البنت الجامده او الاستايل يعنى ايه عند الشباب

[align=center]
انا بجد مش قادر افهم المصطلحات الغريبه دى
هما مش كانوا بيقولو باين ان الجمال جمال الروح مش جمال الشكل وان البنت باخلاقها وصفاتها وشخصيتها . ...مش بشكلها

ياناس الجمال دا مش مقياس نهائى..ماهو ممكن واحده تكون فى غايه الجمال ولكن ف نفس الوقت شخصيتها مش حلوه واخلاقها مش تمام ودمها تقيل

وعلى فكره الجمال دا احيانا بيكون نقمه مش نعمه على البنت وعلى الولد الى مرتبط بيها كمان
لانه اكيد طبعا هيخاف عليها من الهوا وهيغير عليها جدا حتى من نفسه
هاتقولى مش شرط ودا بيرجع للبنت نفسها وانا مدام واثق فيها يبقى خلاص هابقى مطمأن عليها و....
هاقولك انت بتضحك على نفسك ولا علينا يعنى
انت مهما اظهرت ليها كده فانت اكيد من جواك خايف عليها اكتر من نفسك وبتغير عليها من الهوا

والطبيعى ان الغيره الذايده بتقتل الحب ودا انا متاكده منه..لان مع الوقت هى هتحس انها مخنوقه ومحبوسه ف افكارك المريضه دى ...يعنى دا على اساس انك من اخوانا الى دماغهم متركبه شمال وفاكرين انهم بيتعاملو مع حاجه من ممتلاكتهم ملهاش حق الاعتراض ولا حتى المناقشه
وطبعا انا مقدرش اعمم لان فى شباب كتير اوى دماغهم كبيره وبيفهمو ان دى انسانه ومن حقها انها تعيش براحتها زى ما انت عايز ولكن طبعا فى حدود الادب والاحترام
وعلشان برده مبقاش ظلمت الشباب

نتكلم مع البنات شويه

عايزاكى برده تحطيلى مفهوم للشاب الاستايل او الجامد او المعدى ..يعنى زى ما بسمع

مع ان عمر الرجوله مكانت بالجمال او بالمظهر
والى هتختار شريك حياتها على اساس الجمال بس ان شاء الله وبدون مقاطعه كده هتاخد فوق دماغها ياريت اسمع تعليقاتكم الجميله اللي ها تفيد ناس كثيره

د / سوزى يعقوب
فى احدى محاضراتها فى الكليه الاكلريكيه +++صلوا من اجلى+++

[/align]

جميل اوى يا بو شوكرا ليييك

شكرا يا تكلا لمرورك جداااااااااا

ميرسى جدا بولا
بس فعلا الجمال مش كل حاجه لا عند البنت ولا عند الولد
فى حاجات تانيه اهم
ربنا يعوضك موضوع حلو خالص

شكرا يا مارو لمرورك الجميل دة

انت المفروض يابولا يمسكوك اشراف الشبابيات

بص يا بولا زى ما ماور قالت بظبت
فى بنات بتكون جمال لكن روحها من جوه مش حلوه سلوكها مش كويس

اهم حاجه يا بولا العلاقه بنها ويين ربنا شكلها ايه

ايوة فعلا يا ارسانى شكرا لمرورك انتا ومايكل