انا ببكي و كل مسيحي بيبكي ( شهداء اسكندريه )

انا هكلمك يا رب ما انا مليش غيرك
هكلمك كلام من القلب علشان تحس بينا

انا مسيحي وصليبي هو اللي هيتكلم
ارهابي خد ولادي ، ولامتي هفضل متحمل
تعبت انا ، سكت انا ، اتالمت وحقي هيضيع مني انا
وليه الدنيا قاسيا عليا بس انا


وانا ليا رب حنون ، انا عاقل مش مجنون
قادر يجبلي حقي ، وانا مش هسكت وهكتفي بدموعي
انا هصرخ لازم اقول: ارحمني من العذاب
ارحمني يا رب الارباب ...

الناس مش حاسه بينا ، دي شهداءنا كتير عندينا
يا يسوع ارحم اهالينا ، يا يسوع بص علينا
هتحس بكسره فينا ، هتبكيك اوي دموع عينيا

وازاي امسك نفسي وانا بجمع كل حته في ابني
ازاي ، ازاي متقولي اتحمل والدم دا دمي
ايوة انا هصلي بس انتا اسمعني
الناس قامت علينا وانتا بعينك شايفني
كسرت نفسي وخدت اهلي وانا جرحي مئلمني
متسبنيش يا ربي متسبنيش وهاتلي حقي

احنا قطيعك ودايما ماشيين وراك
بس لو في حد دبحنا اكيد الباقي هيترجاك
الخراف مش بتتكلم بس نظراتها الجرح فيها
هتغضب و هتثور وهتهدي لما انتا هتحميها

انا ببكي وكل مسيحي بيبيكي
وبدل منفرح بسنه جديده في العيد هنعزي
ومين ليه نفس يضحك ، الدم دا دمنا
مش هنسكت غير لما تجيبلنا حقنا
واحنا مش خايفين بس احنا فيك واثقين
وعيالك زي مانتا شايف غالبانين
بس في لحظه هتلاقيهم مستقوين


وانا مش هسامح في حقي
ودم اسكندريه دا دم ابني
عزيني و فيهم فرحني
امسح دموعي و ريحني

................
الي شهداء اسكندريه
يارب صبر اهاليهم
كل مسيحي مدايق عليهم
وعزينا وخلي عينك علينا
انتا قادر علي كل حاجه
مش عايزين نسمع انفجار في كنيسه تاني
ادخل يا رب تعبنا في بلد ملناش كلمه فيها

............
3-1-2011

انا مسيحى وصليبى هو اللى هيتكلم