#1
|
|||
|
|||
حوار شاب مع جدته ... سمعها تقيل شويه!!
هو : إزيك يا ستى .
هى : بنتى .. إيه بنتى دى يا قليل الأدب . هو : يا ستى بقولك إززززززززززيك يا ستتتتتتتتتتتتى . هى : أنت بتزعق ليه يا واد أنت أنا بافتكر بتقول بنتى . هو : بتفتكرى إيه !! هو أنتى يا ستي حتى بتفتكرى إسمك . هى : جسمك .. ماله جسمى يا قليل الأدب . هو : يا ستى إرحمينا شويه بقي وشيلى الزلط اللى فى ودانك . هى : قدامك !؟ هو إيه اللى قدامى يا واد أنت . هو : يووووووووووووه يادى النيله . هى : البليله .. أه البليله حلوه والله.. دا حتى أنا نفسي في طبق بليله باللبن كده يا واد وعليها شوية مكسرات وكده يعنى . هو : يا حول الله يا رب هو حد جاب سيرة البليله يا ناس . هى : القلقاس !؟ أه بأحب القلقاس أهو كله نعمة ربنا . هو : يا ستى ابوس ايديكي أرحميني أنا لا جيبت سيرة قلقاس ولا أناناس . هى : لأ لأ لأ عيب يا بنى ..عيب لما تجيب فى سيرة الناس . هو : يا ستى هو أنا جيبت في سيرة حد . هى : أه يوم الحد كان إمبارح بس والنبى يا بنى ما أنا فاكره النهارده إيه!!؟ يكونش النهاردة الجمعه يا واد . هو : لا يا ستى النهارده الخميس . هى : البوليس!! وعايز منك أيه البوليس إنت عملت إيه يا منيل على عينك؟ هو : يييييه بقولك إيه يا ستى نفضى ودانك وطرطقيهم كده وإسمعينى . هى : رضعينى !! أرضعك إيه ياواد أما إنك قليل الأدب صحيح . هو : يا ستى أنا إتفطمت من زمان الحمد لله بس عايز منك قرشين كده سلف . هى : علف !! إنت بتربى بهايم يا واد ؟؟ هو : يا ستى بقولك سلف !! سلفينى خمسين جنيه عايز أشحن التليفون . هى : كومبيليزون !! كومبيليزون إيه يا للى مش متربى . هو : يا ستى حرام عليكى الرحمة حلوة برضه أبوس ايد اللى خلفوكى عايز خمسين جنيه سلف علشان أشحن . هى : أشتم !! وكمان عايز تشتم يا قليل الأدب . هو : بقى كده يا ستى طب ماشى خدي عندك بقا !! بقولك إيه يا ستى . هى : وظيفتى .. وظيفة إيه يا بنى أنا طالعه علي المعاش من زمان . هو : رمان إنتى عايزه يا ستى تاكلى رمان . هى : أه نفسي في السمان .. هو فيه سمان دلوقتى يا بنى من بعد أنفلونزا الطيور . هو : أه العبور !! أه ده كان سنة تلاته وسبعين . هى : سامعين ؟؟ سامعين إيه خير الله إما إجعله خير هو فيه حاجه . هو : بتقولي ايه يا ستى ..عايزة قهوة سادة . هى : عياده ..عايز تودينى العيادة ليه يا بنى هو أنا عيانه . هو : صقعانه .. صقعانه ليه بس يا ستى دا حتى الجو النهاردة حر . هى : كفالله الشر !! شر إيه يا بنى اللى بتقول عليه ده . هو : بقولك إحنا على البرررررررر . هى : أه يابنى منا عارفه الخروف ليه فرو .. وبيبقي كمان تخين . هو : أه إبنك حسين !!..ماله إبنك حسين . هى : العجل سمين !! أه هانجيب إن شاء الله في العيد عجل ندبحه ولازم يكون سمين . هو : إيه يا ستي بتقولي ايه .. أسفين .. طب أسفين ليه !! هى : عايز خمسين جنيه !! طب مش تقول كده من الأول هو أنت مكسوف منى يا واد ههههههههه . هو : ياااااااااااااااااااااااه أخيرآ يا ستى الحمد لله .. هاتى بقى . هى : أجيب إيه ؟ هو : هاتى الخمسين جنيه !! هى : تحسين بيه .. تحسين بيه مين يا واد . هو : يالاهووووووووووووووووووووووووى . ************************** |
12-18-2010, 07:11 AM | رقم المشاركة : [2] |
مشرف منتدى الميديا
|
ههههههههههههههههههههههههه
جميلة جدااااااااا بجد ربنا يباكك |
|
|
12-18-2010, 02:09 PM | رقم المشاركة : [3] | |
مشرف المنتدى الاخبارى
|
اقتباس:
بس بصراحه انا اول ما شفت اسمك عملت لى كومنت قلت اكيد هلاقيك كاتب جميل جدا جدا وربنا يعوض تعب محبتك بس للاسف الموضوع مكرر والاصلى هنا مع انى عارفه انك مشرف على الميديا بس هو ده الاحساس اللى جالى لانك عملتها فيا قبل كده ههههههههه وشكرا لمرورك |
|
|
||
12-21-2010, 06:48 AM | رقم المشاركة : [4] |
مراقب عام و مشرفة منتدى الشباب والشبات
|
هههههههههههههههههههههههههه جامدة جدا ربنا يباركك
|
|
|
12-21-2010, 09:06 AM | رقم المشاركة : [5] |
مشرف المنتدى الاخبارى
|
ميرسى ليكى ميرنا على مرورك الجميل
ربنا يباركك |
|
|
مواقع النشر (المفضلة) |
الكلمات الدلالية (Tags) |
تقيل, جدته, حوار, سمعها, شويه!! |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
تردد قناة " Taranem TV " على النايل سات وعرب سات | avatakla | منتدى المواضيع الهامة | 0 | 05-17-2012 03:40 AM |
حوار بين شاب و المسيح | avatakla | منتدى التأملات | 0 | 09-06-2011 04:17 AM |
رساله من شاب كتب فيها اخر حوار دار بينه وبين خطيبته | بنت الست العدرا | منتدى التأملات | 4 | 12-08-2010 11:30 PM |
اضحك شويه!!! | بنت الست العدرا | المنتدى الفكاهى | 12 | 12-05-2010 12:26 AM |