منتديات الانبا تكلا هيمانوت
 
jquery Ads




العودة   منتديات الانبا تكلا هيمانوت > منتدى الشكاوى والاقتراحات ومناقشات الاعضااااء > منتدى المواضيع المحزوفه والمكرره

الملاحظات

موضوع مغلق
 
أدوات الموضوع انواع عرض الموضوع
  #1  
قديم 04-10-2009, 10:59 PM
الصورة الرمزية بنت البابا
بنت البابا غير متواجد حالياً
مشرفة قسم منتدى البابا شنودة والبابا كيرلس ومنتدى المرشد الروحى

 

ava6 انت مين يارب انت مين ؟

ياقادر تنــورلـــــى سكــتى ف ضــلمة ليــلى الــحزين...
ياقادر تمســح كل دمعــه من عيـــونى المجروحيـــن...

ياعالم باللـــــى فيــا وعـارف ســـــرى الدفيــــــن...
أنا...وأن قلت أنا ...ومهمــا قلت أنا ..أبقـــــى ميـن؟..


ولا أنا ..أن كنت أنا ..ومهمـا كنــت..أبقى منـك فين؟..
أنا تراب وعـدم..أنا أمل وألم..أنا مهما قلت برضو طين..
أنا فين م اللـى حـواليك متحوطيـن ..شاروبيم وسارافيم..
مسبحيــن وساجــــــدين...

مهمـــا مشيـــت أنـــا .. ولو مشيـت الف ميـــــــــل...
مـــــــش هالاقى.. مـــــــش هاصـــــــادف...زى حبــك
زى عطــــفــــك.. زى قلبـــك.. .زى إيــــدك الــــيمــين...

مش هاشوف قلب مليان بالحنان جوه صدر مليـان حنيـــن...

ولآ إيـــــده.....
ولآ إيــــــده اللى راسمــــه دمــــه ع الجبــــين .
بتقــــول تعا لــــوا ماتخــــافوش....
إيـــه يعنى الزمــــان...وإيــــه دول الوحــــوش...
وإيه الشـــيطان ده اللى إنتـــوا منه متخوفـــين...
و ف بحــــــــر الخطـــايا...شايفكم غرقانيـــــن...

ماتخافـــوش... ده من ساعة صليبى مع الالام
ويا الأنيـن . .. ...صرتوا منـــى مقبولـــين..
ماتخــــافــــــوش....ولا تحسبــــــــوش....
إنــى عـايــــــز عبـــاده منكــم فوق طاقتكــــــم....
وإن كانت السفينه دى فاتتكم..أنا المتاع ليكم ويا رحلتكم..

أنا المعين للى مالوش..ورجا للى ماعندوش..والعزا للمحـزونين..

أنا المينا فى كل عاصـف..واللى يمسكم يجرح عينيـا السهرانين..
وإن كانـت الخطيـــه ألهبتكــم...أنا كل بلسـم للملهوبين...

والأمــــــهات الثكــــــالى. ... والمرضــــــعين والحبــــــالى
والمظلــــــومين... والمكلـــــومين... والمخطوفيــن
هتلاقـــــوا مناديل حبـى علـــى قلــــــــــوبكـم...
بتمســــــــح كــــل دمعـــه ف عيــــــونكـــــــم..

وبصبر صدرى وطــــول أنـاتى هاشيل على كفوفى راحتكم
هاحارب عنكـم... وأمسح دموعكم ..وارجعكم تانى منصورين
لكـــــن صــــدقــــونى يا حبايبـــــــى....
جــــرح لونجينوس بينـــزف...ودمع عينـــى بيـذرف...


لمـــــــــــا ألاقـــــــيكـــــم مجــــــــــــرميــــــــــن.....
وأنا اللى شايلكم جوه قلبى...مجرمين فـى حـق صلبـى..
ولدم قلبــى هادرين... ولدم حبــــى سافكيــــن...
وإللى بيحاولوا يخربوا كنيستى من العلمانيين
لما أشوفكم للشيطان مملوكين...وإنتوا اللى بأيديا مخلوقين
وبصـــــورتى ومثــــالى خلقتـــكم بأيديا متشبهيــــــن..

لما ألاقـى دم حبى . لما ألاقى لحم قلبى بينداس م الأفاقيـن..
لما ألاقى حيـــاة ولادى للشيطـــان مملوكين ولعدوى مديونين..
لما ألاقـى إيمـان ولادى..ضـــــاع......فى جحـود الكافرين..
لما ألاقـى عابد القـرش.. اخـر النهـار يعدهم بالملاييـــن..

لماألاقـى ابن ادم ...كــرباج ف إيده ع الغلابـــه المساكين..
لما ألاقــى إسمـــــى ف لســـــان الحــــــــلافيـــــــن..
لمـا ألاقـى إسمــــى ...بيشتمــــــــوه الشتــــــــامين..
وجــــــوه صــــــدر كـــل واحــد ميت شيطـات متربعيــن..

تمن نــزولى كان محبــه ...صــرتوا ليــا ليـه متنكـريـن..
وكل بدعـه بفلسفــه ودمع عينى بيدمــع ويدمــى .. وصـــابر..
لكــــن صبـــرى...وصــــدرى محــــــزونيــــــــن....
إنــــــــت ميـــــــن يــــــارب؟؟؟إنــت ميـــن؟؟؟...
إنـت أكبـــر مـــن كـــــل لفـــظ يقــول إنت ميـــن...

إنـت أعظــم.. وأعظم.. وأعظم من إن أقوللك إنت مين...
وبرضوا ترجع وتقولهم أستنى...أستنى الزمان يطوى السنين..
يمكـن بكـــره يســألـونـى.. يمـــــكن بكـــره يعرفونـــــى...
ويقولولـى... وينــادونـى ... ويعرفونى أنا أبقى ميــــــن....


تعـــــرفــــــونــــى أنـــا ميـــــــن؟؟؟...
لو تعرفونى..هتــلاقونـى سـاكن جـوه قلـوب القديسيـــن...
هتــلاقونــــــى منــــاره جــــــوه دار المخلصيـــــــين....
هتــلاقونـى كاس ميه بارد فى جـوف كـل بايس بايت حزيـن...

هتــلاقونـى نجمـه مفضضـه دليل للتايه ولكل مين..
هتــلاقونـى ف كتـــابى....لو تفتحـوه هتلاقوا بابـــــى..
مفتـــوح بابتســـــامة أمــــل ...لكل الخاطئيــــــن...
هتــلاقونـى ف دمعــــــة حــــــزانى متعــــــــزييــن..

ولســـه بتسألوا أنا أيـــه وميـــــــــن؟؟؟...
أنـا البســمه إللـى عـادت.. بعد مـاضاعت..
ما بيـــن شفايف المحـــزونيــن...
أنا حـرية إللى إنكتــب عمـــره يعيـش أسيــر
أنـاالمحبـه وضامـم مابين كفـوفـى المكروهين..
أنـا إللى إديت للكفيـف عيـونه بعد ماكـان ضريـر..
وأنــا المينـــا ...ومرســى كـــل المرذوليـن..

أنـــــــا حـــــــب......
أنـــــا حـــــب تـلاقـوه جوه قلـوب المسيحييـن..
أنـا عـيون الضـى ..ونـور سبيـل للعميــــانين..
والكسيـح إللـى شفيــته...بعـد مـا كـان أسيـر..

دى إيديـــــا عكــايـــز حــــــب....
دى إيديـا عكـايـز حــب..شايلـه حمـل العاجــزين..
وملايكـة سمــايـا محكمـه..وحكمـى عـادل للمظلوميـن..
أنا الشمعه إللــى بتضــوى سكــة الليــل الحــزين..
ونزلــت ف البتــول ..لاجـل كـــــــل العالميــــن..

أنـا إللـــى غــفــرت ..للـــــــص اليميــــــن...
أنا رب يعقـوب الأسرائيـل...وإلـه إسحـق وابراهيـم...
وأنـــا مــرمـى عيــون وقلــوب صـلاة الراكعـين..
وبأسمـع أنة ولادى إللــى علــى إسمى محرومين...
مقهــــــــــورين..معـــــــــــوزين....محبوســـــ ــيـن
مجــــــــروحين.. مخطـــوفات ... ومخطوفيــــن ...
وهافـــرررح . ........قلــــــوب ولادى... ...
وهامســح كل دمعـه من عيون الحــزانـى المتعبين

إن كنتــوا ليــا مشتـاقيـن...إن كنتــوا بيـا فرحـانين
وإن كنتـــوا فيـــا ساكنيـن إعـرفونـــــــى.. ..
هتعــرفــوا أنــا إيــــه ... وميــــــن... ..
وإن عرفنى حـد فيكـم..يقول لغيره أناأبقى مين..



إنــــت يارب رحمـــــه لكل المعـــــــــذبين..
إنـــت ربــــى ....ورب كـــــل المخلوقيـــن...
إنـت يارب أكبـر من كل لفظ يقـول ده ميـــن..
إنـت أعظــم من إن أقوللـــــك إنــت ميــــن..

إن نسيتـــك..مش هانســى سفــك دمـك الثميـن..
إن نسيتـك..مش هانسى إنك راحه للثقالى والمتعبين..
إن نسيتـك..مش هانسى إنى عشانك بيحاربنى إبليس لعين..
إحنــا يارب ..من غيـرك عـرايا وإنت الستر الحصيــن.. ..

يارب إدينـــا موســى يعدينــا بحـــرنا الأحمــــر..
إدينـــا يارب فـــرصه..نعــرفــك أكتــر..وأكتــر..
إدينـــا فلـك نــــوح ....قبـــل ما السمــا تمطـر..
خللـــى قلـــوبنــا لرجليـــك ..بســــاط أخضـــر..

وإدينـــا يارب بكــــره...
إدينـــا بكـــره..نرجعللــك فيـــــه بحـب أكبـــر..
خلينـــا فى طــــريق قدســــــك سالكيـــــــــن...
إنـــزع الاثـــام من قلــــــوبنــا المحزونيــن..
وإدينـــا يارب بكــــره ...يمكـــن ...يمكـــــن..
يمكـــن بكـــره نعــــرف بالحقـــيقه إنت ميـن.
.
يمكـــن بكـــره نعــــرف إنت ميـن..
يمكـــن بكـــره نعــــرف إنت ميـن


منقووووول

صلوا لاجلى

التوقيع:
كن مطمئنا جدا جدا ولا تفكر فى الامر كثير بل دع الامر لمن بيدة الامر



التعديل الأخير تم بواسطة بنت البابا ; 04-10-2009 الساعة 11:06 PM.
قديم 04-11-2009, 02:46 AM   رقم المشاركة : [2]
امين الخدمة

 
افتراضي

موضوع جميل يا اختى الغالية بنت البابا وكلمات جميلة ومعزية ومشجعة ربنا يبارك فى خدمتك ويعوضك


التوقيع:
[flash=http://up.ava-takla.com/uploads/files/ava-takla-588017e24e.swf]WIDTH=469 HEIGHT=600[/flash]





المصرى الأصيل غير متواجد حالياً  
قديم 04-11-2009, 12:06 PM   رقم المشاركة : [3]
مشرف منتدى الميديا

الصورة الرمزية medhat atef
 
افتراضي

موضوع راااااااااائع بجد يا بنت البابا

ربنا يبارك خدمتك


التوقيع:






منتديات الانبا تكلا هيمانوت





قسم الميديا المسيحية





Dohaaaaaaaaa
medhat atef غير متواجد حالياً  
قديم 06-24-2011, 03:41 AM   رقم المشاركة : [4]
مراقب و مشرفة قسم التأملات
الصورة الرمزية sasso
 
افتراضي

شكرا بنت البابا للموضوع الجميل
الموضوع الاصلى هنا


التوقيع:

[flash=http://up.ava-takla.com/uploads/files/ava-takla-b558c66a96.swf]WIDTH=400 HEIGHT=350[/flash]
sasso غير متواجد حالياً  
موضوع مغلق

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
قدوس انت يارب avatakla منتدى طلب الصلوات 0 01-04-2012 04:36 AM
ترنيمة مين أحن منك - هايدي منتصر + هاني روماني‬ avatakla ترانبم كليب 0 09-17-2011 10:41 AM
انت سامعني يارب بنت الست العدرا منتدى طلب الصلوات 0 08-08-2011 12:17 AM
الحقيقة انت ابن مين ؟ ابن الدموع المنتدى الادبى 4 04-06-2010 01:06 AM
انت مين يارب...انت مين؟؟ بنت البابا منتدى التأملات 4 10-27-2008 05:45 PM


الساعة الآن 02:32 PM


† هدف خدمتنا: "‎ذوقوا وانظروا ما أطيب الرب‎" مزمور 34 : 8 †
† مبدأ خدمتنا: "ملعون من يعمل عمل الرب برخاء‎" ارميا 48 : 10 †
† شعار خدمتنا: "ليس لنا يا رب ليس لنا لكن لاسمك أعط مجدا‎" مزمور 115 : 1 †