دماء الشهداء

ينصــــــــــــر دينك يا بطــــــــل قتلــــــت ناس عُـــــــزًّل كتيــــر
ستات، شيوخ وكمــان عيال أزحت عنــــا خطـــــــر كبيـــر
دي ناس بتقــــول الله محبـــــه والمحبــــه دي شـــــــئ خطيـــر
إقتــــــل بطرس واقتل مينــــــا اللـــي اخواتهـــم ماتوا فـ سينا
واللي ولادهم رقصوا فـي فرحك واللــــــي فـ ميتــــــــم بيعزّينــــــــا
إقتــــــل مــــاري وطنط تريزا دول ناس مافيهومشي ولاميزه
دايما كده يبتسموا في وشك ويقولوا أهلاً خطــــــوة عزيـــــزة
واقتـــــــــل برضه عمّك حنا ف أي خناقــــه بيحـــوش عنّا
غـــــــاوي يصّلــــح بين الناس ولا يمكـــن يورد على جنّـــــــــه
وإقتــــل سامي ناجي نجيب اصل الإســـم صراحــــة مريب
يمكـــــن يطلـــــع واحد منهـم او داقق علـــــــى إيده صليب
ولا اقولك... إضرب شبرا والكيت كات وميدان الاوبرا
فجـر واحدة في كل مكـــان خلّي جيرانهم يصبحـــوا عبره
لينـــــا رب اسمـــــه الكريـــم هاييجـــى يوم تتعرض عليـــــــه
تقف امامــــــه ويســـــــــألك الشخـــص ده عمــــــــلك أيه؟
بــــأى ذنـــــــــب تقتلـــــــــــــه وفـــين ومــــين وإزاى وليـــــه؟
إبقــــــى قـــولى يا بطــــــــــــل هاتـــرد يومهـــــا وتقول إيـــــه؟


منقوووووووول

موضوع هااااااااااااااااااااايل يابنت العدرا ربنا يعوضك ويعزينا