معلش يا امي

معلش يا أمى مش هقدر أجيبلك هديه عــــــــــــيد الأم السنة دى

أسف ياغالية مش بإيدى يلا أهى البركة برضة فى إخــــــــــــــواتى

عارف أكيد لسه شايفة دمى السايل فى شوارع نجع حــــــــــمادى

إوعى تكونى لسه شايله همى ده أنا قاعد فى حضن الفـــــــــادى

بجد يا أما ما تزعليش إيه ياحبيبتى ليه كده ؟؟ لا ما تدمعــــــيش

صدقينى ياعمرى ولا بلاش عمرى ده لأنه بقى ما يـــــساويـــــش

صدقينى يا ست الكل نفسى أجيلك أعيد عليكى ولا تعيـــطيــش

نفسى أجى أبوس إيديكى و أخلى الفرحة دايــماً ما تساعكيـــش

فاكرة يا نبع الحنان هدية عيــد الأم اللى فـــات ولا أنا مجبـتــلكيش

معلش مش فاكر أصـــل صـوت الرصاص فى ودانى ما مشيـــــش

أنا مش فاكر غير حضنك يا ست الكل أصلك فى الحب ما تتوصيـش

يلا مش هطول عليكى فى الكلام أصل أنا عايزك ما تصدعيــــش

كل اللى عايز أقولهولك عيد أم سعيد عليكى يللى منك مفيــــش

قبل ما امشى سلميلى على ابويا واخواتى أرجوكى ما تنسيــش

سلام ياغاليه هجيلك قريب اوى ما إنتى عارفة الموت ما
يبعدنيش

شكرا يا ميرنا كلمات مؤثرة جدا جدا ربنا يبارك فى خدمتك ويعوضك

ميرسي لمرورك الجميل يا استاذي ربنا يباركك

بجد كلمات جميله جدا جدا جدا يا ميرنا دا انا عيط وانا قاعده ربنا يبارك حياتك

ميرسي لمرورك الجميل يا ديدي ربنا يباركك

كلمااات مؤثرة جداااا جداااا جدااا وجميلة اوي بجد.....
.ميرسي لتعبك ومحبتك الجميلة دي يا ميرنا

ميرسي لمرورك توتا ربنا يباركك

حلوه اوى يا ميرنا تسلم ايدك يا جميل

مبرسي يا نورا ربنا يباركك

كلمات موثرة وجميلة موووووت ربنا يبارك خدمتك الجميلة ياميرنا ميرسى ياقمر.