انا ومنتدى أفا تكلا ومشاكلك

بنعمة المسيح يا اخواتى سنغلق النقاش حول هذه المشكلة غدا ان شاء الرب وعشنا فمن منكم يريد ان يقول رايه قبل ان نرفع هذه المشكلة لوجود مشكلة أخرى نريد عرضها على حضراتكم فليتفضل وتذكروايا أخوتى اننا كلنا هنا ايد واحدة اسرة واحدة والمسيح يعوض كل من شارك برأيه فى هذه المشكلة

انا من راى (4)
انة اكيد لازم يسيبها محدش عارف ممكن تاثر علية اكيد وبردو يشير اب اعترافة وهو لازم يكرر هو ولا ربنا لانها غير مسيحية
واكيد مش هتناسبة خالص ولازم تكون علاقتة بربنا اقوى من علاقتة بيها
بجد مش عارفة اقول اية تانى
بس كان نفسى افيدك بحاجة رب المجد ينورلكم طريققم

انا راي انها استغلت موضوع ان الشباب عاطفي و دخلت من الباب ده
عايزة اقولك كويس ان الوضوع في اوله و انك ملحقتش تتعلق اوي
و انك اكتشفت و بدبت تفكر في حل حالا
و ان كان على الحب فانت لسى شباب و اكيدددد مش هي دي اللي ربنا محضرهالك تكون زوجة المستقبل

بسم الأب والابن والروح القدس اله واحد أمين

لاتكونوا تحت نير مع غير المؤمنين.لانه أية خلطة للبر والاثم.وأية شركة للنور مع الظلمة

.

الابن الحبيب في الرب يسوع والغالى جدا على قلبه واللى دفع فيك تمن غالى أوى هو دمه وكمتن الغالى على قلب اخواتك هنا فى المنتدى.

أولا قبل كل شىء اسمح لى ان ألخص ملاحظات اخوتك والواضحة جدا وهى :

1) حضرتك بتقول انك كنت جالس ومع احد اقاربك واثناء حديثك مع قريبتك اتت احدى الفتيات تسلم عليها وجلست معاكم وأكيد قريبتك عرفتكم على بعض واكيد هذه الفتاة فهمت انك مختلف عنها فى الديانة ومع ذلك استمرت معك فى هذه العلاقة .

2) وبعد يومين فقط من التعارف تخرجوا مع بعض كلكم وتصارحك بحبها ليك وده شىء غير طبيعى فى مجتمعاتنا الشرقية ان تتجرأ الفتاة وتعلن عن حبها لشاب كل مدة معرفتها به يومين او حتى لو اكترمن كده فهذا شىء غير مألوف فى مجتمعنا .

3)جرأة الفتاة غير العادية فى اتصالها بيك وتطلب منك الخروج معها ليلا وتظل هذه الفتاة خارج المنزل حتى الواحدة والنصف صباحا وأكرر حتى الواحدة ونصف صبلحا تقولك عن جميع علاقتها دون حساب لأهلها .

4) كيف فوجئت انها ( غير مسيحية والمفروض انها صديقة قريبتك وأكيد عرفتكم ببعض وأكيد صديقة قريبتك تعلم انها مختلفة عنها فى الديانة .

5) انبعاث رائحة غريبة من وراء هذه الموضوع وتوقع اخواتك ان يكون فيه شىء يدبر ليك .

نصائــــــــــح اخواتــــــــك ليــــــــك :

1) لازم تقطع علاقتك بيها فورا لأن أية شركة للنور مع الظلمة عمرك شفت نور وضلمة فى وقت واحد انت لما بتدخل غرفة ضلمة بمجرد ما تحط ايدك على زرار النور والنور يولع الضلمة تمشى فورا لأن عمر النور ما يختلط بالظمة . وديه حقيقة بيعرفها كل واحد فينا . عشان كده ازاى يكون فى حياتك هذا الخلط المفزع خلط بين نور الحياة مع المسيـــــح , وبين ظلمة الحياة فى العالم ؟ هل يتفق روح المسيـــــح وروح بليعال ( الشيطان ) ؟ إن بسبب هذا المزج انت بتمزق حياتك, لا ترتبط فى دخولك وخروجك ومعيشتك مع إنسان لا يؤمن بالنور . وليس له شركة مع الله لأن ده هيفسد حياتك .

2) اوعى تقولى انك مش قادر والكلام ده لأنه فى النهاية الحب ده هيبقى قصاد حبك لربنا يا تختار المسيح يا تختار هذه الفتاة ديه اللى هى اصلا مش بنت المسيح و بتضحك عليك وبتتسلى بيك اوعى تخلى الشيطان يضحك عليك و يقولك انها بتحبك و بتخاف عليك كلنا سمعنا الاف القصص و النتيجة واحدة هى انك فى النهاية ( اذا استمريت فى هذه العلاقة ) حتسيب المسيح و تغرق فى وحل الخطية وتجيب المشاكل لنفسك ولأهلك وللمنطقة التى تعيش فيها بل وستكون سبب فى الاعتداء على الكنيسة و ساعتها الموضوع هيبقى صعب التخلص منه و انت لسه على البر اقطع كل صله بيها .

3) موضوعك ده مش ممكن يكون حب الحب شىء جميل لكنه نوع من التعود او التعلق العاطفى و لو شغلت نفسك باى حاجة تانيه هتنساه خالص و نصيحتنا كلنا ليك انه فعلا تنساه، و العادة اللى انت اتعودت عليها فى موضوع خروجك معاها ممكن تستبدل بعاده تانية يعنى ممكن فى الوقت ده تقوم تصلى و تكشف لربنا كل مشاعرك زى ماهى و هو امين انه يخلصك من اى مشاعر غريبة دخلت و عششت جوه قلبك و تاكد انه ربنا هيفرحك فى الوقت المناسب بحب يملا قلبك بجد مش حب يضرك ويضر اللى حواليك .

4) مهم جداً تعرف وتتأكد إن العلاقة ديه مش مقبولة أمام الله وبالتالي علشان تستمر فيها يبقى إنت بتطنش ربنا علشان تعيش حياتك. وبتقول لربنا بعد اذنك خليك انت على جنب .. لازم تقرر فورا قطع هذه العلاقة لازم تقطع أي وسيلة للتواصل بينكم يعني لو بتتواجدوا في مكان واحد بطل تروح هذا المكان وامسح نمرتها من على الموبايل - إعمل بلوك على الماسنجر لو كنت بتكلمها عليه .

5) لازم تجاهد بكل قوتك, و الجهاد هنا بيبقى جهاد روحي يعنى لازم تكون بتصلي وتقرا في الكتاب المقدس كل يوم على الأقل و تطلب معونة يسوع و كمان لازم تعرف أب اعترافك او اى خادم كبير فى كنيستك أو أى شخص حكيم حضرتك بتثق فيه .
6) الموضوع ما زال صغير لكن مع الوقت هيبقى الموضوع كبييييييييييير أوى أوى لكن دورك فيه مهم أوي لأنه محدش هياخد القرار دا غيرك صلي واطلب من ربنا انه يديلك قوه ونصرة على التجربة الصعبة اللي انت فيها .

7) المسيح مستني يساعدك و يقف جنبك بس إنت تطلب. يسوع عايز يشوفك كمان قد إيه انت بتحبه بطريقة عملية.....و اللي بيحب حد لازم يعمل الحاجة اللي تبسطه واللى يبسط يسوع انك تمشى فى النور وتترك الضلمة لانك انت ابن النور مش ابن ضلمة .

8)بسم يسوع المخلص اللى سفك دمه على الصليب من اجلك ..... كل اخواتك وأنا بنطلب منك تراجع كل أفكارك و اسلوبك و إبتدى من جديد و حط إيدك في إيد يسوع...
كلنا هنصلى لك أن الرب يباركك و يجعلك راجل بجد في الإيمان والرب معك.

نختم كلامنا مح حضرتك بهذه الايات 2 كو 6 : 14- 18

14 لا تكونوا تحت نير مع غير المؤمنين.لانه اية خلطة للبر والاثم.واية شركة للنور مع الظلمة. 15 واي اتفاق للمسيح مع بليعال.واي نصيب للمؤمن مع غير المؤمن. 16 واية موافقة لهيكل الله مع الاوثان.فانكم انتم هيكل الله الحي كما قال الله اني سأسكن فيهم واسير بينهم واكون لهم الها وهم يكونون لي شعبا. 17 لذلك اخرجوا من وسطهم واعتزلوا يقول الرب ولا تمسوا نجسا فاقبلكم 18 واكون لكم ابا وانتم تكونون لي بنين وبنات يقول الرب القادر على كل شيء .

المسيـــــــــــــــح معـــــــــــــاك ويقويــــــــــــــــك

المشكلــــــة رقــــــم ( 5 )
والمشكلة كما وردت من اختنا :

أنا فتاة مشكلتى انى بحب شخص حب من طرف واحد ومش قادرة انساه خالص زياده عن سنه بحاول اتناسااااااه ومش قادرة والحمدلله انا تمام فى دراستى بس المشكله دى تعبانى نفسيا ومش لاقيه اى حل .
بليز ساعدونى لانى تعبت فعلا وطبعا انا مقدرش اروح اقوله انى بحبه حتى لو كده بقولكو حب من طرف واحد انا عارفه ان المشكله صعبة بس بليز ممكن يكون عندكو انتو حلووووووول تانيه وانا بقابل ولاد كتير وفيهم مميزات حلوة واى حد يحبهم بس مش قادرة انسى الشخص واحب اى حد تانى بجد ساعدونى انا اسفه طولت عليكو
صلو من اجلى


انتهت الرسالة كما وردت من اختنا

شارك اختك برايك وتنصحها تعمل ايه فى هذه المشكلة

انا راى 1-تحاولى تعرفية عن طريق غير مباشر انك بتحبية
2-ممكن تعرفية عن طريق بنت بتصقى فيها وهى تقولو
3-انا لومكانك هاولو عادى بس هو يكون شخص كويس
يارب تعجبك الحلول واتمنى تتحل مشكلتك

عارفة الحب حاجة حلوة بس لازم تعرف هو بيحبك ولا لا
وعلي فكرة الي قالة بولا من احسن الحلول

ياريت الناس تشوف حل للمشكلة دى

سلام ونعمة
الاول الحمدلله انك تماااام فى الدراسة ومش مقصرة المشكلة عليها
ثانيا انت ممكن تقولى لاب اعترفك و هو ممكن يتكلم مع الشخص دا بطريقة مش تحرجك
وبعدين انتى شوفى ممكن الشخص يكون مرتبط مثلا ومش تعرفى
ولو هتقولى لو واحدة صحبتك تكونى واثقة فيها بجد

وربنا يوقفك و برتب اللى فية الخير ليكى

يعني انتي مش موضحه ايه سبب المشكله بالظبط يعني مثلا السن هو اكبر منك ادايه وانتي اتعرفتي عليه ازاي يعني مش حصل بينكم كلام علشان تقدري تتعرفي عليه اكتر وايه الاسباب اللي خليتك تتعلقي بيه وتحبيه طيب مش ممكن يكون مرتبط بغيرك بصي ادرسي الموضوع واتكلمي مع حد كبير يكون يعرفه وافتحي قلبك بالشى اللي بداخلك علشان نقدر نساعدك اسف ان طولت عليكي بدون افاده