لعبه كرسى الاعتراف

العصره التانيه ومفيش رحمه

1. ميمو بيحب الكوره بس مشفنهوش بيلعب كوره ايه السر ؟

2. ميمو لما بيبقى متضايق ومخنوق بيعمل ايه ؟

3. اشتركت فى منتديات قبل كده ؟ واذا كان اه ايه وجه المقارنه ؟

4. قولنا حكمه ميمو بيقتنع بيها .

5. ايه المكان اللى عزيز على قلبك ؟ وليه ؟

7. لو كنت رئيس الدوله ايه هى القررات اللى هتتخذها ؟

8. لو واحده قالتلك بحبك تتصرف ازاى فى الحالتين لو كنت بتحبها ولو بالنسبه لك اخت ؟

9.اختار العضو المناسب للقب من وجهة نظرك

شعلة المنتدى
تاج المنتدى
العضو المتميز
العضو صاحب الاخلاق العاليه
العضو صاحب افضل ردود
العضو صاحب الطله البهيه
العضو صاحب المساعده للكل
العضو صاحب افضل توقيع
العضو البسيط..قليل التواجد والتفاعل
العضو صاحب القلم الجريء
العضو الوفي للمنتدى
العضو صاحب التشجيع بالمنتدى
العضو صاحب افضل التصاميم
العضو صاحب افضل المواضيع
العضو المثقف
العضو صاحب العطــــــاء
العضو الغثيث ثقيل الدم
العضو الجريئ
العضو المرح


لو قلنالك اختار لنفسك لقب تختار ايه

كفايه عليك كده

مين هو ميموووووووووو؟
وهدفه ايه فى حياااااااااته كلهااااااا؟
ونفسه المنتدى يبقى ازاااااااى؟
ايه هو المبدأ اللى بتؤمن بيه فى حياتك كلها وبتطبقه؟
شوية نصايح بقى لاختك الصغيرة؟؟؟؟؟

المشاركة الأصلية كتبت بواسطة pishoy

ميمو يلا نبتدى العصر دى اوجا موصيه عليك

1. هل كنت تتوقع انك انت اللى عليك الدور تعد على الكرسى ؟

لا كنت بصراحه متوقعك انت
علشان عصرك لكل اللى بيعدوا
بس ملحوقه
فهمتنى

2. تقدر توصفلنا مميزات وعيوب ميمو ؟

مميزات : بالى طويل - بسامح على طول - مبزعلش من اى حد بسهوله
عيوبى : ممكن اهزر كتير وممكن ميكونش فى وقت ينفع فيه

بصراحه انا مش عارف اجاوب قوى على السؤال ده

الناس اللى حوليا هم اللى يعرفوا

3. احكيلنا على موقف اسعدك هنا ؟

كتير بس مش فاكر حاجه بصراحه يا بيشو

4. وعايزين كمان موقف احزنك ؟

لا مفيش هو ممكن بس فى احصائيه اكبر تواجد فى المنتدى مكنتش فاتح ساعتها ومضايق قوى بسبب الموضوع ده

5. مين اكتر واحد من الاعضاء بتحس ان مواضيعه بتلمس قلبك ؟

بصراحه كل عضو ليه مميزات فى مواضيعه
المصرى الاصيل : مواضيع قويه تشدك فى القرايه
بنت البابا : مواضيع اكثر من رائعه والوانها رائعه
بيشوى : مواضيع جامده وغريبه وتشدك انك لازم ترد
بنت الانبا تكلا : دايما معاها حصريات
اوجا : مواضيع خفيفه ورائعه
بلاك ايجيل : مواضيع معقده
ومرمر وبولا رفقى وتريزا ونورا وجيرمين وابانوب
فى كتير وانا مش عايز انس حد

6. ايه اكتر قسم بتحبه بعد الكوره طبعا ؟

الميديا المسيحيه بحبه اكثر من الكوره كمان

7. ايه رايك فى المنتدى هلى وصل للى انت بتتمناه ؟

وصل لمرحله متقدمه قوى بصراحه واتمنى انه يفضل يتقدم على طول

8. ايه اللى عجبك واللى مش عاجبك فى المنتدى ؟

عجبنى : الترابط بين الاعضاء ومش انا لوحدى اللى بقول كده ده كل الاعضاء اللى بيقولوا كده

واللى مش عاجبنى : حاليا مفيش بس فى البدايه كان فى شويه مشاكل بس اتحلت والحمد لله

9. ميمو بيحب ؟

لا
بس طبعا بحب عائلتى واصحابى وكل اللى حوليا

10. ميمو ايه هو هدفك فى الحياه واللى تتمنى تحققه ؟

هدفى انى اخلص كليتى والاقى شغلانه احبها فى مجالى

11. مين قدوتك فى الحياه ؟

مفيش

12.ايه هو السؤال اللى نفسك تتساله ؟

كان نفسى تسالنى

كفايه كده اسئله ؟؟

وكانت الاجابه اه كفايه

انا بهظر اسئلك جميله يا بيشوى

استنى عليا فى عصره كمان ...

واما اشوف العصره التانيه

المشاركة الأصلية كتبت بواسطة بنت البابا

ميمو اية هى دراستك ؟

انا فى اولى مدنى كليه هندسه
جامعه المنوفيه

اية هواياتك غير الكورة ؟

بحب النت قوى والمنتديات

مين شفعيك ؟

مارمينا

بتتمنى اية ؟

لنفسى : انى اخلص الدراسه واشتغل فى حاجه بحبها فى مجالى
وللمنتدى: انه يكبر اكتر واكتر

حسيت مرة ان ربنا مش سامعك ولو حسيت عملت اية ؟

عمرى ما حسيت ان ربنا مش سامعنى

حتى لو بعيد عن ربنا على طول بلاقي ربنا جنبى

اكتر موقف حصلك سواء فرحك او احزنك مش ممكن تنساة اية هو؟

حصلى مواقف كتير بس مش فاكر بصراحه

كفاايا كدة

ههههههه شفت اسئلتى بسيطة خالص ازاى اكيد هتدعيلى

شكرا على اسئلتك الجميله البسيطه ديه

المشاركة الأصلية كتبت بواسطة the black eagle

الجولة الاولى (بووووممممممممممم)
1- ازيك ،، عامل ايه ،، أخبارك ايه ؟

انا تمام يا بولا
مبتعديش ليه
مستنيك الاربعاء تعدى عليا نتمشى شويه
:))

2-اكتر حاجة بتكرها في حياتك ؟
الظلم

3- موقف حسيت فيه بالعجز ؟
لما مقدرش اساعد حد عايز مساعده
ومش فاكر بصراحه حاجه معينه

4-يوم لا يمكن تنساه ابداً ؟
يوم امتحان الميكانيكا بتاع الثانويه :))

5-ايه الحلم اللي نفسك تحققه ؟
انى اخلص من الكرسى من غير اسئله تانيه ليك انت

6- كلمة ل شخص بتحبة ؟
مش فاهم

7- جملة لحد ف حياتك ؟
برضه مش فاهم

8-حكمة أو جمله واقعيه بالنسبالك أوووووي ؟
كتيييييييييير

9-اية الشئ اللى بتندم علية دلوقتى .؟
لازم اجاوب يعنى

10-ايه اللي بيدي لحياتك معني ؟
فى حاجات كتير بس منهم المنتدى

11-ليك هدف معين فى حياتك بتسعى لية ؟ وأية هو ؟ ولية أخترتة ؟
تمت اجابته من قبل :))

12-موقف غير حياتك؟
من سنتين بالظبط
حصل حاجه كده غيرت كتير فى حياتى

13-مين اكتر شخص اثر فى حياتك ؟ ولييييييييية؟
تمت اجابته من قبل :))

14-اية اكتر حاجة بتخاف منها فى الحياة؟
برضه الظلم

15-بتعمل اية لما بتكون مضايق؟
بطلع زهقى فى النوم

16-اكتر صفة نفسك تغيرها فى شخصيتك؟(بصرااااااحة)
نفسى اغير فيا حاجات كتير


17- حكمة بتحبيها اووووي ؟
مكرر

18-اكتر اربع حاجات ممكن تعصب ميمو؟
الزمالك ينغلب
الاهلى يكسب هههههههههههه
بولا ابراهيم يسال تانى ههههههه
كفايه

19-اكتر اربع حاجات ممكن تفرح ميمو؟
بفرح قوى لما اقابل حد وحشنى
بفرح قوى لما اساعد حد طلب المساعده
بفرح قوى لما احس انى عملت حاجه مفيده بجد
كفايه

20-ايه رأيك فى الاسئلة؟وايه اكتر سؤال ضايقك؟وهل عاوز تانى؟

تمام اسئلتك

بتسالنى اكتر سؤال ضايقنى
طب قول ايه هو السؤال اللى مضايقنيش
ههههههههههههههه
انا بهظر
لو عندك تانى اسئل يا بولا

شكرا ليك يا بولا على اسئلتك وانا كنت بهظر معاك
انت حبيبى وجارى كمان

المشاركة الأصلية كتبت بواسطة oja

منور يا ميمو

نورك

ويلا نبتدي

_ايه رايك في التدبيسه دي وانك قعدت علي الكرسي ؟؟

شكرا قوى على التدبيسه بس هتترد ان شاء الله :))

_ايه هو معني الصداقه في حياتك ؟؟

شىء جميل واحسن حاجه فى الحياه

_مين اكتر اصحابك ؟؟ ومين اقرب حد ليك ؟؟
اصحابى كتير فى ايام المدرسه واصحابى فى الكليه والمنتدى


_تفضل انك تكون صديق ام حبيب ؟؟

صديق

_امتي بتحس ان ربنا زعلان منك ؟؟

لما اعمل غلط واستمر فيه

_اكتر مشرف بتحبه ؟؟ واكتر عضو بتحبه ؟؟

انا بحب كل المشرفين والاعضاء

_بتتمني ايه لنفسك ؟؟وبتتمني ايه للمنتدي ؟؟

جاوبته قبل كده

_اكتر موضوع ضايقك وحسيت انه لازم يتحزف؟؟

مفيش

_ايه رايك في المشرفين؟؟

بصراحه بيبذلوا اقصى ما عندهم علشان المنتدى

_ايه هي الهديه اللي كلفتك فلوس كتير ؟؟ وكانت لمين ؟؟

كانت لابن اختى وجيبلته عربيه بتمشى بالزر هههههههههههه
بلاش التمن بقى

_امتي تحس بالندم؟؟

لما حد يفهمنى غلط

_ايه الحاجه اللي بتنرفزك ؟؟

حاجات كتير بس اكتر حاجه ان حد يكدب عليا

_لما بتتنرفز بتعمل ايه ؟؟

بنام

_ايه رايك في الشخص الكداب؟؟وبتتعامل معاه ازاي ؟؟

اكتر واحد ببعد عنه

وبتعامل معاه انى تعاملى بيقل معاه خالص

_دمغك ناشفه وعنيد ولا انت مطيع ؟؟

ناشفه جدا

_ايه رايك في المنوفيه؟؟

احسن من اسكندريه هههههههههههههههههه

_ايه البلد اللي تتمني تعيش فيها غير المنوفيه ؟؟

اليابان :))

كفايه عليك كده يا ميمو علشان متعيطش

عرفتى منين انى بعيط

بس انا عايزه باقي الاعضاء يعصورك تمام

شكرا ليكى على اسئلتك الجميله

اكمل اجابه بكرا بقى

يلا يا جماعه اخر ميعاد لتسليم الاسئله بكرا

بعد كده خلاص مفيش اسئله تانى

:))

شطوووووووووور يا ميمو

بس ايه الاجابات المختصره دي

بس ماشي هاعديها

شكرا يا ميمو على الجولة الاولى واستنى الجولة التانية (بوووووووووومممممممم)

خلاص يا ميمو انا مش هسأل تانى علشان التعديل الجديد الى اتعمل يلا ياعم وكلنا مستنين نعرف مين اللى بعدك

صلولي كتير لانى عندى امتحانات كتير