#1
|
||||
|
||||
حوارات مع قبعات التفكير
حورات مع قبعات التفكير والان: معنا قبعات التفكير، وسوف نطرح عليهم جميعا سؤالا واحداً: ما رأيك فيما يحدث من حوادث موجهة لتجمعات مسيحية؟ وحبيت ان اسمع صوت العقل اولا لذلك اعطيت المجال للقبعة البيضاء (العقلانية) وجاء الرد كالاتى: الاحظ 1. زيادة في معدل حدوث هذه الحوادث في الوقت الراهن، 2. والاحظ زمن حدوث هذه الحوادث في بداية العام الميلادى الجديد ، 3. الاحظ لم يصدر احكام قضائية في كل هذه الحوادث والقديمة والحديثة (مثل الكشح- نجع حمادى- ابوطشت) 4. الاحظ المكان في شمال- وصعيد مصر 5. الجانى احيانا ارهابى- واحيانا بلطجى- واحيانا من الاهالى 6. اسباب الحوادث اما بسبب بناء كنيسة جديدة- او اهداف ارهابية- او يغيب السبب كحادثة نجع حمادى 7. لا وجود لقانون يحدد بناء الكنائس وده امر غريب 8. العلاقات الاجتماعية جيدة وبعد ان انهت القبعة البيضاء كلامها عقًبت القبعة السوداء (التشاؤمية ) وقالت: انتوا عافين شعارى في الحياة (ما فيش فايدة) . المسيحيين في مصر مضطهدين واتكلمنا كتير ، وهو هو السيناريو بيتكرر ( بحذافيره)، تحدث المشكلة ثم يعملوا تطييب وجبر خواطر وقعدة عرب ولا يصدر أي حكم قضائي، وقانون بناء الكنائس( مرمي) في الدرج بقاله سنين والاغانى الوطنية مش بتقضى مصلحة. وانهت القبعة السوداء كلامها وبيني وبينكم قولت الحمد لله انها خلًصت علشان ماكنتش عايزها تتكلم كتير لكن لازم تقول رايها ولا يجب ان اتجاهلها ، ونظرت للقبعه الحمراء (العاطفية) ووجتًها حزينة ولكن عندما طلبت منها ان تقول رايها ردت بانفعال شديد وحرقه : الظاهر المسحيين اصبحوا ملطشة للرايح واللي جاى ومالوهومش (دية) احنا مش عارفين نفرح في الاعياد مش عارفين نفرح بكنيسة جديدة ، لازم نعمل تدويل للقضية ونطلب الحماية الخارجية حتى لو كانت من اسرائيل . وتفهمت انفعال القبعه الحمراء مع انى مش موافق على كل حاجة بتقولها، ثم اصبح عندى اشتياق كبير لمعرفة راي القبعه الخضراء (ذات النظرة الابتكارية) لانى احب هذه القبعة جدا وتربطنى بها علاقة شخصية قوية ،وقالت : 1. احنا لازم نعرف اسباب هذه الحوادث لكي نضع الحلول المناسبة ، 2. قانون بناء دور العبادة الموحد لازم يطلع، 3. القضاء لازم يحكم بالعدل في الحوادث الكبرى الحساسة ذات الشكل الطائفي ، 4. تيار العقل من الطرفيين (المسيحيين والمسلمين) لابد ان يسود على تيار التطرف المتبادل -- اللى بصراحة سيبقى لكن ممكن ترويضه --. لازم يدافغوا عن وحدة البلد ويحتووا الانفعالات ويبقوا اكبر من اى انفعال وينوروا على الناس حتى لا نضل الطريق 5. النفخ في النار سيزيد الخساير واخفاء النار ليس حلا لكن الحل في الحل ثم سكتت القبعة الخضراء (مع انى كنت عاوزها تتكلم على طول وما تسكتش ابدا بس انا عارفها كلامها بحساب ) وحبيت اختتم بالقبعه الصفراء (المتفائلة دائما ) وقالت بهدوء : ياجماعة اللى حصل حصل ولكن المهم ان نستفيد من اللى فات ولانكرر نفس الاخطاء ونبقى بنلف في دائرة مفرغة والمستقبل هايكون احسن لما نعرف اسباب المشاكل ونعمل بامانة على حلها والمسلميين ( دول اهلنا) وعايشين مع بعض على الحلوة والمرة والاغلبية المسالمة مش مسؤلة عن المتطرفيين ،والمسيحيين فيهم متطرفين مش هانسمح لهم يقودونا لان القائد لازم يكون حكيما يقود سفينتنا بهدوء لبر الامان .نعبٍر عن مشاعر الاسف والحزن ولكن بدون ياس ولا نستسلم للحزن ويكون تفكيرنا ايجابى للبنيان وكل مصرى مسؤل عن مستقبل هذه البلد المظلومه معانا ، احنا مش عارفين قيمة البلد اللي قال عنها ربنا (مبارك شعبى مصر) ولا عارفين قيمة نفسنا اللي باركنا ربنا من الاف السنين ده احنا مليانين خير وبنفرح باى عمل تطوعى بس مش لاقيين اللي يوجهنا ،ويا اهلي هلم نتعاون على البر وعلى كل الخير والصالح لهذا البلد وهيفضل كتاب التاريخ به الصفحات المضيئة والصفحات المظلمة بس المهم نستفيد من اخطائنا.ولا مفرمن ان المستقبل يكون احسن والان : كل قبعة قالت رايها وبقيت القبعة الزرقاء (القيادية) اللى بتسمع كل الاراء وتنسج منها قرارها النهائى ونحن في انتظار راى القبعة الزرقاء .................................................. ............ .................................................. .................................................. .................................................. .................................... ......................................ياريت لو حد عنده القبعة الزرقاء يقولنا قالت ايه ؟؟؟ .............................................. |
مواقع النشر (المفضلة) |
الكلمات الدلالية (Tags) |
التفكير, حوارات, قبعات |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
التفكير النظري والحياة العملية ...!!! | little angel | منتدى قداسة البابا شنودة | 4 | 01-23-2011 06:08 PM |
التفسيرالطبي لحالة عدم التفكير بعد تناول طبق كامل من الفول | pinknora | المنتدى الطبى | 10 | 03-09-2009 06:05 PM |
التفكير قبل النوم | jesus_4ever | المواضيع العامة | 8 | 09-24-2008 09:37 PM |
التفكير قبل النوم خطير جدا | theblackdragon | المنتدى الطبى | 4 | 09-17-2008 04:47 PM |
التفكير حلو | kerllos23 | المنتدى الفكاهى | 3 | 09-14-2008 06:31 PM |