إيه هو سر القلقاس والقصب فى عيد الغطاس؟؟؟؟؟؟

سلام المسيح
اولا احب اقول لكل الاعضاء كل سنة وجميع الاقباط بخير دايما برعاية المسيح

ثانيا انا حاولت اجمع اغلب المعلومات اللي بتتكلم عن الغطاس ويارب تكون سبب افادة ليكم

وديه قصة صغيرة بتوضح سر القلقاس والقصب في عيد الغطاس

توتة: كل سنة وأنت طيبة يا شيري الشهر ده فيه أعياد كتيير أوي حلوة وجميلة وفاضل كام يوم على عيد أنا بحبه إسمه ............. عيد الغطاس


شيري: كل سنة وأنت طيبة؛ فعلاً عيد الغطاس من الأعياد الجميلة فى كنيستنا، انت عارفة أنهم كانوا بيسموه بعيد الشموع أو عيد القصب والقلقاس كمان.

توتة: عيد القصب والقلقاس!!!!!!!!!!!!!! أنا مش فاهمة حاجة ؟؟؟ إيه دخل القصب والقلقاس بالعيد؟؟؟

شيري:دي أصلها عادة قديمة عندنا، لأننا لقينا إن القلقاس والقصب فيهم رمز للمعمودية.
توتة: (بإستغراب): للمعمودية!!!
شيري: أيوة رمز للمعمودية .... القلقاس مثلاً علشان تطبخه الأول بنغسله ونغطسه فى الميه السخنة عشان ينضف، تمام زي الإنسان إللي بيتعمد بيغطس فى ميه المعمودية وينضف من خطاياه القديمة.

أما القصب كانوا زمان بيحطوا شمع فوقيه بيرمز لنور الروح القدس، ويدوقوا حلاوته، زي الإنسان إللي بيتعمد بياخد بركة المعمودية ويدوق حلاوة ربنا.

يا ترى عرفتي بقى إيه هو سر القلقاس والقصب فى عيد الغطاس؟؟؟؟؟
عادة ولكن هل لنا ان نتأمل
ان عيد الغطاس هو عيد الظهور الالهى (الابيفانيا)وقد نأكل القصب كنبات ينمو فىالاماكن الحارة ،وربما يذكرنا ذلك بأن حرارة الروح يجعل الانسان ينمو فى القامة الروحية ويرتفع باستقامة كاستقامة هذا النبات(اقصد القصب)
نبات القصب ينقسم الى عقلات وكل عقلة هى فضيلة اكتسبها فى كل مرحلة عمرية حتى نصل الى العلو
بداخل القصب نجد القلب الابيض
والقلب الابيض مملؤ حلاوة
فالمستقيم القلب ينبع من قلبه الحلاوة وكل المشتهيات
يذكرنا هذا النبات بضرورة العلو فى القامة الروحية وافراز الحلاوة من قلوب بيضاء نقيه،تعتصر من اجل الاخرين فتعطى شبعا
هذه الكلمات ما هى الا تأمل بسيط

في عيد الغطاس تمتلئ البيوت "بالقلقاس" وليس عبثاً نأكل هذا الطعام بالذات في عيدالغطاس،
فهناك أطعمة كثيرة أشهي منه، لكننا في الحقيقة نأ كل القلقاس لأنه يقربنا من معمودية المسيح،
ففي القلقاس مادة سامة ومضرة للحنجرة، وهي المادة الهلامية، إلا أنهذه المادة السامة إذا اختلطت بالماء تحولت إلي مادة نافعة، مغذية،
ونحن من خلال الماء نتطهر من سموم الخطية كما يتطهر "القلقاس" من مادته السامة بواسطةالماء!.-
والقلقاس يدفن في الأرض ثم يصعد ليصير طعاماً، والمعمودية هي دفن أو موت وقيامة مع المسيح، ولهذا يقول معلمنا بولس الرسول "مدفونين معه في المعمودية التي فهيا أقمتم أيضاً معه" (كو 2: 12) (رو 6: 4).- والقلقاس لا يؤكل إلا بعد خلع القشرة الخارجية، فبدون تعريته يصير عديم الفائدة، فلابد أولاً من خلع القشرةالصلدة قبل أكله، ونحن في المعمودية نخلع ثياب الخطية لكي نلبس بالمعمودية الثياب الجديدة الفاخرة، ثياب الطهارة والنقاوة، لنصير أبناء الله."
يارب تكون عجبتكم
في انتظار ردودكم
صلو لاجلي

لا بجد موضوع جميل يا ميكو وانا فعلا كنت عاوز اعرف ليه القلقاس بالذات

ربنا يباركك

شكرااا ليك ميكو على المعلومة الجميلة دى
ربنا يبارك خدمتك

ميرسى جوزيف على مرورك