منتديات الانبا تكلا هيمانوت
 
jquery Ads




العودة   منتديات الانبا تكلا هيمانوت > المنتدى المسيحى > منتدى المواضيع الهامة

الملاحظات

إضافة رد
 
أدوات الموضوع انواع عرض الموضوع
  #1  
قديم 06-04-2010, 10:28 PM
الصورة الرمزية Misho Fayez
Misho Fayez غير متواجد حالياً
مشرف منتدى الملاك ميخائيل

 


افتراضي أيتها الرذيلة كم من الجرائم ترتكب باسمك !!

+ بعد قرار المحكمة الاخير بامكانية الزواج الثانى للاقباط
تقابل واحد قبطى مع واحد تانى قبطى برضه

سأل الاول التانى : هتكلل امتى

الحد اللى جاى

هو انت هتكلل قبطى ولا كاتوليكى



ولا دى ولا دى

ايه بروستانتى

قاله : لا .. هاكلل على مذهب الامام ابوحنيفة !!!

+ يحلف المسلم ويقول على الطلاق بالتلاتة ويحلف القبطى ويقول على الطلاق .. بالمحكمة ..

+ طيب لو واحد مسيحى حب واحدة مسلمة وحب يكون اسرة ويتجوزها على اعتبار ان تكوين اسرة هو حق دستورى فوق اى اعتباررررررر .. فهل يا سيدى القاضى هتسمح ان النصرانى يتجوز المسلمة عشان الحق الدستورى فى تكوين اسرة ..التى هى اللبنة الاولى فى المجتمع ..واللى بتمنع من الرذيلة..

+ قالت المحكمة ان امتناع الكنيسة عن التزويج التانى قد يدفع الى طريق الرذيلة !! الحقيقة يا جناب القاضى فيه ناس بتحب الرذيلة قوى ومش بيفرق معاها جواز من غيره .. ربنا خلق ناس كدة .. وغالبا اللى مش واخد التصريح ده بيكون اندفع لوحده للرذيلة والرذيلة ماسكة فيه ومش سايباه .. والبنات والرجالة اللى عددهم فى مصر فوق العشرة مليون وعداهم قطر الجواز والارامل والمطلقات .. اخبار الرذيلة معاهم ايه .. طيب لو انتوا عارفين طريق الرذيلة ما تقفلوه وتعملوا نفق ولا كوبرى بداله ..بس يعنى ايه رذيلة .. وليه الرذيلة عندنا فى مصر حاجة واحدة بس.. يعنى مص دم الغلابة رذيلة ولا فضيلة .. الموت بالحياة تعريفه ايه .. الرشوة اللى اسمها هدية .. النصب اللى اسمه فهلوة .. الظلم اللى اسمه حاجة العمل .. اللى ماتوا فى البحر والنهر واتحرقوا واسمه قضاء وقدر .. ازدراء المسيحية اللى اسمه ابداع .. منع بناء الكنايس اللى اسمه الحفاظ على الامن .. الرذيلة اللى مغطية راسها ومتنكرة وعاملة نفسها فضيلة .. فعلا ايتها الرذيلة كم من الجرائم ترتكب باسمك ..

+ وليه حمادة رائد الشباب السيس فى معهد نوكيا يتم رفض طلباته المتكررة للاعتراف بالزواج العرفى الذى هو مفروض شرعى .. هو مش من حق حمادة وسوسو وتوتو ولولو تكوين اسرة حتى بالعرفى .. على اعتبار ان تكوين الاسرة حق دستورى فوق اى اعتبار ..يعنى ينحرف حمادة ولا يكون اسرة بالقانون ومش مهم اى اعتبار اخر .. ربنا مايرضاش بالظلم !

+ امانة عليك ياحضرة القاضى بما ان تكوين اسرة هو حق دستورى وانسانى فياريت تبلغ زميلك القاضى اللى فى نجع حمادى انه كان فيه شباب زى الورد كان نفسه ينال الحق الدستورى .. وكان نفسه يكبر ويكون اسرة وكانت اهاليهم مستنية اليوم ده .. بس تم قتلهم يوم العيد من خمس شهور واكتر .. بلغ زميلك عن الحق الدستورى يمكن يحكم بالعدل ويمكن يراعى الدم ..!! ولا بلاش احسن يقولك طب ما الكمونى من حقه الدستورى يكون اسرة برضه ويطلعه براءة !!

+ يقال ان زوجة واحد مصلح قبطى ومفكر فضائى تعانى من هلاوس من ساعة ما طلع الحكم بتاع الجواز التانى ... عندما ذهبت للطبيب النفسى عرفت السبب على طول .. خايفة جوزها يطلقها و يتجوز مدنى عشان يثبت عمليا ان الجواز المدنى حلو وزى فتح علبة زبادى !!

+ قالت المذيعة هناء السمرى على قناة المحور ان الكتاب المقدس مخالف لحكم القضاء ..معلش يا جماعة مشكلة الامية فى مصر مالهاش اى حل ..!!

+ طيب لو واحد قبطى رفع قضية عشان مراته تخينة ودمها تقيل وعاوز يتجوز عليها ..و عشان متريشة وغنية مش هيطلقها ..عاوز بس يغير وزن الست .. ورفع قضية عشان المحكمة تسمحله يتجوز تانى على مراته .. وقال يا سيدى القاضى عاوز اتجوز واحدة تانية والا ساسلك طريق الرذيلة فهل سيحكم له القاضى بالزواج لمنع الزوج من المشى البطال ؟؟

+يقال ان الكمونى من محبسه فى نجع حمادى ابدى ضيقه من الحكم بالسماح للاقباط بالزواج التانى وقال لجريدة اليوم السابع يعنى يسمحوا للنصارى يتجوزوا تانى وما يسمحوش لنا نقتلهم ..

+اكثر الناس سعادة بالحكم كان القسيس البروستانتى (ر.ف) حيث ان شعب كنيسته كله فى شبرا كان بيروح يتجوز ارثوذكسى عند الارثوذكس .. كدة هو هيحاول يقنعهم بالمدنى مادام معرفش يجوزهم على طقس مارتن لوثر .. معلش مش عاوز حد يزعل القافية حكمت زى كدة ما المحكمة حكمت !!

+ اللى بيحصل ده بيفكرنى بواحدة ممرضة كانت لما تلاقينى باسمع فيروز على اللاب توب بتاعى كانت تقوللى يعنى يا دكتور مفيش قرأن على البتاع ده (طبعا عارفة انى نصرانى ).. كنت باقولها باسمعه الصبح وانا راجع من الكنيسة ..!! الناس مش قادرة تفهم ان الدنيا فيها المسلم وفيها المسيحى وفيها اللى بيعبد البقر ..!! وكل واحد حر فى حياته تبعا لايمانه وقناعاته !!



يارب بشفاعة العدرا أم الكل والملاك رئيس كل الطغمات إرفع عنا واحمى كنيستك واحمى بطريركنا حامى ايمانا السليم

قولوا كلكوا معايا أمين أرجوكوا
رد مع اقتباس
قديم 06-05-2010, 01:55 PM   رقم المشاركة : [2]

 
افتراضي

يارب بشفاعة العدرا أم الكل والملاك رئيس كل الطغمات إرفع عنا واحمى كنيستك واحمى بطريركنا حامى ايمانا السليم


موضوع مهم جدااا ياميشيل وجميل انك طرحتة وأنا متاكدة أن ربنا هيختار الصالح لينا


التوقيع:


عن أحكامك لم أمل ، لأنك أنت علمتنى

مارى جرجس صاير عبد الملك غير متواجد حالياً   رد مع اقتباس
قديم 06-05-2010, 02:49 PM   رقم المشاركة : [3]
مراقب و مشرفة قسم التأملات
الصورة الرمزية sasso
 
افتراضي

يارب بشفاعة العدرا أم الكل والملاك رئيس كل الطغمات إرفع عنا واحمى كنيستك واحمى بطريركنا حامى ايمانا السليم

اميييييييييييييييييييييييين


التوقيع:

[flash=http://up.ava-takla.com/uploads/files/ava-takla-b558c66a96.swf]WIDTH=400 HEIGHT=350[/flash]
sasso غير متواجد حالياً   رد مع اقتباس
قديم 06-05-2010, 03:32 PM   رقم المشاركة : [4]
مراقب عام و مشرفة منتدى الشباب والشبات
الصورة الرمزية jesus's girl
 
افتراضي

يارب بشفاعة العدرا أم الكل والملاك رئيس كل الطغمات إرفع عنا واحمى كنيستك واحمى بطريركنا حامى ايمانا السليم
مش عارفة بس بصراحة انا حاسة انها مش لاقين حاجة يضايقونا بيها وبيدوروا في اي حاجة يتكلموا فيها عننا ويتدخلوا في حياتنا
ميرسي يا ميشيل بس معرفناش برضو هنكلل ايه؟؟


التوقيع:





jesus's girl غير متواجد حالياً   رد مع اقتباس
قديم 06-05-2010, 08:09 PM   رقم المشاركة : [5]
مشرف منتدى الملاك ميخائيل

الصورة الرمزية Misho Fayez
 
افتراضي

اكيد هنكلل على ستة المسيح المسيح اللى بارك سر الزيجة فى عرس قانا الجليل .. المسيح اللى قال امرأة واحده لرجل واحد .. المسيح اللى اختار 70 رسول كان بينهم مارمرقس كاروزنا وحبيبنا... مارمرقس اللى جه مصر وبشر فيها ... مارمرقس اللى اختار اينيانوس الاسكافى ليكون بطريرك ... اينيانوس الاسكافى اللى جه بعده 116 بطريرك معظمهم دافعوا عن الايمان .. وبعد الـ 116 بطريرك جه لينا وفرح قلبنا بشفاعة البتول واختار معلم أجيالنا ومعلمنا وأسد مارمرقس الرسول اللى احنا كلنا بنحبه لانه ابونا وايد ربنا عليه
يبقى الاجابة هنكلل على سنة ما قاله الانجيل "امرأة واحده لرجل واحد "




Misho Fayez غير متواجد حالياً   رد مع اقتباس
قديم 06-06-2010, 11:05 PM   رقم المشاركة : [6]
مراقب عام و مشرفة منتدى الشباب والشبات
الصورة الرمزية jesus's girl
 
افتراضي

رد رررائع ربنا يباركك


التوقيع:





jesus's girl غير متواجد حالياً   رد مع اقتباس
إضافة رد

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
بالفيديو .. الاسماعيلي يهزم الزمالك في مباراة مدتها ساعتين power light قسم مشجعى نادى الزمالك 4 12-02-2008 03:09 AM


الساعة الآن 01:47 AM


† هدف خدمتنا: "‎ذوقوا وانظروا ما أطيب الرب‎" مزمور 34 : 8 †
† مبدأ خدمتنا: "ملعون من يعمل عمل الرب برخاء‎" ارميا 48 : 10 †
† شعار خدمتنا: "ليس لنا يا رب ليس لنا لكن لاسمك أعط مجدا‎" مزمور 115 : 1 †