|
|
|
#1
06-11-2009, 05:29 PM
|
|||
|
|||
قصيدة يوسف
*** قصة يوسف ***
الرب خلق الجمال ووزعه على البشر وكان نصيب مليون في وجه يوسف انحصر ******* كان الجدع مزيون بصورته وأخلاقه سبحان رب الكون كشف ليوسف أوراقه ******* ورى له بالاحلام حجات علبال متخطرشي ورى له حيكون ايه بس الغلام مافهمشي ******* وراح يخبر أبوه واخوانه عن ألأحلام ويسال ايه يا ترى مخبية ألأيام ******* أبوه فهم ألقضية وعرف ان الولد موعود اتعلق قلبه بيوسف وحبه ليه فاق الحدود ******* لكن الحسد والغيرة أكلت قلوب اخوانه لعب الشطان بقلوبهم ضحك وبانت أسنانه ******* دبرو لو خطة دنيئة لأجل ما يخلصوا منه يموتو صاحب ألأحلام وخافوا ليحملوا دمه ******* كان فيه بير مهجور وكان خالي من المية رموه فيه بدون رحمة ولا شفقة وحنية ******* وفجأة ظهرت تجار وكانت مصر وجهتهم تشاوروا يبيعوا الواد ولا حد يدرى بفعلتهم ******* رجعوا بدونه لأبوهم وقالوا ان الوحوش أكلوه وجابوا قميصه معاهم بعد ما بالدم لوتوه ******* قطع هدومه وبكى لحد ما عميت عنيه يدعو ويقول يا رب كل دة بيجرى ليه ******* أنا عندي اتناشر ولد ويوسف بينهم الغالي ليه قوام يتخطف وتضيع معاه آمالي ******* ولمن جم لأبوهم لأجل ما ا يعزوه رفض يقبل تعازي وللحسرة والمرارة سبوه ******* وقال راح انوح عليه طول ايامي وسنيني لحد ما اقابله هناك واملي بنظرته عيني ******* نرجع نشوف الصبي وأيه الي يجرى له لما أشتراه الخصي وامنه على كل أسراره ******* خدم يا عيني بأمانة وحافظ على مواليه وعمل بكل مجهوده لأجل ما يرضيه ******* وكان الرب مع يوسف ونجحه في كل أعماله وبارك لأجله المصري هوه وبيته وأمواله ******* لكن الشيطان غدار ما رضيش بنجاح يوسف ودبرله قوام المكيدة وكان شيء فظيع مؤسف ******* ويوم ما كانش يستناه كانت تجربة مرة طلبت مرات فوتي فار تعاشره مرة ورا مرة ******* قال لها دي خطية وأنا ما أقدرش أأديها هرب لكن الصبية فضل قميصه بايديها ******* صرخت وقالت تعالوا وشوفوا العبيد يا ناس بتتعدى على ألأسياد وألشرف بقى ينداس ******* ولما سمع جوزها بألغيظ اتملا قلبه رماه قوام في السجن ولاحدش وقف جمبه ******* لكن ربنا ما سابوش وبسط من لطفه عليه في السجن خلاه بركة ونجح له أعمال ايديه ******* واتسجنوا معاه اتنين حلموا واحتاروا بتعبرها سمع يوسف لرؤياهم وقص عليهم تفاسيرها ******* واحد حلمه مشؤوم والثاني كان للخير حكى له يوسف قصته وليه النهاردة أسير ******* قال له في يوم ما تعود وتسقي الملك بأيديك احكيله حكايتي يجوز يقبل ويسمع ليك ******* نسي صاحبنا يوسف وراحت القصة من باله وفي يوم حلم فرعون واحتار المفسرين باحلامه ******* ولما الساقي افتكر يوسف وتفسيره المزبوط حكى لفرعون الحكاية وبات الملك مبسوط ******* استدعوا قوام يوسف وقال جيبوهولي بالحال دخلوه على فرعون وهوه على أحسن حال ******* سمع روايا الملك واتوكل على مولاه وبحكمة من رب السما فسر للملك رؤياه ******* حتشوف سبع سنوات بألخير عليك جايين وبعدها يكون الجفاف لسبع سنوات تانيين ******* مولاي عليك بالحكمة لما الخير عليك يجود علشان بوقت الشدة تلاقي القوت موجود ******* فرح فرعون بكلامه وقال دة فيه روح الله وزيه مفيش مسؤول يهتم بالبلد و يرعاه ******* وبقى يوسف بأمره ثاني رجل في مصر يحكم ويؤمر وينهي وعاش عزيز بألقصر ******* كان عمره تلاتين سنة لما جوزوه أسنات خلف منسي وافرايم وعاشوا بثبات ونبات ******* ولما السنين عدت ودارت عليه الأيام حصل اللي كان منتظر واتحققت بقة ألأحلام ******* الجوع بالدنيا اتنشر والناس مالقتش القوت لكن بحكمة يوسف حمى البلاد مالموت ******* كان يعقوب يوميها شيخ كبير بالعمر قال يا اولاد سمعتم الخير كتير في مصر ******* روحوا اشترولنا قمح قبل ما نموت بالجوع بعت ولاده العشرة واستعجلهم بالرجوع ******* دخلو بمصرعلى يوسف وسجدوا له بوجوههم عرف قوام اخوته ولا عرفوش بانه اخوهم ******* سألهم عن قصدهم وهمه جم امنين ...... حكوا له حكاية أبوهم وهوة موجود فين ...... ******* قال اثبتولي كلامكم وبانكم صادقين ....... وان انتوا مش جواسيس جيبوا لي بنيامين ....... ******* وبعد ما حط اخوانه في السجن تلات ايام قال شمعون يتسجن لحد ما اتجيبوا الغلام ******* فجأه ضميرهم صحي وافتكروا عملوا ايه بيوسف لما ترجاهم ولا حدش حن عليه ******* ولما يوسف سمع الكلام اللي اتحكى مقدرش يحبس دموعه وركن على جمب وبكى ******* امر يوسف بتذويدهم بالقمح وكل ماطلبوه ورجع الرجال لأبوهم وباللي جرى خبروه ******* رفض يعقوب الحكاية وقال بنيامين مايروحشي كفاية عدمت واحد والتاني بأيد ماترحمشي ******* ولما الجوع عليهم زاد والموت كان بألأكيد قبل المسكين بأمره واستسلم قوام للشديد ******* سابلهم بنيامين يخدوه بعد ما وعدو بضمانه ودع ولاده بالألم وبقى غارق بأحزانه ******* وصل الرجال لمصر ودخلوا ليوسف في بيته قال حضروا وليمة جيه اليوم اللي استنيته ******* ولما دخل عليهم سجدو وقدمو هداياهم شاف أخوه ابن امه نسي اللي شافه وياهم ******* احشائه حنت لأخوه ماقدرش يحبس انفاسه انزوى بركن وبكى واخفى عليهم احساسه ******* أكل ألرجال وشبعو وحملو اللي قدرو عليه شكروه وابتدو سيرهم وغابوبعيد عن عنيه ******* وبعد ما ابعدوا عن المدينة بشوية قال للحرس الحقوهم وعايزهم يرجعو لية ******* رجعم قوام ليوسف وهمة بصحبة الحراس قال لهم انتو تمشو ويبقى الي معاه الطاس ******* لقيو وعاء الشراب في عدال بنيامين .... قال ليه تجازو الخير بألشر يا خاينين..... ******* قالو منقدرش نرجع لأبونا احنا من غيره أرجوك ارحم شيبته واشفق على مصيره ******* صرخ بصوت عظيم وصرف الموجودين وعرف نفسه لأخواته وصارو مرتعبين .... ******* قال أنا يوسف أخوكم بعتوني بدون رحمة كان قصدكم للشر وكانت لربنا حكمة ******* يا ما أحلى اللقا بعد الغياب يا ناس اتعانق ألأخوان ... والخصام انداس ... ******* قال روحو لأبوكم قولوله اني بخير جيبوه وكل ماليه دة الخير حدانا كتير ******* بالحال عملو الوصية وعلى كنعان طوالي جابو يعقوب معاهم واتلم شمله بالغالي ******* قال له بكيت كتير على فراقك ياولدي لحد النظر ماراح وراح معاه سعدي ******* يوسف كان قديس ومن الرب تأييده حط ايده على أبوه رجع النظر على ايده ******* واتلم شمل ألأحبة من بعد طول غياب فرح يعقوب بيوسف والعيش من تاني طاب ******* وآدي حكاية غريبة ما غريب الا الشيطان فاكر بجولة يكسب ويضحك على ألأنسان ******* لكن الجولة ألأخيرة محسومة بنصر أكيد للي عألأرض جانا محقق لنا المواعيد ******* اتجسد وعاش معانا بآيات ومعجزات ... وقالو خلصنا منه على الصليب دة مات ******* لكن بكل عظمة داس عالموت وقام وهوه عايش ليومنا بيدعو كل ألأنام ******* اقبل يا خاطي وارجع أهو ابينده عليك يعطيك حياة ابدية وينسى قوام ماضيك **************************** يوسف الياس متى : عيلبون , ألأراضي ألمقدسة . **************************** ملاحظة : أنا لا أمانع بنقل ألقصيدة لأي منتدى آخر بشرط كتابة اسم ألكاتب , حفاظا على الحقوق ألأدبية , وشكرا . 
|
|
06-11-2009, 05:35 PM
|
رقم المشاركة : [2] |
|
|
شكرا كثيرا علي هذه القصيدة الرائعة
|
|
|
|
|
|
|
06-12-2009, 01:37 AM
|
رقم المشاركة : [3] |
|
امين الخدمة
|
وكان الرب مع يوسف ونجحه في كل أعماله وبارك لأجله المصري هوه وبيته وأمواله رائع جدا اخى يوسف ربنا يبارك فى خدمتك ويعوضك ومنورنا فى المنتدى ومنتظرين المزيد |
|
|
|
|
|
|
|
06-12-2009, 02:12 AM
|
رقم المشاركة : [4] |
|
|
شكرا كتير ليك يوسف بجد القصيده جميله جدا
ربنا يبارك تعب خدمتك |
|
|
|
|
|
|
|
06-12-2009, 07:36 AM
|
رقم المشاركة : [5] |
|
|
أشكركي أختي ألمباركة مافو على رسالتك أللطيفة وألمشجعة . وليبارك ألرب حياتك وخدمتكي لمجد اسمه ألقدوس . أخوكي في ألمسيح يوسف متى . |
|
|
|
|
06-12-2009, 07:41 AM
|
رقم المشاركة : [6] |
|
|
أشكرك أخي ألحبيب ألمصري ألأصيل على رسالتك أللطيفة وألمشجعة .وأشكرك على ألترحيب ألحار , وأعدك بنشر ألمزيد من ألقصائد قريبا بمعونة ألرب . وليبارك ألرب حياتك وخدمتك لمجد اسمه ألقدوس . أخوك في ألمسيح يوسف متى . |
|
|
|
|
06-12-2009, 07:45 AM
|
رقم المشاركة : [7] |
|
|
أشكركي أختي ألمباركة دودو على رسالتكي أللطيفة وألمشجعة . وليبارك ألرب حياتكي وخدمتكي لمجد اسمه ألقدوس . أخوكي في ألمسيح يوسف متى . |
|
|
|
 |
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| القديس يوسف النجار | MrMr | منتدى رجال ونساء الكتاب المقدس | 7 | 07-11-2010 09:52 PM |
| قصيدة فى حب مصر | NASEEM | المنتدى الادبى | 0 | 06-27-2010 08:22 PM |
| يوسف | sasso | منتدى رجال ونساء الكتاب المقدس | 3 | 04-22-2010 04:16 PM |
| قصيدة حب مجنووووونة | بولا رفقى | المنتدى الفكاهى | 10 | 08-25-2008 12:54 PM |
| قصيدة اعجبتني | بنت الانبا تكلا | المنتدى الادبى | 5 | 07-05-2008 02:31 AM |
العرض العادي
