#1
|
|||
|
|||
بنت الجيرااااان
بنت الجيران
ونبدأ الحكاية دى حقيقية حصلتلى بجد أيام الشقاوة... الحكاية بتبدأ من حوالى سنتين.... العفش بينزل من على عربية النقل... و أنا واقف فى البلكونة.. وبسأل امى (إللى كانت واقفة تنشر الغسيل): هو فى حد هيسكن هنا ولا إيـه يامـاما ؟ قالتلى اه يا حبيبى دى الشقة إللى قصادنا قلتلها ويا ترى عرسان جداد ولا عيلة وبتعزل ؟ قالتلى والله يابنى مانا عارفة قلتلها طيب.. يا خبر انهاردة بفلوس.. بكرة يبقى بفلوس اكتر.. و بعد أسبوع...... أمى واقفة بتنشر الغسيل بردو.. وأنا واقف جنبها بردو.. وبتقولى: مش السكان الجداد وصلوا خلاص قلتلها يا شيـــــخة! قالتلى: اه.. مرات الراجل عدت عليا انهاردة وسلمت عليا وعرفتنى بيهم قلتلها: إيــه بقى عرسان جداد ؟؟ قالتلى لا دول أسرة.. عندهم ولدين وبنت قلتلها خير.. خير.. (والشر بيبظ من عينيا) و أثناء الحديث الشيق ده.. طلعت مامت الولاد م البلكونة.. ولما شافت أمى هزت راسها - بتسلم على أمى يعنى -.. وطبعا أمى ردتلها الهزة - بترد السلام يعنى - و بعدين طلع ولد صغير إبتسم لنا أول ما شافنا.... أصل البلكونة فى وش البلكونة , بس هم مركبين ستارة وإحنا مش مركبين ستارة... بس باين عليهم ناس طيبين اوى... المهم.. الأم ندهت لبنتها... الحقيقة أنا كنت أول مرة فى حياتى أسمع الاسم إللى هى ندهت بيه.. أول مرة أعرف إن فى بنت اسمها كده أصلا... الأم بتنده: يــــــا روفيدة (على وزن بثينة , بضم الراء يعنى) إسم جامد مووووووت... عجبنى الاسم اوى... وبدعى ربنا تكون رُفيدة حلوة زى إسمها.. و طلعت روفيدة من ورا الستارة فـى حركة Slow Motion من بتاعة الافلام.. و أنا متنح تتنيحة سودة... روفيدة طلعت أحلى من إسمها.. جميلة جمال لا يوصف... ناصعة البياض.. مش قادر أرفع عينى من عليها.. مينفعش أرفع عينى من عليها أصلا... فضلت متنح لحد ما شافتنا أنا وأمى.. لما شافت أمى إبتسمت لها.. و لما شافتنى زى ما تكون شافت عفريت ودخلت على جوه جرى... و تمر الأيام.. و مشكلتى ان البلكونة بتاعتنا تدخلها من اوضتى.. عشان كده فى الرايحة والجاية ابص اشوف روفيدة واقفة ولا لأ.. ساعة ما الاقيها واقفة.. اطلع البلكونة.. مرة اعمل نفسى بتكلم فى التليفون.. او بشم الهوا مثلا - مع إن الدنيا تراب وعفرة - او بلعب عشر ضغط.. أى تلكيكة والسلام الغريب إنها كانت فى الأول لما تشوفنى تروح داخلة جرى على جوه.. لكن بعد فترة لاحظت إنها مكانتش بتدخل أول ما تشوفنى.. وكانت بتفضل واقفة هى كمان... بقيت فى عز الشمس أقف.. لحد ما أعرق واجيب جاز.... فى عز البرد واقف بتكتك م البرد واقف بالساعات مدام روفيدة واقفة... أرمى نظرة.. إبتسامة.. أشاور و كانت هى بتكتفى بالإبتسام وعلامات الخجل... و ف يوم من ذوات الأيام.. بشاورلها.. شاورتلى بقيت هطير م الفرحة.. روفيده شاورتلى يا جدعان... قعدت أتنطط ع السقف وأغنى وحياة قلبى وأفراحه.. و هبا إيـه هبا أه.. إن شاء الله هنظبط إمتى بقى اتكلم معاها ونهزر سوا... لحد ما جه اليوم... أنا راجع م مشوار.. وعلى أول الشارع شفت أمى واقفة مع مامت روفيدة.. و المفاجاة: روفيدة واقفة معاهم لقيت نفسى بجرى زى شخصيات الكرتون .. نصى التحتانى بيجرى قبل نصى الفوقانى تشووووووووو... لحد ما بقيت عندهم.. عرقان طبعا وبنهج وحالتى حالة... نزلت عليهم زى الباراشوط.. إزيك ياماما.. إزيك يا طنط عاملين إيه... و بصيت لرٌفيدة.. كانت بصالى وبتضحك.. كانت زى القمر اليوم ده.. ولابسة تى شيرت حمالات - أصل الجو كان حر اوى اليوم ده - قلتلها: إزيك يا روفيدة ؟! و كان رد فعلها غير متوقع بالمررررة... كان صدمة حقيقية بالنسبة لى.. لقيتها بتمد ايديها وبتسلم عليا... و بتقولى: الحمد لله.. إزيك إنت ؟؟! رحت مسلم عليها.... و قلتلها: الله يسلم قلبك يا روح قلبى.. و رحت بايس إيديها.... و رحت شايلها........... و قلتلها: إنتى عندك كام سنة بقى ؟؟ قالتلى عندى 3 سنين رحت بايسها تانى وأنا هطير م الفرحة وفضلنا نلعب ونضحك ونهزر... لحد ما مامتها شالتها وطلعوا البيت و من يومها وأنا وروفيدة اصحاب... كل ما تطلع البلكونة نلعب ونهزر مع بعض ايه منتظرين ايه طلعت عندها 3 سنين اومال انتو كونتو فكرين ايه هههههههههه تعيشو وتاخدو غيرها |
05-12-2008, 10:40 PM | رقم المشاركة : [2] |
مراقب و مشرفة قسم التأملات و القسم الطبى
|
هههههههههههههههه انا بصراحة كنت بفكر نحذف الموضوع ههههههههههه
|
05-12-2008, 11:44 PM | رقم المشاركة : [3] |
خـــــ الانبا تكلا ــــام
|
جمده مووووووووووت يا نورا بجد
انا اعد متابع واشوف لحد الاخر وفى الاخر 3 سنين حرااااااااااااام بجد مرسى على الموضوع الجامد ده بجد |
|
|
05-12-2008, 11:59 PM | رقم المشاركة : [4] |
|
هههههههههههههههههههه
انا فضلت متابع لان بمر بظروف شكلها واشوف انت كانت هتعمل ايه بس طلعت عندها 3سنين الموضوع جامد اوي يانورا |
05-13-2008, 07:37 PM | رقم المشاركة : [5] |
|
ههههههههههههههههههههههههههههههه
ههههههههههههه مش قادرة ابطل ضحك يا نورا فعلا اندمجت مع القصة ربنا يباركك |
|
|
05-13-2008, 08:42 PM | رقم المشاركة : [6] |
عضو مبارك
|
ههههههههههههههه
حلوه يا نورا اووووووووي نهايه غير متوقعــــــــــــــــــــه معقول روفيده يطلع عندها 3 سنين بس يا خساره |
05-13-2008, 09:27 PM | رقم المشاركة : [7] |
زائر
|
ههههههههههههههههههههههه استناهاااااااااااااااا اعبال لما تكبر
|
05-13-2008, 11:22 PM | رقم المشاركة : [8] |
مراقب عام و مشرفة منتدى الشباب والشبات
|
يا تي كميلة ... تبقي تمسكلوا الشمعة في الفرح .... بجد قصة تحفة يا نورا
|
|
|
05-14-2008, 02:57 AM | رقم المشاركة : [9] |
|
تتربي في عزك
|
05-14-2008, 05:46 PM | رقم المشاركة : [10] |
عضو مبارك
|
ميرسى اوى يا شباب يا سكر نورتونى
سون سون,ارسانى, مينا , توتا, اوجا , بولا, تويتى, ابن حبيب البابا نورتوا يا احلى شباب |
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
حكاية بنت اسمها مريم | Misho Fayez | منتدى القصص | 3 | 05-30-2011 08:41 PM |
مبروك بنت البابا | jesus's girl | منتدىالمناسبات السعيدة | 13 | 04-20-2010 05:18 PM |
استخدمات حديثة للاب توب | بنت البابا | المنتدى الفكاهى | 4 | 03-05-2010 05:10 PM |
بنت دمها شاربات | bethoven | المنتدى الفكاهى | 1 | 12-01-2009 03:48 PM |
لاب توب مقاوم للصدمات | the black eagle | العالم فيه ايه | 14 | 12-13-2008 12:01 AM |