيرا له ( وقال الرب الاله ليس جيدا ان يكون آدم وحده.فاصنع له معينا نظير تك 2 : 22 ) .
12. لابد ان تتحققى ان هل فعلا زوج اختك قال عليه كلام مش كويس ومن هو الشخص الذى قام بنقل هذا الكلام واذا كان ذلك صحيحا فعلى زوج اختك ان يعتذر له او يوضح له انه لم يقصد المعنى الذى وصل له ولكن دون ان تعرفى اختك وزوجها انه يوجد مشاكل بينكم بسببهما حتة لا يحدث شرخ فى العلاقة بينهما اكثر من ذلك .

هختم كلامى مع حضرتك انا عارف انى طولت عليك بشىء عن القديسة مونيكا فقد كانت الزوجات المسيحيات كثيرا ما يعرضن احوالهن مع ازواجهن على القديسة " مونيكا " ام القديس اغسطينوس , ويشكين لها مصابهن , ويتعجبن كيف تعيش مع زوجها براحة وسلام , مع انه مشهور بشراسته وغضبه الشديد , فكانت تجيبهن بالقول : " انه اذا احتد وغضب , فاني اسكت سكوتا تاما , بل كثيرا ما انشغل بالصلاة في اثناء هياجه وسخطه , وعلى هذه الصورة يسكن غضبه ويهدأ اضطرابه , فأعيش معه بحب وسلام حتى اني قد استملته الى المسيحية . فافعلن مثل ذلك تعشن ورجالكن , براحة بل تقدسن
انفسكن ورجالكن .

والله قادر ان يتدخل سريعا فى حل هذه المشكلة وسلام المسيح يكون معك

المشكلة رقم ( 4 )

انا شاب وكنت ذات يوم جالس على احدى الكافتريات بمدينة سياحية اتردد عليا كثيرا وبجلوسى جلست معى احدى الاقارب من البنات واثناء الحديث معها وجدت احدى الفتيات تسلم عليها وجلست معانا فكنت عادى جدا فى الحديث وتكلمت معها وحدثتها وحدثتنى فى مواضيع عادية وبعد يومين خرجنا كلنا للنزهة وعند جلوسنا فى احدى الاماكن نظرت اليها نظرة عاطفية ثم هى كذللك نظرت اليا نفس النظرة وجاء وقت وقبلنها فتمشيت معاها فقالت انتا بجد رائع ومؤءدب وقلتلها كدة بردو نفس الكلام فقالتلى اية رايك لو نحب بعض فلم اجاوب عليها لانى كنتى محرج جدااااااااااا من ذلك فقلت لنفسى فى هذة اللحظة (اية يلا اانتا عبيط هتحب واحدة نظرت اليها مرة واحدة ومكملتش اسبوع على معرفتها ) فقلت لهل مش عارف الى انتى شايفاة انا بجد حبيت كلامك واسلوبك وتركنا بعض لمدة3 ساعات واتصلت بيا باليل قالتلى انا زهقانة وعايزة اخرج فقلت لها اوكى اتشيكت طبعا وخرجنا لمدة 5 ساعات من الساعة 9 حتى الواحدة والنصف تقولى عن جميع علاقتها بينها وبين الناس وتشرحلى اسلوبها وحالتها يعنى توصف نفسها وفضلنا على الحال دة اسبوع نخرج ونتكلم وفى مدة هذا الاسبوع لم اعرف انها ( غير مسيحية ) ففوجئت بذالك فحبتها واحبتنى فهى بردة واقعة فى المشكلة دى وبتحبنى وبحبها مش عارف اعمل اية


انتهت الرسالة كما وردت من اخونا العزيز .....

اخى العزيز ... اختى العزيزة ....المشكلة ديه يا احبائى لخطورتها لابد من ان الجميع يدلى برأيه

شارك اخوك برأيك ... شوف تنصحه يعمل ايه ... ويتصرف ازاى فى هذه المشكلة

من فضلكم الكل يشارك فى هذه المشكلة ....

اكيد وبدون ادني شك لازم يقرب من ربنا ويقرا الانجيل ويروح لاب اعتراف فورا ويبعد عن السكة دي لانه مينفعش يكون تفكيرك انك تمشي في السكة دي لان مينفعش النور يمشي مع الظلام وربنا يفتح قلبك وتقرب منه

اولا انا عايز اعرف هو عنده كام سنه

ثانيا انا بصراحه مش فاهم منين جت تسلم علي قريبتك
ومنين مكنتش تعرف انك مسيحى
ولو تعرف كانت بتبدأ ليه من الاول

على العموم ابعد عن الحكايه ديه وحاول التحكم فى نفسك
لانها ديه فتره اسبوع بس والحمد لله انها مكبرتش


ربنا يوفق

بصراحه الموضوع مهم جدا جدا جدا
انا من رايى البسيط جدا
ان الشاب ده فعلا يقرب من ربنا اكتر ويستشير اب اعترافه وهو اكيد عارف اب اعترافه هيقوله ايه (انه يبعد عنها وكده)
وحكاية الحب دى انت ممكن لما تبعد عنها شوية بشوية هتنسااها
و انت اكيد عاوز اللى تحبها ترتبط بيها
والانسانة دى مش هتناسبك للارتباط خالص
ده لو انت عاوز تستمر فى حياتك المنيرة بالمسيح طبعا
يارب اكون قلت راى مفيد لحل المشكله
ربنا يحميكوو