|
|
|
#1
02-04-2011, 12:42 AM
|
||||
|
||||
يا [you] ايه هو المنطق ؟؟!!؟؟
تعرف ايه عن المنطق يا مرسى؟ اعرف ان لما واحد يضرب واحد يقع ما يحطش منطق.. هو دا المنطق ولا مش هو؟ هو ولا مش هو يا استاذة يا متسقفين يا بتوع المدارس؟! طيب .. مرسى الزناتى طالب فاشل ما يعرفش حاجة فى البطاطس وقال اجابة غلط ... تعرفوا انتــوا ايــه بقى عن المنـــطق؟! هل المنطق بتاعكوا ان الواحد يضيع من عمره 6 سنين فى ابتدائى وبعدين 3 فى اعدادى وبعدين 3 فى ثانوى من غير ما يتعلم فيهم اى حاجة (يتعلم بجد مش يصم ويطرش) وبعدين يدخل اخر كلية كان يحب او يتصور انه يدخلها وييع كمان 4 سنين (6 لو دخل طب) على الارض ودا اصلا فى حالة نجاحه...!! الشىء المنطقى الوحيد فى الموضوع انه فى نهاية كل تلك الهرتلة يتخرج من الجامعة ابيض يا ورد..!! ما يعرفش اى حاجة عن اى حاجة لا يملك من حطام حياته سوى شهادة تخرج يستطيع ان يذهب بها الى عم عزيز بتاع البراويز ليعلقها فى صالون المنزل ويفرح باباه ومامته بيه ويرفع راس عيلته قدام الجيران بعد هذا يصبح متأهبا لمواجهة الحياة بعقل انضف من الصينى بعد غسيله..!! وقلب متهربد من علاقات الحب الفاشلة ... التى لم تخرج عن اطار الوقفة على كوبرى قصر النيل المكدس تماما ببنات واولاد واقفين يحبوا فى بعض لن يتزوجوا لانهم اصلا مش لاقيين ياكلوا ... ولن يصلوا فى قصة حبهم الى ابعد من تلك التعليقة على الكوبرى ....! ناهيك طبعا عن الجيوب الخاوية والكبد والطحال المهريين من كتر شرب الشاى والقهوة والشيشة اثناء لعب الدومينو والطاولة على القهوة هل هذا هو المنطق؟ طبعا واضح جدا ان عنينا فارغة بدال ما نحمد ربنا ونبوس ايدينا وش وضهر على مجانية التعليم (اللى لا هى مجانية ولا هى اصلا تعليم) بنتبطر على النعمة واضح ايضا اننا مش واخدين بالنا من النهضة الشاملة التى تمر بها البلاد اليومين دول والمؤتمرات اللى بتعملها لجنة السياسات كل يوم للشباب وفرص العمل الهائلة التى فوجىء بها الشباب تسقط على رؤوسهم (تقولش مطرة) اما بالنسبة لسقف الحرية المتاح للشباب والمناسب لتنمية ابداعهم وقدرتهم على الابتكار فحدث ولا حرج حيث تم توسيع هامش الديمقراطية ( اكتر ما هو اصلا واسع) بحيث يتحرك الشباب جواه براحتهم ( جوا الهامش) منطق ايه بس اللى بتتكلموا عنه؟ بلد غير منطقية يعيش بداخلها مجتمع غير منطقى تحكمه حكومة غير منطقية تتصرف تصرفات غير منطقية ......!! وجايين تتشطروا على الواد الغلبان مرسى الزناتى وتقولو له : تعـــرف ايـــه عن المنطـــق؟؟؟؟؟!!! 
|
|
02-04-2011, 01:27 AM
|
رقم المشاركة : [2] |
|
|
ههههههههههههههههههههه
معاك تماما في كل كلمة قلتها بأمانه بالذات الحتة بتاعة التعليم دي بس قولي ايه حكاية العنوان الغريب ده؟؟؟؟ يالعدرا أمي هو ايه المنطق؟؟ |
|
|
|
|
|
|
02-04-2011, 01:39 AM
|
رقم المشاركة : [3] |
|
مراقب المنتدى
|
ميرسى على مرورك الجميل يا حبيبه ابوكى
العنوان مش غريب ولا حاجه كل عضو بيدخل المنتدى بيشوف العنوان بأسمه يعنى دلوقتى انا شايفه . يا حبيب البابا ايه هو المنطق ؟؟!!؟؟ |
|
|
|
|
|
|
|
02-04-2011, 01:25 PM
|
رقم المشاركة : [4] |
|
|
آآآآآآآآآآآآآآآآآآآآآآه طيب كويس
نورت المحكمة شكرا لتعبك حبيب البابا ربنا بعوضك |
|
|
|
|
|
|
|
02-08-2011, 05:23 AM
|
رقم المشاركة : [5] |
|
|
ايه هو المنطق
انا معاك قلبا وقالبا
لكن بمشيئة الرب سوف تتغير اشياء كثيرة بعد هذه الثورة التى قام بها شبابنا الواعى كل الاشياء تعمل معا للخير للذين يحبون الله لاتقلق لان الرب سوف يتدخل بيده القوية ويغير للافضل والاحسن الرب يباركك ويمنحك سؤل قلبك اذكرنى فى صلاتك |
|
|
|
|
02-18-2011, 12:06 AM
|
رقم المشاركة : [6] |
|
مراقب المنتدى
|
ميرسى كتير بيبو على مرورك الجميل ربنا يباركك ويعوض تعب محبتك
|
|
|
|
|
|
|
 |
| مواقع النشر (المفضلة) |
| الكلمات الدلالية (Tags) |
| المنطق, [you], ؟؟!!؟؟ |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| ايه اللي يمنع؟ | terymaria | صور السيد المسيح | 0 | 03-09-2011 02:44 AM |
| ايه رايك؟؟؟؟؟؟؟؟؟؟؟ | white_heart | مناقشات الأعضاء | 12 | 06-09-2009 08:13 PM |
| ايه ده ايييييييييييييييييه | yoyo2008 | منتدى المقترحات | 13 | 10-06-2008 01:56 PM |
| ايه دا؟؟ | the black eagle | العالم فيه ايه | 29 | 09-29-2008 05:14 AM |
| ايه رايكوووووووو؟؟؟؟؟؟؟ | white_heart | منتدى المقترحات | 17 | 09-11-2008 09:25 PM |
العرض العادي
