#1
|
|||
|
|||
أنا من حارة السقايين
انا من حاره السقايين ... اللى عطشان يجى يشرب من عندنا ... يشرب لحد ما يتروى .. عندنا كل انواع الميه ... كل لون و كل شكل .. من كتر حبنا للميه عملنا عيد للسقايين .. لو عطشان ماتلفش كتير , تعالى جرى على حاره السقايين . و فى عيد السقايين اللى فات و الكل بيحتفل بالعيد حسيت انى عطشانه عطشانه لميه جديده .. مع انى بقالى سنين باشرب من الميه اللى عندنا , لكنى بالاقى نفسى باعطش تانى , بس ده الطبيعى لازم اعطش تانى .. ايه اللى باقوله ده ؟؟؟ اللى بيشرب لازم يعطش تانى . طلعت بره حاره السقايين مشيت وسط الصحرا , الشمس حاميه و الارض ناشفه و متشققه حسيت انى جزء من الصحرا دى ... حياتى زيها ناشفه متشققه متجرحه . رحت للبير , سندت جنبه و انا عارفه انى هاشرب منه و هارجع اعطش تانى .. لقيت و احد قاعد جنب البير , شكله غريب , قرب منى سألنى ادينى اشرب . ازاى اديك تشرب و انا جوايا عطش قد الدنيا دى كلها . و انا لسه بارفع عينى علشان ارد عليه , ده غريب , وازاى يطلب منى هو مش عارف انى انا من السامره , السامره اللى محدش بيرضى حتى يسلم على اهلها , اللى مرفوضين و مكروهين من الكل , هو ما يعرفش ان اهله بيمشوا اميال و يلفوا حوالين بلدنا علشان ما يدخلوهاش و ما يشوفوش اهلها ؟؟ مين ده اللى عاوز مني ميه !!! بص لى عينيه جت فى عينيه نظرته كلها حنان كلها محبه , كلها قبول . اول مره احس انى محبوبه انى مقبوله . قلت اكيد علشان مايعرفش انا ميين .. لو عرف اكيد نظرته دى هاتتغير و تبقى نظره اتهام زى كل الناس . لقيتوا بيقولى على ماضى ,, ايه ده ده عارف كل اللى فات حتى اللى الناس ماتعرفهوش , بس لسه بيبصلى نفس النظره .. نظره الحب . قاللى كلمه واحده , بكل معانى الدنيا , قاللى اللى يشرب من ميه السقايين يعطش تانى , لكن اللى يشرب من الميه اللى باديها انا ما يعطش تانى لكن الميه دى تبقى فيه بينبوع ينبع للابد . رميت جره الميه اللى باشحت بيها الميه و جريت لكل العطشانين فى حاره السقايين تعالوا الميه الحقيقه . الحب الحقيقى .. كان جوايا اعطش للحب , و يمكن ياما جريت ورا سقايين , علشان يدونى الحب , منهم اللى هاننى و منهم اللى استغلنى , و منهم اللى ابتزنى . اتارى كلهم كانوا بيدوروا على اللى يرويهم و بحسبونى انا اللى هارويهم .. عطشان بيدور على عطشان علشان يسقيه . بس هانجيب منين الحب ؟؟؟ مادام الكل عطشان للحب ؟؟ نجيب الحب من مصدر كل الحب ,, الله . مكتوب فى الانجيل ان الله محبه .. الله هو مصدر الحب الحقيقى . هو اللى يدى الحب اللى بجد ,, اللى يشبع و يروى كل عطش جوانا .. و تطلع من حياتنا يبنبوع حب يروى و يفيض على كل اللى حوالينا .. اجاب يسوع وقال لها.كل من يشرب من هذا الماء يعطش ايضا.(يو 4 : 13 ) ولكن من يشرب من الماء الذي اعطيه انا فلن يعطش الى الابد.بل الماء الذي اعطيه يصير فيه ينبوع ماء ينبع الى حياة ابدية.( يو 4: 14 ) |
10-06-2008, 12:50 PM | رقم المشاركة : [2] |
مشرفة قسم منتدى البابا شنودة والبابا كيرلس ومنتدى المرشد الروحى
|
ججججميل اوى الموضوع دة
اروينا ياربببببببب بمائك لكى لانعطش ابداااااا ربنا يباركك وصلىىىى لاجلى |
|
|
10-07-2008, 02:34 AM | رقم المشاركة : [3] |
امين الخدمة
|
شكرا ليكى اختى بنت البابا على مرورك الجميل المسيح يروينا من ايده حتى لا نحتاج لماء العالم اللى عمره ما يروى .
|
|
|
10-07-2008, 05:30 PM | رقم المشاركة : [4] |
عضو مبارك
|
بس هانجيب منين الحب ؟؟؟ مادام الكل عطشان للحب ؟؟
نجيب الحب من مصدر كل الحب ,, الله . مكتوب فى الانجيل ان الله محبه .. الله هو مصدر الحب الحقيقى . هو اللى يدى الحب اللى بجد ,, اللى يشبع و يروى كل عطش جوانا .. و تطلع من حياتنا يبنبوع حب يروى و يفيض على كل اللى حوالينا .. بجد موضوع جميل اوي المصري الرب معك |
10-08-2008, 02:42 PM | رقم المشاركة : [5] |
مشرفة منتدى الاسرة المسيحية ومنتدى الطفل ومنتدى الصور المسيحية
|
جميل اوى الموضوع يامصرى
ربنا يباركك |
|
|
10-11-2008, 04:55 PM | رقم المشاركة : [6] |
امين الخدمة
|
شكرا اخواتى الغاليين مرمر وفرفورة على مروركم الجميل المسيح يحوط عليكم
|
|
|
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
يارب تعبت يارب | avatakla | منتدى طلب الصلوات | 2 | 09-07-2011 12:21 AM |
ترنيمة أنا أنا الخاطي لـ نفين كرزمان و جاكلين عجبان "روعه جدااااا" | بنت الست العدرا | ترانبم كليب | 2 | 09-01-2011 03:42 AM |
من أنا ؟؟ | بنت الست العدرا | منتدى القصص | 0 | 03-21-2011 04:37 PM |
من أنا؟ أنا من هزت كلمات الله حياتى فتغيرت... | Lolla | منتدى الكتاب المقدس | 3 | 02-04-2009 03:00 AM |
لماذا أنا يارب؟؟ | dodo1 | منتدى التأملات | 8 | 09-14-2008 12:34 PM |