منتديات الانبا تكلا هيمانوت
 
jquery Ads




العودة   منتديات الانبا تكلا هيمانوت > المنتدى المسيحى > منتدى التأملات

الملاحظات

إضافة رد
 
أدوات الموضوع انواع عرض الموضوع
  #1  
قديم 03-24-2011, 03:20 AM
الصورة الرمزية حبيب البابا
حبيب البابا غير متواجد حالياً
مراقب المنتدى
 


افتراضي علشان مين جاي تموت؟

علشان مين جاي تموت؟
علشان آدم؟ علشان حوا؟ اللى كسروا العهد وأكلوا
علشان أول أخ في دنيا من حسده لأخوه خلاّه قتله
وللا سدوم وللا عمورة؟ علشان لوط ومراته وأهله؟
علشان عيسو واخوات يوسف؟ والناس في زمن موسى يستاهلوا؟
علشان مين جيت يا يسوع؟

ليه تستحمل جلد السوط؟ علشان مين جاي تموت؟
علشان مين جاي الدنيا؟ جاي تخلص مين م النار؟
علشان شاول؟ وللا داود؟ وللا عشان شمشون جبار؟
علشان قاتل؟ علشان حاسد؟ علشان حبة ناس أشرار؟
علشان شعب غليظ الرقبة جاي تتعذب وبإصرار!
علشان مين جيت يا يسوع؟؟

ليه راضي في سكون وسكوت؟ علشان مين جاي تموت؟
علشان مين جاي تتجرّب؟ جاي تدور ليه على خروف؟
وللا عشان سامرية مريضة؟ وللا عشان مفلوج ملهوف؟
وللا جيت علشان الأعمى؟ وياترى نظره خلاّه يشوف؟؟
علشان بطرس وللا يهوذا؟ والباقي اللي جري م الخوف!
علشان مين جيت يا يسوع؟

اصرخ فيهم! اصرخ فيهم! ليه مكبوت؟! علشان مين جاي تموت؟
علشان تينة مفيهاش ثمرة؟ وللا عشان تغسل رجلين؟
وللا عشان باراباس اللص؟ جاي تخلّص لص يمين؟
جاي للصلب؟ جاي للدق؟ جاي للحربة وشوك في جبين؟!
جاي تتعذب! جاي تموت!! مين يستاهل حبك؟؟ مين؟؟؟
علشان مين جيت يا يسوع؟

علشان إيه قبلت الصلبوت؟ علشان مين جاي تموت؟
علشاني!! علشاني وعلشان ملايين.. علشان حبة ناس ضايعين!!
جاي تتحاسب وانت برئ.. وليه تدفع انت الدِّين؟
هفضل أسأل نفسي وأجاوب.. جاي تموت علشان مين؟!

نفسي أستاهل أقول علشاني.. وأفرح بيك قايم م الموت
وسؤال فاضل هز كياني.. علشان مين جاي تموت؟!

دة لمّا صلبوك اليهود.....
لأ
دة لمّا صلبوك الرومان......
بردو لأ..
عايز الحق
لا يهود صلبوك ولا حتى رومان
دة بإيدي يارب أنا صلبتك!
أعمالي وشري في إيدي كرباج ونزلت بعزمي وجهلي جلدتك!!
اخرج من صمتك عنّفني وامسك كرباجي وكتّفني
وبقوة حبك اضعفني.. دانا ياما غلطت وعذبتك

تسليمك..
تسليمك طبعي وهواية!
وفلوس بيعك لسة معايا
مع إنك محفور جوايا
سألوني عليك رحت نكرتك!
اصرخ من ألمك من ضربي.. واضربني بإيدك على قلبي
شوف قلبي ليه قسي على ربي؟ دانا ياما رفضتك.. ياما سبتك..

مسامير إيدك إيدي سنِّتها.. وأشواك ألمك بذرة نسيتها
وزرعت معاها شجرة سقيتها.. خَدوا منها الخشبة وصلبتك
كسَّر أغلالك قيِّدني.. واكسرلي قيودي وساعدني
واخطفني لحضنك إبعدني.. دانا ياما عاندتك وبَعَدتك

أنا باراباس! ليه تشيل لي صليبي؟
خلع هدومك من ألا عيبي
وقرعة ثوبك جت في نصيبي
ومسكت الحربة وطعنتك
إنزف!
إنزف من قلبك من جنبك
واغسلني بجسدك وبدمك
فتَّح لي عينيا على حبك
دانا ياما بغمّض وبخالفك

دة الخل اللي شربته عصيري
ومرار طعمه من تأثيري
قصة قتلك من تدبيري
نزِّلتك قبري ودفنتك

اخرج من قبرك دة مكاني
واترك أكفانك دي عشاني
واصعد للسما وارجع تاني
قومّني بموتك وقيامتك
التوقيع:
بقى أنا أستاهل إنك تخبط على قلبي وإنت بجلالك واقف قدامي وتقول إفتح لي ..
مين أنا يمكن نسيت أنا مين أنا التراب إفتكري يا نفسي اياك تنسى.
. أنا لا أستاهل شئ إغفر لي يا ربي وأنت بجلالك انسى لي أثامي وأرحمني يا ربي




[flash1=http://www.ava-takla.com/up//uploads/files/ava-takla-973ec44ed9.swf]width=685 height=500[/flash1]











ليس نجاح الخدمة فى كثرة عدد المخدومين

وإنما فى الذين غيرت الخدمة حياتهم وأوصلتهم إلى الله





رد مع اقتباس
قديم 03-30-2011, 12:48 PM   رقم المشاركة : [2]
مراقب و مشرفة قسم التأملات
الصورة الرمزية sasso
 
افتراضي

جميل جدا جو مرسى ربنا يعوضك


التوقيع:

[flash=http://up.ava-takla.com/uploads/files/ava-takla-b558c66a96.swf]WIDTH=400 HEIGHT=350[/flash]
sasso غير متواجد حالياً   رد مع اقتباس
إضافة رد

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
ترنيمة مين أحن منك - هايدي منتصر + هاني روماني‬ avatakla ترانبم كليب 0 09-17-2011 10:41 AM
لحن هوس ايروف التعليمي للمعلم جاد + معهد الدراسات القبطيه JESUS LOVE منتدى الالحان 2 06-03-2010 03:27 AM
نكت تموت من الضحك remon12 المنتدى الفكاهى 5 12-21-2009 03:19 PM
رسائل للموبايل تموت من الضحك حبيب البابا المنتدى الفكاهى 11 04-02-2009 12:56 PM
صور ناس تموت من الضحك johnyousry منتدى الصور العامه 6 03-22-2009 07:59 PM


الساعة الآن 01:34 AM


† هدف خدمتنا: "‎ذوقوا وانظروا ما أطيب الرب‎" مزمور 34 : 8 †
† مبدأ خدمتنا: "ملعون من يعمل عمل الرب برخاء‎" ارميا 48 : 10 †
† شعار خدمتنا: "ليس لنا يا رب ليس لنا لكن لاسمك أعط مجدا‎" مزمور 115 : 1 †